എ.പി. അബ്ദുൾ ഖാദർ മൗലവി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(എ.പി. അബ്ദുൾ ഖാദർ എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

കേരളത്തിലെ പ്രമുഖ ഇസ്ലാമിക പണ്ഡിതനും കെ.എൻ.എം ജനറൽ സെക്രട്ടറിയുമായിരുന്നു[1] എ.പി. അബ്ദുൾ ഖാദർ മൗലവി. മുജാഹിദ് പ്രസ്ഥാനത്തിലെ പിളർപ്പിന് ശേഷം ഒരു വിഭാഗം ഇദ്ദേഹത്തിന്റെ നാമത്തിലും വിളിക്കപ്പെട്ടുവന്നു (കെ.എൻ.എം എ.പി. വിഭാഗം).

ജീവിത രേഖ[തിരുത്തുക]

1931 ഏപ്രിൽ 19ന് പൊന്നാനി താലുക്കിലെ ചങ്ങരംകുളം കാഞ്ഞിയൂർ അടത്തിൽ പറമ്പിൽ സൈനുദ്ദീൻ മുസ്ലിയാരുടെയും കിളിയൻ കുന്നത്ത് ഫാത്തിമയുെടയും മകനായിട്ടാണ് ജനനം. [2] 2014 മെയ് 03-ന് ശ്വാസകോശ സംബന്ധമായ അസുഖത്തെ തുടർന്ന് അന്തരിച്ചു. [3] മലപ്പുറം, കോഴിക്കോട് ജില്ലകളിലെ വിവിധ പള്ളി ദർസുകളിൽ മതപഠനം നടത്തി. ഫാറൂഖ് അറബി കോളേജിൽനിന്ന് അഫ്‌സൽ ഉലമാ പഠനം പൂർത്തിയാക്കിയ മൗലവി ഇസ്ലാഹി പരിഷ്‌കരണ പ്രവർത്തനങ്ങളുമായി കേരളത്തിനകത്തും പുറത്തും സഞ്ചരിച്ച് പ്രബോധന പ്രവർത്തനങ്ങളിലേർപ്പെട്ടിരുന്നു. അറബി, ഉർദു, തമിഴ് ഭാഷകൾ നന്നായി വശമുണ്ടായിരുന്നു.

  • 1960-ൽ വിളയിൽ പറപ്പൂർ ഗവൺമെന്റ് സ്‌കൂളിൽ അറബിക് അധ്യാപകനായി.
  • 1966-ൽ എടവണ്ണ ഇസ്ലാഹിയാ ഓറിയന്റൽ ഹൈസ്‌കൂളിൽ അദ്ധ്യാപകനായി.
  • 1969-ൽ അരീക്കോട് സുല്ലമുസ്സലാം അറബി കോളേജിൽ അദ്ധ്യാപകനായി.
  • 1974-ൽ വളവന്നൂർ അൻസാർ അറബിക് കോളേജ് പ്രിൻസിപ്പലായി.
  • എടവണ്ണ ജാമിഅ നദ്വിയ്യയുടെ പ്രിൻസിപ്പലായിരുന്നു.

അധികാരങ്ങൾ[തിരുത്തുക]

  • കേരള നദ്വത്തുൽ മുജാഹിദീൻ ജനറൽ സെക്രട്ടറി
  • കേരള ജംഇയ്യത്തുൽ ഉലമ ഉപാധ്യക്ഷൻ
  • ഫത്വ കമ്മിറ്റി ചെയർമാൻ
  • കെ.എൻ.എം. വിദ്യാഭ്യാസ ബോർഡംഗം
  • 1971 മുതൽ 1996 വരെ കെ.എൻ.എം. സെക്രട്ടറിമാരിൽ ഒരാളായിരുന്നു അദ്ദേഹം.
  • കെ.എൻ.എം. - ജനറൽ സെക്രട്ടറി
  • മാസപ്പിറവി കണക്കാക്കുന്നത് സംബന്ധിച്ച് ശാസ്ത്രീയ വിവരങ്ങൾ കൂടി പ്രയോജനപ്പെടുത്തുന്നതിന് മുജാഹിദുകൾ ആരംഭിച്ച കേരള ഹിലാൽ കമ്മിറ്റിയുടെ ചെയർമാൻ.
  • എടവണ്ണ ജാമിഅ നദ്വിയ്യ സ്ഥാപനങ്ങളുടെ മാനേജിങ് ട്രസ്റ്റി
  • പുളിക്കൽ ജാമിഅ സലഫിയ്യ വൈസ് ചാൻസലർ
  • വാവിട്ടപുറം അസ്സബാഹ് എഡ്യൂക്കേഷൻ ട്രസ്റ്റ് ചെയർമാൻ
  • കേരള ഹജ്ജ് കമ്മിറ്റി അംഗം
  • കെ.എൻ.എം. മുഖപത്രമായ അൽമനാറിന്റെ മുഖ്യപത്രാധിപർ

രചനകൾ[തിരുത്തുക]

  • തഖ്‌ലീദ്; ഒരു പഠനം - കെ.പി. മൗലവിയുമായി ചേർന്നാണ് ഈ ഗവേഷണഗ്രന്ഥം രചിച്ചത്. [4]
  • പ്രാർഥനകൾ ഖുർആനിൽ
  • സക്കാത്ത് ഒരു മാർഗരേഖ
  • ദൈവവിശ്വാസം ഖുർആനിൽ

കുടുംബം[തിരുത്തുക]

എടവണ്ണ ഒതായിയിലെ കെ.സി. അലീമയാണ് ഭാര്യ. മക്കൾ: ആരിഫ്‌സൈൻ(അരീക്കോട് എസ്.എസ്.എ. അറബിക് കോളേജ് അധ്യാപകൻ), ജൗഹർ സാദത്ത്(എടവണ്ണ ഐ.ഒ.എച്ച്.എസ്.എസ്. പ്രിൻസിപ്പൽ), ബുഷ്‌റ, സഹൂദ, ലൈല.

മരുമകൻ : എം.എം. അക്‌ബർ(നിച്ച് ഓഫ് ട്രൂത്ത് ഡയറക്ടർ)

അവലംബം[തിരുത്തുക]

  1. പ്രബോധനം വാരിക, 2014-05-16 http://www.prabodhanam.net/oldissues/detail.php?cid=3154&tp=1. ശേഖരിച്ചത് 2016-03-21. Missing or empty |title= (help)
  2. http://www.mathrubhumi.com/story.php?id=451255
  3. http://www.mathrubhumi.com/story.php?id=451116
  4. http://www.madhyamam.com/news/285259/140504
"https://ml.wikipedia.org/w/index.php?title=എ.പി._അബ്ദുൾ_ഖാദർ_മൗലവി&oldid=2527552" എന്ന താളിൽനിന്ന് ശേഖരിച്ചത്