എ.ടി. പത്രോസ്
|
ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. |
A.T. Pathrose | |
|---|---|
എ.ടി. പത്രോസ് | |
| ജനനം | 1932 |
| ദേശീയത | Indian |
| പൗരത്വം | Indian |
| വിദ്യാഭ്യാസം | Graduated in Law |
| അറിയപ്പെടുന്നത് | Being elected to Kerala Legislature, but being unable to take oath as the body was prematurely dissolved. |
കേരള നിയമസഭയിലേയ്ക്ക് 1965 മാർച്ച് നാലിന് നടന്ന മൂന്നാമത്തെ തിരഞ്ഞെടുപ്പിൽ വിജയിച്ചുവെങ്കിലും സത്യപ്രതിജ്ഞ ചെയ്യാൻ സാധിക്കാതിരുന്ന വ്യക്തിയാണ് എ.ടി. പത്രോസ് (ജനനം: 16 മേയ് 1932-16 മേയ് 2020)[1]. 1965 മാർച്ച് 17-ന് സഭ രൂപവത്കരിച്ചെങ്കിലും ഒരു കക്ഷിക്കും ഭൂരിപക്ഷമില്ലാതെ പോയതിനാൽ 133 അംഗ നിയമസഭ അംഗങ്ങളുടെ സത്യപ്രതിജ്ഞ നടത്താതെ 24-ന് പിരിച്ചുവിടപ്പെട്ടു. പത്രോസ് മറ്റൊരു തിരഞ്ഞെടുപ്പിലും കേരള നിയമസഭയിലേയ്ക്ക് തിരഞ്ഞെടുക്കപ്പെട്ടിട്ടില്ല.[2]
ജീവിതരേഖ[തിരുത്തുക]
മൂവാറ്റുപുഴ സ്വദേശിയായ ഇദ്ദേഹം ആനിത്തോട്ടത്തിൽ തൊമ്മന്റെയും വള്ളംകുളം കണ്ടത്തിൽ മണിയനോട്ട് ചിന്നമ്മയുടെയും മകനാണ്. കൽക്കട്ടയിൽ നിന്ന് ഇദ്ദേഹം നിയമബിരുദം നേടിയിട്ടുണ്ട്. 1963-ൽ കേരള ഹൈക്കോടതിയിൽ സന്നതെടുക്കുകയുണ്ടായി. പിന്നീട് ഓട്ടുകമ്പനി നടത്തിപ്പിനായി വക്കീൽ ജോലി ഉപേക്ഷിച്ചു. 1963-ൽ പഞ്ചായത്ത് മെമ്പറായി തിരഞ്ഞെടുക്കപ്പെട്ടിരുന്നു. [2]
മന്ത്രിയായിരുന്ന കോൺഗ്രസ്സിന്റെ ഇ.പി. പൗലോസും കമ്യൂണിസ്റ്റ് പാർട്ടിയുടെ എൻ. പരമേശ്വരൻ നായരുമായിരുന്നു 1965-ൽ നിയമസഭാ തിരഞ്ഞെടുപ്പിൽ ഇദ്ദേഹത്തിന്റെ എതിർ സ്ഥാനാർത്ഥികൾ.[2][3] 1967-ലെ തിരഞ്ഞെടുപ്പിൽ മത്സരിച്ചുവെങ്കിലും ഇദ്ദേഹം സി.പി.ഐ-യുടെ പി.വി. എബ്രഹാമിനോട് പരാജയപ്പെട്ടു.[4]
18 വർഷം ഇദ്ദേഹം പഞ്ചായത്ത് പ്രസിഡന്റും പാമ്പാക്കുട ബ്ലോക്ക് ഡവലപ്മെന്റ് കമ്മിറ്റി ചെയർമാനുമായിരുന്നു. ആരക്കുന്നം റബ്ബർ മാർക്കറ്റിങ് സൊസൈറ്റി, സംസ്ഥാന ജനറൽ മാർക്കറ്റിങ് സൊസൈറ്റി, നാഷണൽ കോ-ഓപ്പറേറ്റീവ് യൂണിയൻ ഓഫ് ഇന്ത്യ എന്നിവയുടെ ഡയറക്ടർ പദവിയും ഇദ്ദേഹം വഹിച്ചിരുന്നു.[2]
അവലംബം[തിരുത്തുക]
- ↑ "ജയിച്ചിട്ടും എം.എൽ.എ. ആകാഞ്ഞ എ.ടി. പത്രോസ് അന്തരിച്ചു" (ഭാഷ: ഇംഗ്ലീഷ്). മൂലതാളിൽ നിന്നും 2022-02-17-ന് ആർക്കൈവ് ചെയ്തത്. ശേഖരിച്ചത് 2022-02-17.
- ↑ 2.0 2.1 2.2 2.3 ഡോ. എബി പി. ജോയ്‌ (30 മാർച്ച് 2014). "അലസിപ്പോയ സഭയിലെ അവശേഷിക്കുന്ന സമാജികൻ". മാതൃഭൂമി. മൂലതാളിൽ (പത്രലേഖനം) നിന്നും 2014-03-29 23:22:59-ന് ആർക്കൈവ് ചെയ്തത്. ശേഖരിച്ചത് 30 മാർച്ച് 2014.
{{cite news}}: Check date values in:|archivedate=(help) - ↑ "I NTERIM E LECTIONS TO THE K ERALA A SSEMBLY – 1965" (PDF). കേരള ഗവണ്മെന്റ്. മൂലതാളിൽ (PDF) നിന്നും 2013-04-02-ന് ആർക്കൈവ് ചെയ്തത്. ശേഖരിച്ചത് 1 ഏപ്രിൽ 2014.
- ↑ "E LECTIONS TO T HE K ERALA A SSEMBLY - 1967" (PDF). കേരള ഗവണ്മെന്റ്. മൂലതാളിൽ (PDF) നിന്നും 2013-04-02-ന് ആർക്കൈവ് ചെയ്തത്. ശേഖരിച്ചത് 1 ഏപ്രിൽ 2014.