ഒറോത

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഒറോത
Cover
ഒറോതയുടെ കവർ
Authorകാക്കനാടൻ
Countryഇന്ത്യ
Languageമലയാളം
Publisherസങ്കീർത്തനം പബ്ലിക്കേഷൻസ്‌,
Pages78

1984-ലെ മികച്ച നോവലിനുള്ള കേരള സാഹിത്യ അക്കാദമിയുടെ പുരസ്കാരം നേടിയ കാക്കനാടന്റെ മലയാള നോവലാണ് ഒറോത.

കഥ[തിരുത്തുക]

ഒറോതയിലൂടെയാണ്‌ ചെമ്പേരിയുടെ ഉയർച്ചയുടെ കഥ തുടങ്ങുന്നത്‌. കണ്ണൂർ ജില്ലയിലെ കിഴക്കൻ മലയോരത്തുള്ള ചെമ്പേരിയെന്ന കുടിയേറ്റഗ്രാമത്തിന്റെ തുടിപ്പുകളാണ് കാക്കനാടന്റെ ഒറോത എന്ന നോവൽ. [1]മധ്യതിരുവിതാംകൂറിൽ നിന്ന്‌ മലബാർ പ്രദേശത്തേക്കുണ്ടായ കുടിയേറ്റക്കാരുടെ കഥകൂടിയാണിത്. കൊല്ലവർഷം 1099-ൽ തിരുവിതാംകൂറിൽ ഉണ്ടായ വെള്ളപ്പൊക്കവും പിന്നീട് മീനച്ചിലാറിന്റെ കരയിൽനിന്ന് കുറച്ച് കുടുംബങ്ങൾ മലബാറിലേക്ക് കുടിയേറുന്നതിന്റെയും കഥയാണ് "ഒറോത"യിൽ പറയുന്നത്. സ്നേഹവും ത്യാഗവും കരുത്തും കാട്ടുന്ന ഒറോത ഒരു അസാധാരണ കഥാപാത്രമായി തിളങ്ങി നിൽക്കുന്നു. വെള്ളം ഈ നോവലിലെ ഒരു പ്രധാന വിഷയമാണ്. തൊണ്ണൂറ്റൊമ്പതിലെ വെള്ളപ്പൊക്കത്തിൽനിന്നാണ് റൗഡി പാപ്പനെന്നറിയപ്പെട്ട വെട്ടുകാട് പാപ്പന് ഒറോതയെ കിട്ടിയത്. പാപ്പൻ ഒരു വള്ളമൂന്നുകാരനാണ്; വെള്ളത്തിൽ തൊഴിലെടുക്കുന്നവർ . മീനച്ചിലാറിന്റെ പുത്രിയായ ഒറോതയെ പാപ്പൻ നിധിപോലെ കാത്തു. ഒറ്റാംതടിയായി ജീവിച്ച അയാളിലെ ജലാംശം തന്നെയായിരുന്നു ഒറോത. അധ്വാനമാണ് ഒറോത നിർദ്ദേശിക്കുന്ന ജീവിത വേദാന്തം. പാപ്പനും ഒറോതയുമാണ് ആ ജീവിതവേദാന്തം പൂർണ്ണമായി പ്രായോഗികമാക്കുന്ന രണ്ടു കഥാപാത്രങ്ങൾ . ജാനമ്മ, കുഞ്ഞുവർക്കി, മുത്തുകൃഷ്ണൻ , ഔതക്കുട്ടി, ചേച്ചമ്മ, ഇട്ടിയവിശ, അന്നക്കുട്ടി തുടങ്ങിയ കഥാപാത്രങ്ങളെല്ലാം ഒറോതയ്ക്കും പാപ്പനും മിഴിവുകൂട്ടുന്നവരാണ്. [2] നോവലിന്റെ ആമുഖമായി കാക്കനാടൻ ഇങ്ങനെ പറഞ്ഞിട്ടുണ്ട്: "ഒരു ബൃഹദ് രചനയെക്കുറിച്ച് ആലോചിച്ചിരിക്കുന്നതിനിടയിൽ അതിൽനിന്ന് കഥാപാത്രത്തെമാത്രം ചികഞ്ഞെടുത്ത് ആ കഥാപാത്രത്തിന്റെ ഒരു രേഖാചിത്രം വരയ്ക്കണമെന്ന് പെട്ടെന്ന് ഒരിക്കൽ തോന്നി. ആ തോന്നലിന്റെ ഫലമാണ് എന്റെ "ഒറോത". ഒരു മികച്ച മനുഷ്യ മാതൃക എന്ന നിലയ്ക്കാണ് കാക്കനാടൻ ഒറോതയെ സൃഷ്ടിച്ചത്.

പുരസ്കാരങ്ങൾ[തിരുത്തുക]

  • കേരള സാഹിത്യ അക്കാദമിയുടെ നോവലിനുള്ള പുരസ്കാരം (1984)

അവലംബം[തിരുത്തുക]

  1. http://www.mathrubhumi.com/books/special/index.php?id=223261&cat=816
  2. http://www.deshabhimani.com/periodicalContent3.php?id=352

പുറം കണ്ണികൾ[തിരുത്തുക]

ഒറോതയുടെ ഓർമ്മകളിലൂടെ ചെമ്പേരിയെ പ്രണയിച്ച്‌ ഒറോത - ടി. ടി. പ്രഭാകരൻ

"https://ml.wikipedia.org/w/index.php?title=ഒറോത&oldid=2298224" എന്ന താളിൽനിന്ന് ശേഖരിച്ചത്