എലിസബത്ത് മാർഗരറ്റ് പേസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
എലിസബത്ത് മാർഗരറ്റ് പേസ്
ഡോ എലിസബത്ത് പേസിന്റെ ഫോട്ടോ
ജനനം1866 (1866)
ലാംബെത്ത്, ലണ്ടൻ, ഇംഗ്ലണ്ട്
മരണം1957 (വയസ്സ് 90–91)
സെന്റ് ആൻഡ്രൂസ്, സ്കോട്ട്ലൻഡ്
തൊഴിൽഡോക്ടർ
Medical career
FieldObstetrics

ഡോ എലിസബത്ത് പേസ് (1866 - 1957) ഒരു സ്കോട്ടിഷ് ഡോക്ടറും വോട്ടവകാശവാദിയും സ്ത്രീകളുടെ ആരോഗ്യം, സ്ത്രീകളുടെ അവകാശങ്ങൾ എന്നിവയ്ക്കു വേണ്ടി വാദിക്കുന്ന വനിതയുമായിരുന്നു.

ആദ്യകാല ജീവിതവും വിദ്യാഭ്യാസവും[തിരുത്തുക]

എലിസബത്ത് മാർഗരറ്റ് പേസ് 1866-ൽ ബ്രിക്‌സ്റ്റണിൽ മാർഗരറ്റ് ഗിബ്ബിന്റെയും ഒരു തുകൽ വ്യവസായിയായിരുന്ന തോമസ് റിച്ചാർഡ് പേസിന്റെയും നാല് മക്കളിൽ മൂത്തയാളായി ജനിച്ചു. അവൾ ക്ലാഫാം ഹൈസ്കൂളിൽ പഠനത്തിന് ചേർന്നു.[1] 1884-ൽ ലണ്ടൻ സ്‌കൂൾ ഓഫ് മെഡിസിൻ ഫോർ വുമണിൽനിന്ന് മെട്രിക്കുലേഷൻ നേടി.[2] 1891-ൽ അവർ ബിരുദം നേടി. 1892-ൽ, ബർലിംഗ്ടൺ ഹൗസിലെ ചാൻസലറെ സന്ദർശിക്കാനിടവരുകയും അവിടെ പ്രസവചികിത്സയിൽ പുരസ്കാരം നേടിയതിൻറെ പേരിൽ ശ്രദ്ധിക്കപ്പെടുകയുംചെയ്തു.[3]

കരിയർ[തിരുത്തുക]

ഔദ്യോഗിക ജീവിതത്തിൽ ലണ്ടൻ, ഗ്ലാസ്‌ഗോ, സ്കോട്ട്‌ലൻഡ് എന്നിവിടങ്ങളിലെ നിരവധി സ്ഥാപനങ്ങളിൽ അവർ ജോലി ചെയ്തു:

  • ന്യൂ ഹോസ്പിറ്റൽ ഫോർ വിമൻ
  • ഗൈനക്കോളജി വിഭാഗം, ബെല്ലഹൗസ്റ്റൺ ഡിസ്പെൻസറി
  • ഗ്ലാസ്ഗോ ലോക്ക് ഹോസ്പിറ്റൽ
  • വിക്ടോറിയ ഇൻഫർമറി ഡിസ്പെൻസറി
  • ഗ്ലാസ്ഗോ വുമൺസ് പ്രൈവറ്റ് ഹോസ്പിറ്റൽ
  • സെന്റ് മാർഗരറ്റ് സ്കൂൾ, പോൾമോണ്ട്

സ്ത്രീകളുടെ ജോലിയിലും ആരോഗ്യത്തിലും പ്രത്യേകമായി ശ്രദ്ധ കേന്ദ്രീകരിച്ചുകൊണ്ട്, ജീവകാരുണ്യ ലക്ഷ്യങ്ങളുള്ള നിരവധി സംഘടനകളോടൊപ്പം അവർ പ്രവർത്തിച്ചിരുന്നു. 1893-ൽ, ഒരു സൗഹൃദ സമൂഹമായ എൻഷ്യൻറെ ഓർഡർ ഓഫ് ഫോറസ്റ്റേഴ്സിന്റെ ഓണററി അംഗമായും മെഡിക്കൽ ഓഫീസറായും അവർ തിരഞ്ഞെടുക്കപ്പെട്ടു.

സ്വകാര്യ ജീവിതം[തിരുത്തുക]

അവർ ഗ്ലാസ്‌ഗോയിൽ ആയിരുന്ന കാലത്ത്, 7 ന്യൂട്ടൺ പ്ലേസിൽ ഡോ ആലീസ് മക്‌ലാറനുമായി ഒരു വീട് പങ്കിട്ടിരുന്നു. 1907-ൽ ആൻഡ്രൂ മൈറ്റ്‌ലാൻഡ് റാംസെയെ വിവാഹം കഴിച്ചു.[4] 1957-ൽ സെന്റ് ആൻഡ്രൂസിൽവച്ച് അന്തരിച്ചു.

അവലംബം[തിരുത്തുക]

  1. University of London Student Records 1836-1936, Senate House Library. 1884.
  2. The Medical Directory. 1900.
  3. "A large number of the graduates of the". Glasgow Herald (in ഇംഗ്ലീഷ്). 12 May 1892. Retrieved 2018-06-16 – via Newspapers.com.
  4. "Concerning Women". Altoona Tribune (in ഇംഗ്ലീഷ്). 12 October 1906. Retrieved 2018-06-16 – via Newspapers.com.