ഏജ് ഓഫ് എംപയേഴ്സ്
Jump to navigation
Jump to search
എൻസെമ്പിൾ സ്റ്റുഡിയോസ് നിർമിച്ച് മൈക്രോസോഫ്റ്റ് ഗെയിംസ് സ്റ്റുഡിയോസ് പുറത്തിറക്കിയ കമ്പ്യൂട്ടർ വീഡിയോ ഗെയിം പരമ്പരയാണ് ഏജ് ഓഫ് എംപയേഴ്സ്. 1997ലാണ് പരമ്പരയിലെ ആദ്യ കളിയായ ഏജ് ഓഫ് എംപയേഴ്സ് പുറത്തിറങ്ങിയത്. ഈ പരമ്പരയിലെ കളികളിൽ ഉപയോക്താവ് ഒരു ജനവിഭാഗത്തെ വിവിധ കാലഘട്ടങ്ങളിലൂടെ നയിക്കുകയാണ് ചെയ്യുന്നത്, യുഗങ്ങളിലൂടെ മുന്നേറുന്നതോടൊപ്പം പുതിയ ആയുധങ്ങൾ ഉപകരണങ്ങൾ സൈനിക വ്യൂഹങ്ങൾ എന്നിവയിൽ പുരോഗമിക്കുകയും ചെയ്യുന്നു. ഇതിലെ മുഖ്യ പതിപ്പുകൾ ചരിത്രത്തിന് പ്രാധാന്യം നൽകുന്ന റിയൽ-ടൈം സ്ട്രാറ്റെജി വിഭാഗത്തിൽ ഉൾപ്പെടുന്നവയാണ്. കാംപെയിൻ, റാന്റം മാപ് എന്നിങ്ങനെ രണ്ട് തരം കളിരീതികളാണ് ഇവയിൽ പ്രധാനമായും ഉള്ളത്.