ഓർഗനൈസേഷൻ ഫോർ ഇൻഡസ്ട്രിയൽ, സ്പിരിച്വൽ ആന്റ് കൾച്ചറൽ അഡ്‌വാൻസ്‌മെന്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഓർഗനൈസേഷൻ ഫോർ ഇൻഡസ്ട്രിയൽ, സ്പിരിച്വൽ ആന്റ് കൾച്ചറൽ അഡ്‌വാൻസ്‌മെന്റ്
ഓർഗനൈസേഷൻ ഫോർ ഇൻഡസ്ട്രിയൽ, സ്പിരിച്വൽ ആന്റ് കൾച്ചറൽ അഡ്‌വാൻസ്‌മെന്റ്
Oisca.jpg
സംഘടനയുടെ ലോഗോ
സ്ഥാപക(ൻ)യോനോസുകേ നകാനോ
Founded atടോക്കിയോ, ജപ്പാൻ
തരംലാഭേച്ഛയില്ലാതെ പ്രവർത്തിക്കുന്ന സംഘടന
ആസ്ഥാനംടോക്കിയോ, ജപ്പാൻ
Location
  • ജപ്പാൻ
സേവനങ്ങൾപരിസ്ഥിതി സംരക്ഷണം, സുസ്ഥിര വികസനം
പ്രസിഡന്റ്
യോഷികോ വൈ. നകാനോ
സെക്രട്ടറി ജനറൽ
യസ്വകി നഗൈഷി
വെബ്സൈറ്റ്http://www.oisca-international.org

പരിസ്ഥിതി സംരക്ഷണത്തിനായി അന്താരാഷ്ട്ര തലത്തിൽ രൂപീകരിക്കപ്പെട്ട ഒരു സംഘടനയാണ് ഓർഗനൈസേഷൻ ഫോർ ഇൻഡസ്ട്രിയൽ, സ്പിരിച്വൽ ആന്റ് കൾച്ചറൽ അഡ്‌വാൻസ്‌മെന്റ് അഥവാ OISCA. ജപ്പാനിലെ ടോക്കിയോ നഗരത്തിലാണ് ഈ സംഘടനയുടെ ആസ്ഥാനം. 1961-ൽ ജപ്പാനിൽ വച്ചാണ് ഒയിസ്ക സ്ഥാപിതമായത്. [1]

ചരിത്രം[തിരുത്തുക]

1961 ഒക്ടോബർ ആറിന് ജപ്പാനിലെ ടോക്കിയോയിൽ വച്ച് ജപ്പാന്റെ മുൻ പ്രസിഡന്റായിരുന്ന യോനോസുകേ നകാനോയുടെ നേതൃത്വത്തിൽ സ്ഥാപിതമായി. യോനോസുകേ നകാനോ തന്നെയായിരുന്നു സ്ഥാപക പ്രസിഡന്റും. 1969 - ലാണ് ജപ്പാൻ സർക്കാരിന്റെ കീഴിൽ ലാഭേച്ഛയില്ലാതെ പ്രവർത്തിക്കുന്ന സ്ഥാപനമായി ഒയിസ്ക രജിസ്റ്റർ ചെയ്യപ്പെട്ടത്. [2]

പ്രവർത്തനങ്ങൾ[തിരുത്തുക]

നിലവിൽ അസർബൈജാൻ, ബംഗ്ലാദേശ്, ബ്രസീൽ, കമ്പോഡിയ, ചൈന, എത്യോപ്യ, ഫിജി, ഹോങ് കോങ്, ഇന്ത്യ, ഇന്തോനേഷ്യ, ഇസ്രായേൽ, ജപ്പാൻ, കൊറിയ, മലേഷ്യ, മ്യാന്മർ, നേപ്പാൾ, പാകിസ്താൻ, പലാവു, പലസ്തീൻ, പാപ്വ ന്യൂ ഗിനിയ, പരാഗ്വേ, ഫിലിപ്പൈൻസ്, സിംഗപ്പൂർ, ശ്രീലങ്ക, തായ്‌വാൻ, ടിമൂർ-ലെസ്റ്റെ, തായ്‌ലാന്റ്, ഉറുഗ്വേ, യുണൈറ്റഡ് അറബ് എമിറേറ്റ്സ്, അമേരിക്കൻ ഐക്യനാടുകൾ എന്നീ രാജ്യങ്ങളിൽ ഒയിസ്കയുടെ കേന്ദ്രങ്ങൾ പ്രവർത്തിക്കുന്നുണ്ട്. പ്രധാനമായും കാർഷിക പുരോഗതി, പരിസ്ഥിതി സംരക്ഷണം, സുസ്ഥിര വികസനം എന്നീ ലക്ഷ്യങ്ങളോടെയാണ് ഈ സംഘടന പ്രവർത്തിക്കുന്നത്.

ലൗ ഗ്രീൻ പദ്ധതി[തിരുത്തുക]

1980 - ൽ കാർഷിക വിളവിൽ വലിയ കുറവും വനസംരക്ഷണത്തെക്കുറിച്ചുള്ള അവബോധത്തിൽ കുറവും ഉണ്ടായതോടെയാണ് ഒയിസ്ക, ലൗ ഗ്രീൻ എന്ന പേരിലുള്ള ഒരു പദ്ധതിയ്ക്ക് തുടക്കം കുറിച്ചത്. ഈ പദ്ധതിയിലൂടെ വനസംരക്ഷണ പ്രവർത്തനങ്ങൾക്കാണ് മുഖ്യ പ്രാധാന്യം നൽകിയത്.

ഫുറസറ്റോ പ്രസ്ഥാനം[തിരുത്തുക]

2011 - ൽ ഒയിസ്കയുടെ നേതൃത്വത്തിൽ പരിസ്ഥിതി സംരക്ഷണത്തിനായി ആരംഭിച്ച പുതിയ പ്രസ്ഥാനമാണ് ഫുറസറ്റോ പ്രസ്ഥാനം. വീട് എന്നാണ് ജപ്പാനീസ് ഭാഷയിൽ ഫുറസറ്റോ എന്ന പദത്തിന്റെ അർത്ഥം. [3]

സാമ്പത്തികമായുള്ള സ്വയം പര്യാപ്തത, സാമൂഹിക സുരക്ഷ, പരിസ്ഥിതി സംരക്ഷണം എന്നിവയായിരുന്നു ഫുറസറ്റോ പ്രസ്ഥാനത്തിന്റെ പ്രധാനപ്പെട്ട ലക്ഷ്യങ്ങൾ.

ജാവ ദ്വീപിലെ ജൈവവൈവിധ്യ സംരക്ഷണം[തിരുത്തുക]

2012 - ൽ മിത്സുബിഷി കോർപ്പറേഷൻ എന്ന കമ്പനിയുമായി സഹകരിച്ചുകൊണ്ട് ഒയിസ്ക, ഇന്തോനേഷ്യയിൽ സ്ഥിതി ചെയ്യുന്ന ജാവ ദ്വീപിലെ ജീഡ് പാൻഗ്രാങ്കോ നാഷണൽ പാർക്കിലെ ജൈവവൈവിധ്യം സംരക്ഷിക്കുന്നതിനായി പ്രവർത്തിക്കുകയുണ്ടായി. അകിര മിയവകി രൂപകൽപ്പന ചെയ്ത മിയവകി രീതി ഉപയോഗിച്ചാണ് ഈ പാർക്കിലെ പ്രവർത്തനങ്ങൾ ആസൂത്രണം ചെയ്തത്.[4]

പുരസ്കാരങ്ങൾ[തിരുത്തുക]

അവലംബം[തിരുത്തുക]

  1. 1.0 1.1 http://www.oisca-international.org/about/profile/
  2. Religion and the Politics of Development edited by P. Fountain, R. Bush, M. Feener
  3. http://www.un.org/en/development/desa/usg/statements/uncategorized/2011/10/oisca-international.html
  4. http://www.oisca-international.org/about/milestones/

പുറം കണ്ണികൾ[തിരുത്തുക]