ഒഥല്ലോ കോട്ട

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഒഥല്ലോ കോട്ട
ഗ്രീക്ക്: Κάστρο της Oθέλλου
തുർക്കിഷ്: Othello Kulesi
Part of the Fortifications of Famagusta
Famagusta, Northern Cyprus [1]
Famagusta 01-2017 img26 city walls Othello Tower.jpg
ഒഥല്ലോ കോട്ട
Coordinates 35°7′39.7″N 33°56′35.7″E / 35.127694°N 33.943250°E / 35.127694; 33.943250
Type കോട്ട
Site information
Condition Intact
Site history
Built പതിനാലാം നൂറ്റാണ്ട്
പതിനഞ്ചാം നൂറ്റാണ്ട് അവസാനം (modifications)
Built by സൈപ്രെസ് സാമ്രാജം
റിപ്പബ്ലിക്ക് ഓഫ് വെനീസ് (modifications)
Materials സാൻഡ് സ്റ്റോൺ

ഒഥല്ലോ കോട്ട നോർതേൺ സൈപ്രസിൽ ഫാമഗുസ്തയുടെ ഹൃദയഭാഗത്തായി സ്ഥിതി ചെയ്യുന്ന ഒരു കോട്ടയാണ്. ഒഥല്ലോ ടവറെന്നും ഈ കോട്ട അറിയപ്പെടുന്നു. സൈപ്രസിലെ അമ്മോകോസ്റ്റോസ് ജില്ലയിൽ സ്ഥിതി ചെയ്യുന്നതിനാൽ ഇത് അമ്മോകോസ്റ്റോസ് കോട്ട എന്നും അറിയപ്പെടുന്നു. വില്യം ഷേക്സ്പിയറുടെ പ്രശസ്ത നാടകം ഒഥല്ലോയിൽ നിന്നാണ് കോട്ടയ്ക്കു ഈ പേരു കിട്ടിയത്. ഷേക്സ്പിയർ നാടകത്തിൽ, ഒഥല്ലോ എന്ന മൂർ, സൈപ്രസിലേക്ക് യജമാനന്മാർ അയച്ച ഒരു വെനീഷ്യൻ കമാണ്ടർ ആയിരുന്നു. നാടകത്തിന്റെ രണ്ടാം അദ്ധ്യായത്തിൽ സൈപ്രസിലെ ഒരു തുറമുഖത്തിലും കൊട്ടാരത്തിലെ ഒരു ഹാളിലുമായി നാടകത്തിന്റെ രംഗങ്ങൾ സജ്ജീകരിച്ചിരിക്കുന്നു. എന്നാൽ വില്യം ഷേക്സ്പിയർ സൈപ്രസോ അവിടെയുള്ള പട്ടണങ്ങളോ ഒരിക്കലും സന്ദർശിച്ചിരുന്നില്ല എന്നുള്ളതാണ് യാഥാർത്ഥ്യം[2]. പക്ഷേ, 1500-കളുടെ തുടക്കത്തിൽ സൈപ്രസിന്റെ ഗവർണറായിരുന്ന സർ ക്രിസ്റ്റോഫോറോ മോറോയുടെ കഥ ഷേക്സ്പിയർ കേട്ടിരുന്നു. മോറോയുടെ യുവതിയായ പത്‍നി സൈപ്രസിൽനിന്നു മടങ്ങിപ്പോകുന്നതിനിടെ കടൽയാത്രയിൽ മരണപ്പെട്ടിരുന്നു. സർ ക്രിസ്റ്റോഫോർ ഒരു മൂർ ആയിരുന്നില്ല, എന്നാൽ അദ്ദേഹത്തിന്റെ കുടുംബനാമം ഷേക്സ്പിയറെ തന്റെ പ്രധാന കഥാപാത്രത്തിന് വേണ്ടി മാറ്റിയെഴുതുന്നതിലേയ്ക്കു നയിച്ചുവെന്നു കരുതപ്പെടുന്നു.

ചരിത്രം[തിരുത്തുക]

ഒഥല്ലോ കോട്ട

ശത്രുക്കളിൽ നിന്നും രക്ഷ നേടുന്നതിന് വേണ്ടി സൈപ്രസിലെ രാജാവായിരുന്ന ലുസിഗ്നൻസാണ് പതിനാലാം നൂറ്റാണ്ടിൽ ഒഥല്ലോ കോട്ട നിർമ്മിച്ചത്. ഫമഗുസ്റ്റയുടെ പ്രധാനകവാടമായും ഈ കോട്ട ഉപയോഗിച്ചിരുന്നു. കോട്ടയ്ക്കു ചുറ്റും ആഴമേറിയ കിടങ്ങുകൾ നിർമ്മിച്ചിരുന്നതിനാൽ ഫമഗുസ്റ്റ തുറമുഖത്തിന് ശത്രുക്കളിൽ നിന്നും പൂർണ്ണസംരക്ഷണം ലഭിച്ചിരുന്നു. ഒഥല്ലോ കോട്ട സൈപ്രസ് വെനീസിനു കൈമാറിയതിനുശേഷം ക്യാപ്റ്റൻ നിക്കോളാസ് ഫോസ്കാരിയുടെ നേതൃത്വത്തിൽ പുനഃസ്ഥാപിക്കപ്പെട്ടു. ചില കണക്കുകൾ പ്രകാരം, 1481-ൽ ഫമഗുസ്റ്റയിലെ കോട്ട സന്ദർശിച്ച ലിയനാർഡോ ഡാ വിഞ്ചി കോട്ടയുടെ പുനരുദ്ധാരണത്തിൽ ഏർപ്പെട്ടിരുന്നു. വെനീസിന്റെ കയ്യിൽ നിന്നും 1570-ൽ തുർക്കികൾ കോട്ട കൈക്കലാക്കിയതിനുശേഷം കോട്ടയുടെ കോണിൽ കൊത്തളങ്ങളും ഭിത്തികളും നിർമ്മിക്കപ്പെട്ടു. ഏകദേശം ഒരു വർഷത്തോളം ഈ കോട്ട 1571 വരെ തുർക്കികൾ പിടിച്ചെടുത്തിരുന്നു. കോട്ടയ്ക്ക് 'ടോക്സോട്ടി ബാസ്റ്റിയൻ', 'മാർട്ടിനെഗോ ബാസ്റ്റിയൻ', മറൈൻഗേറ്റിലെ ബാസ്റ്റിയൻ എന്നീ മൂന്ന് കൊത്തളങ്ങളുണ്ട്. കോട്ടയുടെ രണ്ട് വാതിലുകളിലൊന്ന് കരയിലേയ്ക്കും മറ്റൊന്ന് കടലിലേയ്ക്കും തുറക്കുന്നു.

1900-ൽ മലേറിയയിൽ നിന്ന് രക്ഷ നേടുന്നതിന് വേണ്ടി ബ്രിട്ടീഷുകാർ കോട്ടയുടെ കിടങ്ങിലെ ജലം മുഴുവൻ മാറ്റുകയുണ്ടായി. 2014-ൽ ഈ കോട്ട പുനഃനിർമ്മാണം നടത്തിയതിനുശേഷം 2015 ജൂലായ് 3 ന് കോട്ട പൊതുജനങ്ങൾക്ക് തുറന്നുകൊടുത്തു[3].

രൂപകല്പന[തിരുത്തുക]

ഒഥല്ലോ കോട്ടയുടെ ഗ്രൗണ്ട് പ്ലാൻ (1918)

വെനീസുകാരുടെ വരവോടെ കോട്ടയും നഗരമതിലുകളും പുനർനിർമ്മിക്കപ്പെട്ടു. കോട്ടയുടെ പ്രധാന കവാടത്തിനു മുകളിൽ വെനീസിന്റെ പ്രതീകമായ ലയൺ ഓഫ് സെയിന്റ് മാർക്ക് മാർബിൾക്കല്ലിൽ കൊത്തിവെച്ചിട്ടുണ്ട്[4] അതിന്റെ കൂടെ കോട്ട പുനർനിർമ്മിച്ച ക്യാപ്റ്റൻ നിക്കോളാസ് ഫോസ്കാരിയുടെ പേരും വർഷവും (1492) രേഖപ്പെടുത്തിയിട്ടുണ്ട്. റിപ്പബ്ലിക്ക് ഓഫ് വെനീസ് കോട്ടയുടെ ചതുരാകൃതിയുലുണ്ടായിരുന്ന ടവറുകളെ വ്യത്താകൃതിയിലേയ്ക്കു മാറ്റി. കോട്ടയുടെ മതിലുകൾക്ക് 3.5 കി.മീ. നീളവും നാലു മീറ്റർ വീതിയും 10 മീറ്റർ പൊക്കവുമുണ്ട്[5]. കോട്ട മൈതാനത്ത് ഏകദേശം നാന്നൂറു വർഷം പഴക്കമുള്ള ധാരാളം പീരങ്കികൾ സ്ഥിതിചെയ്യുന്നു. അവയിൽ ചിലത് ചെമ്പുകൊണ്ടും മറ്റു ചിലത് ഇരുമ്പുകൊണ്ടും നിർമ്മിച്ചവയാണ്. ആർച്ച് വളവുള്ള മേൽക്കൂരയുടെ ബൃഹത്തായ നിർമ്മാണത്തിനുപയോഗിച്ചിരുന്നത് ഗോത്തിക് ആർച്ചുകളായിരുന്നു.

ലൂസിഗ്നൻസിന്റെ കാലഘട്ടത്തിൽ നിർമ്മിക്കപ്പെട്ട ഒരു വലിയ അടുക്കളയും ഒരു ലഘു ഭോജനശാലയും അനേകം കിടക്കകളുള്ള ശയനമുറിയും ഈ കോട്ടയിലുണ്ട്. ഇന്ന് ഒഥല്ലോ കോട്ട ഒരു മ്യൂസിയമായി പ്രവർത്തിക്കുന്നു[6].

ചിത്രശാല[തിരുത്തുക]

അവലംബം[തിരുത്തുക]

  1. Claimed by Cyprus
  2. https://www.spottinghistory.com/view/3390/othello-castle/
  3. http://www.cyprus44.com/famagusta/othello-tower.asp
  4. http://www.cypnet.co.uk/ncyprus/city/famagusta/othello.htm
  5. https://www.cyprusisland.net/cyprus-castles/othello-castle
  6. https://www.kiprinform.com/en/sights_of_cyprus/othello-castle/
"https://ml.wikipedia.org/w/index.php?title=ഒഥല്ലോ_കോട്ട&oldid=3207018" എന്ന താളിൽനിന്ന് ശേഖരിച്ചത്