എലി ഡുക്കോമ്മൻ
എലി ഡുക്കോമ്മൻ | |
|---|---|
 | |
| ജനനം | 19 ഫെബ്രുവരി 1833 |
| മരണം | 7 ഡിസംബർ 1906 (73 വയസ്സ്) |
| ബന്ധുക്കൾ | മാർട്ടിൻ ബ്രൗൺ (കൊച്ചുമകൻ) |
| അവാർഡുകൾ | സമാധാനത്തിനുള്ള നോബൽ സമ്മാനം, 1902 |
എലി ഡുക്കോമ്മൻ (ജീവിതകാലം, 19 ഫെബ്രുവരി 1833, ജനീവ-7 ഡിസംബർ 1906, ബെർൺ) ഒരു സ്വിസ് സമാധാന പ്രവർത്തകയായിരുന്നു. 1902-ലെ സമാധാനത്തിനുള്ള നോബൽ സമ്മാനം ചാൾസ് ആൽബർട്ട് ഗോബാറ്റിനൊപ്പം അദ്ദേഹം പങ്കിട്ടു.
ജനീവയിൽ ജനിച്ച അദ്ദേഹം സ്വകാര്യാദ്ധ്യാപകൻ, ഭാഷാ അധ്യാപകൻ, പത്രപ്രവർത്തകൻ, സ്വിസ് ഫെഡറൽ ചാൻസലറി (1869-1873) യുടെ വിവർത്തകൻ എന്നീ നിലകളിൽ ജോലി ചെയ്തിരുന്നു.
1873 മുതൽ 1891 വരെയുള്ള കാലത്ത് ജൂറ-സിംപ്ലൺ സ്റ്റീൽ കമ്പനിയുടെ സെക്രട്ടറി ഉൾപ്പെടെ മറ്റ് പല സ്ഥാനങ്ങളിലും തുടർന്നു പ്രവർത്തിച്ചെങ്കിലും 1867 ൽ ലീഗ് ഡി ലാ പൈക്സ് എറ്റ് ഡി ലാ ലിബർട്ടെ (ലീഗ് ഓഫ് പീസ് ആൻഡ് ഫ്രീഡം) സ്ഥാപിക്കാൻ അദ്ദേഹം സഹായിച്ചു. ആ വർഷം, പുതുതായി രൂപീകരിച്ച, ബെർൺ ആസ്ഥാനമായുള്ള ആദ്യത്തെ സർക്കാരിതര അന്താരാഷ്ട്ര സമാധാന സംഘടനയായ ഇന്റർനാഷണൽ പീസ് ബ്യൂറോയുടെ ഡയറക്ടറായി അദ്ദേഹം നിയമിതനായി. തന്റെ ആദർശങ്ങളുടെ പേരിൽ മാത്രം ഈ പദവിയിൽ തുടരാൻ ആഗ്രഹിക്കുന്നുവെന്ന് പറഞ്ഞ് അദ്ദേഹം ഈ സ്ഥാനത്തേക്ക് ശമ്പളം സ്വീകരിക്കാൻ വിസമ്മതിച്ചു. 1895 മുതൽ അദ്ദേഹം ഇന്റർനാഷണൽ പീസ് ഓഫീസിന്റെ ജേണലായ കറസ്പോണ്ടൻസ് ബൈ-മെൻസുവലിന്റെ ഡയറക്ടറായി നിയമിക്കപ്പെട്ടു.[1]
അദ്ദേഹത്തിന്റെ തീവ്രമായ സംഘടനാ വൈദഗ്ദ്ധ്യം ഗ്രൂപ്പിന്റെ വിജയം ഉറപ്പാക്കി. 1902-ൽ സമാധാനത്തിനുള്ള നോബൽ സമ്മാനം ലഭിച്ച അദ്ദേഹം 1906-ൽ മരിക്കുന്നതുവരെ ജോലി ചെയ്തിരുന്ന സംഘടനയുടെ ഡയറക്ടറായി സേവനമനുഷ്ഠിച്ചു.
അവലംബം
[തിരുത്തുക]- ↑ "Élie Ducommun". Encyclopædia Britannica. 15 February 2023.