ഒലി വെള്ളച്ചാട്ടം

മലപ്പുറം ജില്ലയിലെ ഏറനാട് താലൂക്കിൽ മമ്പാട് പഞ്ചായത്തിലാണ് ഒലി വെള്ളച്ചാട്ടം. വനംവകുപ്പിന്റെ അധീനതയിലുള്ള വെള്ളരിച്ചോല മലയിൽനിന്ന് ഒലിമലയുടെ കൂറ്റൻ പാറക്കെട്ടിലൂടെ താഴേക്ക് പതിക്കുന്നതാണ് പ്രധാന വെള്ളച്ചാട്ടം. മലയുടെ മുകൾഭാഗംവരെ കാട്ടിൽനിന്ന് ലേലംകൊണ്ട മരം കൊണ്ടുപോകാൻ പണ്ടുണ്ടാക്കിയ മൺപാതയുണ്ട്. ഈ പാതയും വീട്ടിക്കുന്ന് ആദിവാസി കോളനിയിലേക്കുള്ള വഴിയുമാണ് സഞ്ചാരികൾ വെള്ളച്ചാട്ടത്തിനടുത്തെത്താൻ ഉപയോഗിക്കുന്നത്.