അഴിമതി വിരുദ്ധ ജനാധിപത്യ മുന്നണി

എ.സി.ഡി.എഫ് പതാക

കേരളത്തിലെ രാഷ്ട്രീയ നിലപാടുള്ളതും സാമുദായികവുമായ സംഘടനകളുടെ കോർഡിനേഷനാണ് അഴിമതി വിരുദ്ധ ജനാധിപത്യ മുന്നണി അഥവാ എ.സി.ഡി.എഫ് (ACDF - Anti Corruption Democratic Front). 2014 ജൂലൈ 14നാണ് സംഘടന രൂപം കൊണ്ടത്‌. മുൻ കേരള ചീഫ് വിപ്പും എം.എൽ.എയുമായ പി.സി. ജോർജ്ജ് അടക്കമുള്ളവർ മുൻകൈയ്യെടുത്താണ് ഇത് രൂപീകരിച്ചത്. പിന്നീട് നിരവധി ചെറുതും വലുതുമായ പിന്നോക്ക - സാമുദായിക സംഘടനകൾ ഇതിന്റെ ഭാഗമായി. നിലവിൽ വി.എസ്.ഡി.പി, ഡി.എച്ച്.ആർ.എം തുടങ്ങി മുപ്പതോളം സംഘടനകൾ ഈ മുന്നണിയുടെ ഭാഗമാണ്. എസ്.ഡി.പി.ഐ തുടങ്ങിയ രാഷ്ട്രീയ പാർട്ടികളുടെയും പിന്തുണ അഴിമതി വിരുദ്ധ ജനാധിപത്യ മുന്നണിക്കുണ്ട്. വി.എസ്.ഡി.പി നേതാവായ വിഷ്ണുപുരം ചന്ദ്രശേഖരനാണ് പ്രസിഡന്റ്. ഡി.എച്ച്.ആർ.എം നേതാവ് സെലീന പ്രക്കാനമാണ് ഓർഗനൈസർ. ജില്ലാ കമ്മറ്റികളും കീഴ്ഘടകങ്ങളുമായി പല ജില്ലകളിലും സജീവമാണ് എ.സി.ഡി.എഫ്.

പ്രവർത്തനത്തിന്റെ ഭാഗമായി ജനവിരുദ്ധ പ്രവർത്തനങ്ങൾ നടത്തുന്നവരെ കുറിച്ചു വിവരശേഖരണം നടത്താൻ പീപ്പിൾസ് ഇൻവസ്റ്റിഗേഷൻ സെല്ലും സർക്കാർ ഓഫീസുകളിലും പൊതുപണം ചിലവിടുന്ന ഇടങ്ങളും കേന്ദ്രീകരിച്ച് വിജിലൻസ് സെല്ലുകളും രൂപീകരിക്കുക തുടങ്ങിയ പ്രവർത്തനങ്ങളും നടത്തുമെന്ന് സംഘടന ഭാരവാഹികൾ പ്രസ്താവിക്കുകയുണ്ടായി

അരുവിക്കര ഉപതെരെഞ്ഞെടുപ്പിൽ

അരുവിക്കര ഉപതെരെഞ്ഞെടുപ്പിൽ സ്ഥാനാർഥിയെ നിർത്തിയതോടെ അഴിമതി വിരുദ്ധ ജനാധിപത്യ മുന്നണി ശ്രദ്ധയാകർഷിച്ചിട്ടുണ്ട്. സ്ഥാനാർഥിയെ നിർണയിച്ച രീതിയും ശ്രദ്ധേയമായിരുന്നു. പൊതു സമ്മതരായ നാല് പേരുടെ പാനൽ തയ്യാറാക്കിയ ശേഷം അരുവിക്കരയിലെ എട്ടു പഞ്ചായത്തുകളിലായി അച്ചടിച്ച ബാലറ്റിൽ അഭിപ്രായ വോട്ടെടുപ്പ് നടന്നു. കൂടുതൽ വോട്ടു നേടിയ ഗവ:തമിഴ്.V.H.S.S പ്രിൻസിപ്പാൾ ആയി റിട്ടയേർഡ് ചെയ്ത കെ.ദാസ് ആണ് സ്ഥാനാർഥിയായി തിരെഞ്ഞെടുക്കപ്പെട്ടത്‌. അരുവിക്കരയിൽ എ.സി.ഡി.എഫ് ഇരുമുന്നണികൾക്കും ആശങ്ക ഉയർത്തുന്ന രീതിയിൽ പ്രവർത്തനം നടത്തുന്നുണ്ട്

പുറം കണ്ണികൾ

• എ.സി.ഡി.എഫിനെ കുറിച്ച് പി.സി. ജോർജുമായി അഭിമുഖം, മാതൃഭൂമി ന്യൂസ് ചാനൽ Archived 2015-07-03 at the Wayback Machine
• എ.സി.ഡി.എഫ് അരുവിക്കര സ്ഥാനാർഥി കെ.ദാസുമായി മാതൃഭൂമി ന്യൂസ് അഭിമുഖം