ഒഡീഷ ദിനം
1936 ഏപ്രിൽ 1 ന് മദ്രാസ് പ്രവിശ്യയിൽ നിന്ന് അവിഭക്ത കോരാപുട്ട് ജില്ല ഗഞ്ചം ജില്ല ചേർത്ത് ബീഹാർ, ഒറീസ പ്രവിശ്യകളിൽ നിന്ന് ഒരു പ്രത്യേക സംസ്ഥാനമായി സംസ്ഥാനം രൂപീകരിച്ചതിന്റെ സ്മരണയ്ക്കായി ഇന്ത്യൻ സംസ്ഥാനമായ ഒഡീഷ ഏപ്രിൽ 1 നാണ് ഒഡീഷ ദിനം ആഘോഷിക്കുന്നത്.[1][2]അവസാനത്തെ രാജാവായ മുകുന്ദ ദേവിന്റെ പരാജയത്തെയും മരണത്തെയും തുടർന്ന് 1568-ൽ രാഷ്ട്രീയ സ്വത്വം പൂർണ്ണമായും നഷ്ടപ്പെട്ടതിനുശേഷം, 1936 ഏപ്രിൽ 1-ന് ഭാഷാപരമായ അടിസ്ഥാനത്തിൽ ബ്രിട്ടീഷ് ഭരണത്തിൻ കീഴിൽ രാഷ്ട്രീയമായി ഒരു പ്രത്യേക സംസ്ഥാനം രൂപീകരിക്കുന്നതിനുള്ള ശ്രമങ്ങൾക്ക് അവസാനമായി.
സംസ്ഥാന ചരിത്രം
[തിരുത്തുക]ഉത്കൽ സമ്മിലാനി എന്ന സംഘടന രൂപീകരിച്ച ദിവസം മുതൽ മൂന്ന് പതിറ്റാണ്ടോളം നീണ്ട, പ്രത്യേക സംസ്ഥാനത്തിനായുള്ള ആവശ്യവുമായി നടന്ന സമരങ്ങളെ തുടർന്നു, ഒരു പ്രത്യേക ഒഡീഷ പ്രവിശ്യയുടെ അടിത്തറയിലേക്ക് നയിച്ചു. ഉത്കല ഗൌരബ മധുസൂദൻ ദാസ്, ഉത്കല മണി ഗോപബന്ധു ദാസ്, മഹാരാജ ശ്രീറാം ചന്ദ്ര ഭഞ്ച് ദേവ്, ബ്രജ സുന്ദർ ദാസ്, മഹാരാജ കൃഷ്ണ ചന്ദ്ര ഗജപതി, പണ്ഡിറ്റ് നീലകണ്ഠ ദാസ്, ഫക്കീർ മോഹൻ സേനാപതി, ദിവാൻ അഥർ മുഹമ്മദ്, ഗംഗാധർ മെഹർ, ബസുദേബ സുധാലദേബ, രാധനാഥ് റേ, സയീദ് മുഹമ്മദ്, ഭുബനാനന്ദ ദാസ്, എ. പി. പത്രോ തുടങ്ങി നിരവധി പേരുടെ നേതൃത്വത്തിൽ പൊതുജനങ്ങളുടെ പിന്തുണയോടെ പ്രസ്ഥാനം കൂടുതൽ തീവ്രമായി. കട്ടക്, പുരി, ബലേശ്വർ, സമ്പൽപൂർ, കോരാപുട്ട്, ഗഞ്ചം എന്നീ ആറ് ജില്ലകൾ ഉൾപ്പെടുന്നതാണ് പുതുതായി രൂപീകരിച്ച ഒഡീഷ. ജോൺ ഓസ്റ്റിൻ ഹബ്ബാക്ക് സത്യപ്രതിജ്ഞ ചെയ്ത് ഒഡീഷ പ്രവിശ്യയുടെ ആദ്യ ഗവർണറായി.
2019 ഏപ്രിൽ 1 ലെ കണക്കനുസരിച്ച് ഒഡീഷയിൽ 30 ജില്ലകളാണുള്ളത്.[3][4][5]
ആഘോഷം
[തിരുത്തുക]ഒഡീഷ ദിവസം അല്ലെങ്കിൽ ഉത്കല ദിവസ എല്ലാ വർഷവും ഏപ്രിൽ 1 ന് ഒഡീഷയിലുടനീളം ആഘോഷിച്ചുവരുന്നു. ആയിരക്കണക്കിനു ചന്തകളും ജനങ്ങളും ഒരു ഉത്സവം പോലെ ഇത് കൊണ്ടാടുന്നു. വെടിക്കെട്ട് മത്സരങ്ങളും ഇതുമായി ബന്ധപ്പെട്ട് നടന്നുവരുന്നു. ആ ദിവസം രാജ്യത്തുടനീളം ഒഡിയക്കാർ കൂട്ടം കൂടുകയും വിവിധ സാംസ്കാരിക പരിപാടികൾ സംഘടിപ്പിക്കുകയും ചെയ്യുന്നു. എല്ലാവരേയും ഒന്നിപ്പിക്കാൻ സഹായിച്ച എല്ലാ ഒഡിയക്കാരുടെയും സ്മരണദിവസമാണ് ഉത്കല ദിവസം.
ഇതും കാണുക
[തിരുത്തുക]അവലംബങ്ങൾ
[തിരുത്തുക]- ↑ "Utkala Dibasa also called Odisha Day is celebrated on April 1st today". infocera.com. 2012. Archived from the original on 5 May 2011. Retrieved 3 July 2012.
The Odisha province was formed on the basis of linguistic pattern of people in the area on April 1, 1936
- ↑ "Poor water management has made Odisha victim of drought and floods". The Hindu. 2009-04-06. Archived from the original on 9 April 2009. Retrieved 6 April 2006.
- ↑ "Districts of Odisha". Official Portal. Bhubaneswar: Government of Odisha. Retrieved 4 January 2013.
- ↑ "Districts of Orissa". Archived from the original on 16 January 2012. Retrieved 13 January 2012.
- ↑ "List of Districts" (PDF). Retrieved 13 January 2012.