എ യംഗ് ഗേൾ റീഡിംഗ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
എ യംഗ് ഗേൾ റീഡിംഗ്
Fragonard, The Reader.jpg
കലാകാ(രൻ/രി)Jean-Honoré Fragonard
വർഷംc. 1770
അളവുകൾ81.1 cm × 64.8 cm (​31 1516 in × ​25 12 in)
സ്ഥലംNational Gallery of Art, Washington, D.C., United States
X-ray of painting showing original pose

18-ാം നൂറ്റാണ്ടിൽ ഷാങ്-ഒണൊറെ ഫ്രാഗൊണാർഡ് ചിത്രീകരിച്ച ഒരു എണ്ണച്ചായ ചിത്രമാണ് എ യംഗ് ഗേൾ റീഡിംഗ് (French: La Liseuse), അല്ലെങ്കിൽ ദ റീഡർ. പിതാവ് മരണമടഞ്ഞതിനെ തുടർന്ന് ആൻഡ്രൂ ഡബ്ല്യു മെല്ലൻറെ മകളായ എയിൽസ മെല്ലൻ ബ്രൂസ് നൽകിയ സംഭാവനയിലൂടെ 1961-ൽ വാഷിങ്ടൺ ഡിസിയിലെ നാഷണൽ ഗ്യാലറി ഓഫ് ആർട്ട് ഈ ചിത്രം വാങ്ങുകയുണ്ടായി.[1] അലിസ മേല്ലൻ ബ്രൂസ് മൻഹാട്ടനിലെ പ്രശസ്ത സാമൂഹ്യപ്രവർത്തകയായിരുന്നു. മ്യൂസിയങ്ങൾക്കും കലാ പരിപാടികൾക്കും വിവിധ തരത്തിലുള്ള ഉദാര സംഭാവനകൾ നൽകുന്നതിലൂടെ കലാരംഗത്ത് അവർ പ്രത്യേക അംഗീകാരം നേടിയിരുന്നു.

ചരിത്രം[തിരുത്തുക]

ചിത്രകലാ രംഗത്ത് ജീൻ-ഹോനറെ ഫ്രാഗൊണാർഡിൻറെ പ്രവർത്തനം വളരെ വിപുലമായിരുന്നു. 1753-ൽ പ്രിക്സ് ഡി റോമിൽ നിന്നും ജറോബോം സാക്രിഫൈസിങ് ടു ദ ഗോൾഡൻ കാഫ് എന്ന ചിത്രം വരയ്ക്കാൻ ലഭിച്ചപ്പോൾ മുതൽ കാര്യമായ ചിത്രത്തിൻറെ നിർമ്മാണവും ആരംഭിച്ചു.[2][3] ഇളം നിറങ്ങൾ, അസമത്വമായ രൂപകല്പനകൾ, വക്രരേഖ, പ്രകൃതിദത്ത രൂപങ്ങൾ തുടങ്ങിയവ ചിത്രീകരിക്കുന്ന റോക്കോകോ കലാപ്രസ്ഥാനത്തിന്റെ ഭാഗമായി ഹോനറെക്ക് ഒരു പ്രമുഖ സ്ഥാനം ലഭിച്ചതിനെതുടർന്ന് താമസിയാതെ കരിയറിൽ വളരെ പെട്ടെന്ന് മുന്നേറാൻ തുടങ്ങി. പതിനെട്ടാം നൂറ്റാണ്ടിൽ ലൂയി പതിനഞ്ചാമൻറെ ഭരണകാലത്ത് പാരിസിലാണ് റോക്കോകോ ശൈലി രൂപപ്പെട്ടത്. ഈ കാലഘട്ടത്തിൽ, ഫ്രഞ്ച് സവർണ്ണർ ഒരു പുതിയ സാമൂഹ്യവും ബൌദ്ധികവുമായ സ്വാതന്ത്ര്യങ്ങൾ അനുഭവിച്ചറിഞ്ഞിരുന്നു. പെട്ര ടെൻ-ഡോസ്ചേറ്റ് ചു പ്രഭുക്കന്മാരും ധനികരായ ബൂർഷ്വാകളും നാടകങ്ങളിലും ആനന്ദത്തിലും കൂടുതൽ ശ്രദ്ധിച്ചിരുന്നു. സാമൂഹ്യ ഇടപെടലിൽ സൗകുമാര്യം, നർമ്മോക്തി എന്നിവയ്ക്ക് അംഗീകാരം നേടി. ഒരു പുതിയ ബൗദ്ധിക ജിജ്ഞാസയ്ക്കു നേരെയുള്ള ഉചിതമായ ആരോഗ്യകരമായ ഊർജ്ജസ്വലതയ്ക്ക് ഇത് കാരണമായി.[4] ഫ്രാഗൊണാർഡ് അദ്ദേഹത്തിന്റെ കാലത്തെ ചെറുപ്പക്കാരായ പ്രഭുക്കന്മാരുടെ തമാശനിറഞ്ഞ ജീവിതം ഏറ്റവും കൂടുതൽ വരച്ചുകാട്ടി.[5]

പെയിൻറിംഗ്[തിരുത്തുക]

ഈ ചിത്രത്തിൽ നാരക മഞ്ഞ വസ്ത്രം, വെളുത്ത റഫ് കോളർ, പർപ്പിൾ റിബണുകൾ എന്നിവ ധരിച്ച അജ്ഞാതയായ ഒരു പെൺകുട്ടിയെ കാണാം. അവളുടെ വലതു കൈയിൽ ഒരു ചെറിയ പുസ്തകം പിടിച്ചുകൊണ്ട് വായിച്ചുകൊണ്ടിരിക്കുന്നതായി ചിത്രീകരിച്ചിരിക്കുന്നു. ചുമരിനോട് ചേർത്തിട്ടിരിക്കുന്ന മരക്കസേരയുടെ കൈകളിൽ ഇടതുകൈ താങ്ങി ഇരുന്നുകൊണ്ട് വലതുകൈയ്യിൽ പുസ്തകം പിടിച്ച് പുറകുവശത്ത് വച്ചിരിക്കുന്ന കുഷനിൽ ചാരിയിരുന്നു പെൺകുട്ടി വായിക്കുന്നു. ചിക്നോൺ കേശാലങ്കാര ശൈലിയിലുള്ള അവളുടെ മുടി ഒരു ഊതനിറമുള്ള റിബൺ കൊണ്ട് കെട്ടിവച്ചിരിക്കുന്നതോടൊപ്പം അവളുടെ മുഖത്തേയ്ക്കു മുന്നിൽ നിന്ന് വെളിച്ചമടിക്കുകയും പിന്നിലെ ഭിത്തിയിൽ നിഴൽ പതിക്കുകയും ചെയ്യുന്നു. ഫ്രാഗൊണാർഡ് മുഖത്തെ കൂടുതൽ കാഴ്ചക്കാരനോട് അടുപ്പിച്ചു കാണിക്കുന്നു, എന്നാൽ വസ്ത്രത്തിലും കുഷനിലും ലൂസായി ബ്രഷ് വർക്ക് ഉപയോഗിച്ച് ചായം പൂശിയിരിക്കുന്നു.

സ്ത്രീരൂപമായ യംഗ് ഗേൾ വായിക്കുന്നത് സ്ത്രീയുടെ സ്വാഭാവിക സത്തയെ പ്രതിനിധാനം ചെയ്യുന്നു. തുടക്കക്കാർക്ക്, പശ്ചാത്തലത്തിലെ ഇരുണ്ട മതിൽ വിഷയം സ്ത്രീ രൂപത്തിൽ ഊന്നിപ്പറയുന്നതിന് സഹായിക്കുകയും ചെയ്യുന്നു. ഫ്രാഗോണാർഡ് പെൺകുട്ടിയുടെ മുടി ഒരു റിബണിൽ ഉയർത്തി കെട്ടിവയ്ക്കുകയും അവളുടെ കഴുത്ത് കൂടുതൽ വെളിപ്പെടുത്തുകയും, കഴുത്തിന്റെ അടിയിലായി ഒരു കോളർ സ്ഥാപിക്കുകയും ചെയ്തിരിക്കുന്നു. ഫ്രാഗോണാർഡ് സ്ത്രീയുടെ മുഖം വരച്ചിരിക്കുന്നത് ചിത്രത്തെ കൂടുതൽ ആകർഷണീയമാക്കുന്നു.

വളരെയടുത്തു നിന്നുനോക്കുമ്പോൾ വിഷയമായ സ്ത്രീ പുസ്തകം വായിക്കുന്നത് ആണ് എ യംഗ് ഗേൾ റീഡിംഗ് എന്ന ചിത്രത്തിൽ ചിത്രീകരിച്ചിരിക്കുന്നത്. ഈ രചനയിൽ ചിത്രരചനയുടെ നിഗൂഢത ചേർക്കുന്നു. "എന്താണ് അവൾ വായിക്കുന്നത്, എന്തുകൊണ്ട്?" എന്ന ചോദ്യത്തിന്, അക്കാദമിക് ആവശ്യങ്ങൾക്ക് വേണ്ടി അല്ല, സന്തോഷമായി വായിക്കുന്നുവെന്നാണ് മനസ്സിലാക്കാൻ കഴിയുന്നത്. യംഗ് ഗേൾ റീഡിങിൽ, നല്കിയിരിക്കുന്ന നിറം വൈകാരികതയും മാനസികാവസ്ഥയും അറിയിക്കുന്നു. ഫ്രാഗോണാർഡ് ഒരു സാധാരണ റോക്കോക്കോ കളർ സ്കീമാണ് ഉപയോഗിച്ചത്, അതിൽ മൃദുവും അതിലോലവുമായ നിറങ്ങളും സ്വർണ നിറങ്ങളും ഉൾപ്പെടുന്നു.

അവലംബം[തിരുത്തുക]

  1. Bergman-Carton, Janis (1995). The Woman of Ideas in French Art, 1830-1848. Yale University Press. pp. xi. ISBN 0-300-05380-0.
  2. "Jeroboam Sacrificing to the Golden Calf, 1752". PBS LearningMedia (ഭാഷ: ഇംഗ്ലീഷ്). ശേഖരിച്ചത് 2017-12-13.
  3. Stein, Author: Perrin. "Jean Honoré Fragonard (1732–1806) | Essay | Heilbrunn Timeline of Art History | The Metropolitan Museum of Art". The Met’s Heilbrunn Timeline of Art History. ശേഖരിച്ചത് 2017-12-13.
  4. ten-Doesschate., Chu, Petra (2012). Nineteenth-century European art (3rd ed.). Upper Saddle River, NJ: Pearson Prentice Hall. ISBN 9780205707997. OCLC 624045291.
  5. ten-Doesschate., Chu, Petra (2012). Nineteenth-century European art (3rd ed.). Upper Saddle River, NJ: Pearson Prentice Hall. ISBN 9780205707997. OCLC 624045291.

പുറം കണ്ണികൾ[തിരുത്തുക]


"https://ml.wikipedia.org/w/index.php?title=എ_യംഗ്_ഗേൾ_റീഡിംഗ്&oldid=3129326" എന്ന താളിൽനിന്ന് ശേഖരിച്ചത്