ഏഴൂർ
മലപ്പുറം ജില്ലയിലെ തിരൂർ പട്ടണത്തിൽ നിന്നും രണ്ട് കിലോമീറ്റർ അകലെയായി സ്ഥിതി ചെയ്യുന്ന ഗ്രാമമാണ് ഏഴൂർ. തിരൂരിൽ നിന്നും തുവ്വക്കാട്, വൈരങ്കോട് എന്നീ ഭാഗത്തേക്ക് ഏഴൂരിലൂടെയാണ് കടന്നു പോകുന്നത്. ഇവിടം വളരെ ഉയർന്ന പ്രദേശം ആണ്. ബാവാജിപ്പടി, സ്കൂൾ പടി, പി.സി പടി, ഐ.ടി.സി എന്നിവയാണ് പ്രധാന സ്ഥലങ്ങൾ. അന്തരിച്ച മുൻ സ്പീക്കർ ബാവഹാജിന്റെ ജന്മസ്ഥലം ഏഴൂരിലാണ്. അദ്ദേഹത്തിന്റെ പേരിലാണ് ബാവാജിപ്പടി എന്ന ബസ് കാത്തുനിൽപ്പുകേന്ദ്രം അറിയപ്പെടുന്നത്. ഏഴൂർ ഗവഃ ഹൈസ്കൂൾ, ഐ.ടി.സി, എം.ഡി.പി.എസ് യു.പി സ്കൂൾ, എൽ.പി.സ്കൂൾ എന്നിവയാണ് ഇവിടുത്തെ വിദ്യാഭ്യാസ സ്ഥാപനങ്ങൾ. കൂടാതെ അംഗനവാടികളും ഉണ്ട്. മുത്തൂർ, പുല്ലൂർ എന്നിവ ഏഴൂരിന്റെ തൊട്ടടുത്ത പ്രദേശങ്ങളാണ്. ഏഴൂർ പുഴയോട് ചേർന്ന് നാച്വറൽ ട്രീറ്റ്മെന്റ് ഹോസ്പിറ്റൽ സ്ഥിതി ചെയ്യുന്നു. കൂടാതെ സ്കൂൾ കിണറിനോട് ചേർന്ന് ഒരു ഹെൽത്ത് സെന്ററും പ്രവർത്തിക്കുന്നു.
തിരൂരിനെയാണ് നിത്യോപയോഗ സാധനങ്ങൾക്കായി പ്രദേശവാസികൾ ഏറ്റവും കൂടുതൽ ആശ്രയിക്കുന്നത്. നാളികേരമാണ് പ്രധാന കൃഷി. കൃഷിക്ക് അനുയോജ്യമായ സ്ഥലങ്ങൾ ഒരുപാട് ഉണ്ടെങ്കിലും നാട്ടുകാരിൽ അധികവും പ്രവാസികളായതിനാൽ കൃഷിയൊന്നും ചെയ്യാറില്ല. വിരലിലെണ്ണാവുന്നവർ മാത്രമാണ് പച്ചക്കറി കൃഷിയിൽ താല്പര്യം ഉള്ളവർ. മതസൗഹാർദ്ദം മറ്റൊരു പ്രത്യേകതയാണ്. അനേകം മുസ്ലിം പള്ളികളും ക്ഷേത്രങ്ങളും ഉണ്ട്. ഉത്സവങ്ങളും നേർച്ചകളും ഇവിടുത്തുകാർക്ക് എന്നും ഹരമാണ്.കഥകളി സംഗീതജ്ഞനായ അന്തരിച്ച കലാമണ്ഡലംതിരൂർ നമ്പീശൻ -(പുളിയിൽ നാരായണൻ നമ്പീശൻ)ഏഴൂർ സുബ്രഹ്മണ്യക്ഷേത്രത്തിനടുത്ത് ആണു ജനിച്ചത്
പുറത്തേക്കുള്ള കണ്ണികൾ[തിരുത്തുക]
|
മലപ്പുറം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |