ഐ-ലീഗ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
I-League
Countries ഇന്ത്യ
Confederation AFC
സ്ഥാപിതം 2007
Number of teams 9
Levels on pyramid 1
Relegation to I-League 2nd Division
Domestic cup(s) ഫെഡറേഷൻ കപ്പ്
League cup(s) ഡൂറണ്ട് കപ്പ്
International cup(s) AFC Cup
AFC Champions League (Qualifying play-off)
Current champions Mohun Bagan A.C. (1st title)
(2014–15)
Most championships Dempo
(3 titles)
TV partners TEN Action
വെബ്സൈറ്റ് I-League.org
2015–16 I-League

ഇന്ത്യയിലെ ഔദ്യോഗിക ഫുട്‌ബോൾ ലീഗാണ്‌ ഐ-ലീഗ്‌[1]. അഖിലേന്ത്യാ ഫുട്‌ബോൾ ഫെഡറേഷന്റെ മേൽനോട്ടത്തിൽ[1] നടക്കുന്ന ഐ-ലീഗിന്റെ ഈ സീസണിൽ 14 ടീമുകൾ പങ്കെടുക്കുന്നു. ഗോവയിലെ പനാജി ആസ്ഥാനമായുള്ള ഡെംപോ സ്‌പോർട്‌സ്‌ ക്ലബ്ബ്‌ ആണ്‌ 2009-10 സീസണിലെ ജേതാക്കൾ. 11 സീസൺ നീണ്ട ദേശീയ ഫുട്‌ബോൾ ലീഗ്‌ ആണ്‌ 2007-08 സീസൺ മുതൽ ഐ-ലീഗ്‌ എന്നറിയപ്പെട്ടു തുടങ്ങിയത്‌[1].

രൂപീകരണം[തിരുത്തുക]

ദേശീയ ഫുട്‌ബോൾ ലീഗിലെ എട്ടു ടീമുകളെയും രണ്ടാം ഡിവിഷൻ ലീഗിൽ നിന്നുള്ള രണ്ടു ടീമുകളെയും ഉൾപ്പെടുത്തിയാണ്‌ 2007-08 സീസണിൽ ഐ-ലീഗ്‌ ആരംഭിക്കുന്നത്‌. ഓരോ ടീമിലും നാലു വീതം വിദേശ കളിക്കാരെ ഉൾപ്പെടുത്താൻ ടീമുകളെ അനുവദിച്ചു എന്നതായിരുന്നു പ്രധാന മാറ്റം. ഓരോ മത്സരത്തിലും വിജയിക്കുന്ന ടീമുകൾക്കുള്ള സമ്മാനത്തുക 5000-ൽ നിന്ന്‌ 35000 ആക്കി, ജേതാക്കൾക്കുള്ള സമ്മാനത്തുക 40 ലക്ഷത്തിൽ നിന്ന്‌ 50 ലക്ഷമാക്കി തുടങ്ങിയ മാറ്റങ്ങളും ശ്രദ്ധേയമാണ്‌.

ജേതാക്കൾ[തിരുത്തുക]

സീസൺ ജേതാക്കൾ
2007–2008 ഡെംപോ
2008–2009 ചർച്ചിൽ ബ്രദേഴ്സ്
2009–2010 ഡെംപോ
2010–2011 സാൽഗോക്കർ

2007–08[തിരുത്തുക]

പത്തു ടീമുകൾപങ്കെടുക്കുകയും 18 റൗണ്ട്‌ മത്സരങ്ങൾ നടക്കുകയും ചെയ്‌ത പ്രഥമ സീസണിൽ ഡെംപോ ഗോവ ജേതാക്കളും ചർച്ചിൽ ബ്രദേഴ്‌സ്‌ രണ്ടാം സ്ഥാനക്കാരുമായി. വിവ കേരള, സാൽഗോക്കർ ടീമുകൾ തരംതാഴ്‌ത്തപ്പെട്ടു. ഐ-ലീഗ്‌ നടത്തിപ്പ്‌ വിലയിരുത്തിയ ഏഷ്യൻ ഫുട്‌ബോൾ ഫെഡറേഷൻ, ഇന്ത്യയിലെ ജേതാക്കൾക്ക്‌ എ.എഫ്‌.സി ചാമ്പ്യൻസ്‌ ലീഗിൽ കളിക്കാനുള്ള അനുവാദം നൽകി. 2008-09 സീസണിൽ 12 ടീമുകളാണ്‌ മത്സരിച്ചത്‌. ക്ലബ്ബുകൾക്കും കളിക്കാർക്കുമുള്ള സമ്മാനത്തുക വർധിപ്പിച്ച ഈ സീസണിൽ ജേതാക്കൾക്ക്‌ എ.എഫ്‌.സി ചാമ്പ്യൻസ്‌ ലീഗിലും രണ്ടാം സ്ഥാനക്കാർക്ക്‌ എ.എഫ്‌.സി കപ്പിലും കളിക്കാനുള്ള അവസരവും ലഭിച്ചു. 2009-10 സീസണിൽ 14 ടീമുകളെ ഉൾപ്പെടുത്തി. വിവ കേരള, ഷില്ലോംഗ്‌ ലജോംഗ്‌, പൂനെ എഫ്‌.സി, സാൽഗോക്കർ എന്നിവയായിരുന്നു രണ്ടാം ഡിവിഷനിൽ നിന്ന്‌ സ്ഥാനക്കയറ്റം ലഭിച്ചെത്തിയ ടീമുകൾ. ഈ സീസണിൽ ഡെംപോ ജേതാക്കളായി.

2008–09[തിരുത്തുക]

നാല് നഗരങ്ങളിൽ നിന്നായി 12 ടീമുകൾ ഈ സീസണിൽ പങ്കെടുത്തു. 2008 സെപ്റ്റംബർ 26 മുതൽ 2009 ഏപ്രിൽ 16 വരെ നടന്ന ഈ സീസണിൽ ചർച്ചിൽ ബ്രദേഴ്സ് ജേതാക്കളായി.

2009–10[തിരുത്തുക]

ഈ സീസണിൽ ടീമുകളുടെ എണ്ണം 12-ൽ നിന്ന് 14 ആയി വികസിപ്പിച്ചു. 26 റൗണ്ടുകൾ നീണ്ട സീസണിൽ ഡെംപോ ജേതാക്കളായി.

2010–11[തിരുത്തുക]

മത്സരങ്ങളുടെയും ടീമുകളുടെയും എണ്ണം വർധിപ്പിക്കാൻ അഖിലേന്ത്യാ ഫുട്‌ബോൾ ഫെഡറേഷൻ ആലോചിച്ചിരുന്നെങ്കിലും എ.എഫ്‌.സി മാനദണ്ഡങ്ങൾ ടീമുകൾ പാലിക്കാത്തതിനാൽ 2010-11 സീസണിലും 14 ടീമുകൾ തന്നെയാണ്‌ മത്സരിച്ചത്‌.

2011–12[തിരുത്തുക]

ഐ ലീഗിന്റെ 2011-12 സീസൺ 2011 ഒക്ടോബർ മുതൽ 2012 മെയ്‌ വരെ നടന്നു. ഡെംപോ സ്പോർട്സ് ക്ലബ് ജേതാക്കളായി.

2012–13[തിരുത്തുക]

ഐ ലീഗിന്റെ 2012-13 സീസൺ 2012 ഒക്ടോബർ 6 മുതൽ 2013 മെയ്‌ 12 വരെ നടന്നു. ചർച്ചിൽ ബ്രതേർസ് സ്പോർട്സ് ക്ലബ് ജേതാക്കളായി.

2013–14[തിരുത്തുക]

ഐ ലീഗിന്റെ 2013-14 സീസൺ 2013 സെപ്തംബർ 21 മുതൽ 2014 ഏപ്രിൽ 28 വരെ നടന്നു. ബംഗളൂരു ഫുട്ബോൾ ക്ലബ് ജേതാക്കളായി.

2014–15[തിരുത്തുക]

ഐ ലീഗിന്റെ 2014-15 സീസൺ 2014 ജനുവരി 17 മുതൽ 2015 മെയ്‌ 31 വരെ നടന്നു. മോഹൻ ബഗാൻ അത്‌ലറ്റിക് ക്ലബ്ബ് ജേതാക്കളായി.

2015–16[തിരുത്തുക]

ഐ ലീഗിന്റെ 2015-16 സീസൺ 2016 ജനുവരി 9 മുതൽ 2016 മെയ്‌ വരെ നീണ്ട് നിൽക്കും[1].

അവലംബം[തിരുത്തുക]

"https://ml.wikipedia.org/w/index.php?title=ഐ-ലീഗ്&oldid=2315134" എന്ന താളിൽനിന്നു ശേഖരിച്ചത്