ഒന്നുകുറെ ആയിരംയോഗം

കേരളത്തിൽ പ്രശസ്തവും വളരെ പഴക്കമുള്ളതുമായ ഒരു യോഗസഭയാണ് കൊടുങ്ങല്ലൂരിലെ ഒന്നുകുറെ ആയിരം യോഗം. ചേരമാൻ പെരുമാളിന്റെ അകമ്പടിസ്ഥാനമുള്ള ആയിരം പേർ അടങ്ങിയ ഒരു സംഘടനയുണ്ടായിരുന്നു, ആയിരം എന്നപേരിൽ അറിയപ്പെട്ടിരുന്ന ആ സംഘത്തിന്റെ തലവനായ പടമല നായരെ പെൺവാക്കു കേട്ട് പെരുമാൾ വധശിക്ഷയ്ക്കു വിധിച്ചുവെന്ന് കരുതപ്പെടുന്നു. മരണ സമയത്ത് എന്റെ അകമ്പടി സ്ഥാനം നടത്തികൊൾക എന്നും വധിക്കപ്പെട്ട പടത്തലവനുപകരം വേറെ നിയമിയ്ക്കാതെ സംഘം പുന:സംഘടിപ്പിയ്ക്കപ്പെട്ടു എന്നും,എന്നാൽ പെരുമാൾ തന്നെയായിരുന്നു ഇവരുടെ നായകൻ എന്നും പെരുമാളിന്റെ അപ്രതീക്ഷിത തിരോധാനമാണ് ഒന്നുകുറെ ആയിരമായി സംഘടിപ്പിയ്ക്കാൻ കാരണമെന്നും വ്യാഖ്യാനമുണ്ട്.

പ്രധാന അംഗങ്ങൾ

കാത്തോളിൽ, തയ്യപ്പറമ്പിൽ, വെള്ളാപ്പിള്ളിൽ, കിളിക്കോട്ട് എന്നിവയാണ് പ്രധാന കുടുംബങ്ങൾ.