എം.ബി. രാജേഷ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(എം.ബി രാജേഷ് എന്ന താളിൽ നിന്നും തിരിച്ചുവിട്ടതു പ്രകാരം)
എം.ബി. രാജേഷ്
എം.ബി. രാജേഷ്
സംസ്ഥാന എക്സൈസ്, തദ്ദേശ സ്വയംഭരണ വകുപ്പ് മന്ത്രി
പദവിയിൽ
ഓഫീസിൽ
2022 സെപ്റ്റംബർ 5
മുൻഗാമിഎം.വി. ഗോവിന്ദൻ
കേരളനിയമസഭയുടെ സ്പീക്കർ
ഓഫീസിൽ
മേയ് 25 2021 – സെപ്റ്റംബർ 3 2022[1][2]
മുൻഗാമിപി. ശ്രീരാമകൃഷ്ണൻ
പിൻഗാമിഎ.എൻ. ഷംസീർ
ലോക്സഭാംഗം
ഓഫീസിൽ
മേയ് 31 2009 – മേയ് 23 2019
മുൻഗാമിഎൻ.എൻ. കൃഷ്ണദാസ്
പിൻഗാമിവി.കെ. ശ്രീകണ്ഠൻ
മണ്ഡലംപാലക്കാട്
കേരളനിയമസഭാംഗം
പദവിയിൽ
ഓഫീസിൽ
മേയ് 3 2021
മുൻഗാമിവി.ടി. ബൽറാം
മണ്ഡലംതൃത്താല
വ്യക്തിഗത വിവരങ്ങൾ
ജനനം (1972-03-12) 12 മാർച്ച് 1972  (52 വയസ്സ്)
ജലന്ധർ
രാഷ്ട്രീയ കക്ഷിസി.പി.എം.
പങ്കാളിനിനിത കണിച്ചേരി
കുട്ടികൾ2
മാതാപിതാക്കൾ
  • ബാലകൃഷ്ണൻ നായർ (അച്ഛൻ)
  • എം.കെ. രമണി (അമ്മ)
വസതിപാലക്കാട്
വെബ്‌വിലാസംhttp://www.mbrajesh.in/
As of മേയ് 25, 2021
ഉറവിടം: ലോക്സഭ

കേരള സംസ്ഥാനത്തിന്റെ തദേശസ്വയം ഭരണ എക്സൈസ് വകുപ്പ് മന്ത്രിയും[3] കേരള നിയമസഭയുടെ മുൻ സ്‌പീക്കറുമാണ് എം.ബി. രാജേഷ്. പതിനഞ്ചാം കേരള നിയമസഭയിൽ തൃത്താല നിയസഭാ മണ്ഡലത്തെ പ്രതിനിധീകരിക്കുന്ന നിയമസഭാഗം കൂടിയാണ് രാജേഷ്. പതിനാലും പതിനഞ്ചും ലോകസഭകളിൽ രണ്ട് തവണ തുടർച്ചയായി പാലക്കാട് ലോൿസഭാ മണ്ഡലത്തെ പ്രതിനിധീകരിച്ചിട്ടുള്ള[4] രാജേഷ് സി.പി.ഐ.എം. സംസ്ഥാന കമ്മറ്റി അംഗവും ഡി.വൈ.എഫ്.ഐ. മുൻ അഖിലേന്ത്യാ പ്രസിഡന്റുമാണ്.

ജീവിതരേഖ[തിരുത്തുക]

കേരളത്തിലെ പാലക്കാട് ജില്ലയിലെ ഷൊർണൂർ ചളവറ കയിലിയാട് റിട്ട. ഹവിൽദാർ ബാലകൃഷ്ണൻനായരുടെയും എം കെ രമണിയുടെയും മകനായി പഞ്ചാബിലെ ജലന്തറിൽ ജനിച്ചു. അഞ്ചു വയസു വരെ ജലന്ധറിലായിരുന്നു. ചെറുപ്പത്തിലേ ഉത്തരേന്ത്യയിലെ വിവിധ സ്ഥലങ്ങൾ കാണാനും രാഷ്ട്രത്തെ കുറിച്ച് അവബോധമുണ്ടാവുകയും ചെയ്തു ..പാർട്ടി ഗ്രാമമായ ചളവറയിലെ ഹൈസ്കൂൾ പഠനമാണ് രാജേഷിനെ ഇടതുപക്ഷത്തേക്ക് കൊണ്ടുവന്നത്. SFI യിലൂടെ നേതാവായി വളർന്നു. ധനതത്വശാസ്ത്രത്തിൽ ബിരുദാനന്തരബിരുദവും നിയമബിരുദവുമുണ്ട് രാജേഷിന്‌. നിയമവിദ്യാർത്ഥിയായിരിക്കുമ്പോൾ തന്നെബ്ലോക്ക് പഞ്ചായത്തിലേക്ക് തെരെഞ്ഞെടുക്കപ്പെട്ടു.. ഒരു എഴുത്തുകാരൻ കൂടിയായ രാജേഷ് ഡി.വൈ.എഫ്.ഐ.യുടെ മുഖപത്രം "യുവധാര' യുടെ മുഖ്യ പത്രാധിപരായിരുന്നു. ഡി.വൈ.എഫ്.ഐ. സംസ്ഥാന പ്രസിഡണ്ടായും പ്രവർത്തിച്ചിട്ടുണ്ട്. 2009-ലെ തെരഞ്ഞെടുപ്പിൽ 1820 വോട്ടിന്റെ ഭൂരിപക്ഷത്തോടെ പാലക്കാട്‌ ലോക്സഭാ മണ്ഡലത്തിൽ നിന്ന് വിജയിച്ചാണ് ആദ്യമായി ലോകസഭയിലെത്തുന്നത്.

ഷൊർണൂർ എൻ.എസ്.എസ്. കോളേജിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം, തിരുവനന്തപുരം ലോ അക്കാദമിയിൽനിന്ന് എൽഎൽബി ബിരുദം എന്നിവ നേടി. പഠനകാലത്ത് നിരവധി സമരങ്ങളിൽ പങ്കെടുത്തു. സി.പി.ഐ.എം. കേരള സംസ്ഥാന കമ്മിറ്റി അംഗമായ ഇദ്ദേഹം എസ്എഫ്ഐ പാലക്കാട് ജില്ലാ സെക്രട്ടറി, എസ്.എഫ്.ഐ സംസ്ഥാന സെക്രട്ടറി, എസ്.എഫ്.ഐ. കേന്ദ്ര ജോയന്റ് സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. എസ്.എഫ്.ഐ. നേതാവായിരിക്കേ നിരവധി സമരങ്ങളിൽ പങ്കെടുത്തു. തുടർന്ന് യുവജന സംഘടനാ രംഗത്ത് സജീവമായി പ്രവർത്തിച്ചു. ഡിവൈഎഫ്ഐ സംസ്ഥാന പ്രസിഡന്റായും അഖിലേന്ത്യാ പ്രസിഡന്റായും തെരഞ്ഞെടുക്കപ്പെട്ടു. വർഗീയതക്കെതിരെയും പൊതുമേഖലയുടെ സംരക്ഷണത്തിനനുകൂലമായും ലോകസഭയിൽ പാർട്ടിയുടെ പ്രമുഖ വക്താവായിരുന്നു രാജേഷ്. നിയമസഭാ തെരഞ്ഞെടുപ്പിൽ വി ടി ബൽറാം നെ പരാജയപെടുത്തി തൃത്താലയിൽ ജയിച്ചു. തദ്ദേശ സ്വയം ഭരണ എക്െ സസ് വകുപ്പിൽ മാലിന്യ സംസ്കരണം, പഞ്ചായത്ത്പരാതി പരിഹാര അദാലത്തുകൾ ,കുടുംബശ്രീ ജനകീയ ഭക്ഷണശാല, ലഹരി മദ്യവർജന പ്രതിജ്ഞ എന്നിവ നടപ്പാക്കി.

ബ്രിജേഷ് (പ്രവാസി), സംഘമിത്ര (അധ്യാപിക) എന്നിവർ സഹോദരങ്ങളാണ്. മുൻ എസ്.എഫ്.ഐ. നേതാവും കാലടി സംസ്കൃതസർവ്വകലാശാല അധ്യാപികയും ഇടത് അധ്യാപക നേതാവ്റഷീദ് കണിച്ചേരിയുടെ പുത്രിയും ആയ ഡോ. നിനിത കണിച്ചേരി ആണ് ഭാര്യ. നിരഞ്ജന ,പ്രിയദത്ത എന്നിവർ മക്കളാണ്.

2014 ലെ ലോക്സഭാ തെരഞ്ഞെടുപ്പ്[തിരുത്തുക]

2014 ലെ ലോക്സഭാ തെരഞ്ഞെടുപ്പിൽ പാലക്കാട് നിന്ന് രണ്ടാമതും തെരഞ്ഞെടുക്കപ്പെട്ടു. ആദ്യത്തേക്കാൾ ഉയർന്ന ഭൂരിപക്ഷം. പാലക്കാട് കോച്ച് ഫാക്ടറിക്കായി രാജേഷ് നടത്തിയ ശ്രമങ്ങൾ ജനപിന്തുണ വർദ്ധിപ്പിച്ചു. എം.പി.വീരേന്ദ്രകുമാറിനെയാണ് 1 ലക്ഷത്തിൽ പരം വോട്ടിന്റെ ഭൂരിപക്ഷത്തിൽ പരാജയപ്പെടുത്തിയത്. മണ്ഡഡലത്തിലൂടനീളം എൽ ഡി എഫ് മുന്നേറ്റം കാഴ്ചവച്ചു.2019 ൽ മൂന്നാമതും മത്സരിച്ചെങ്കിലും വിജയിച്ചില്ല. വർഗീയതക്കെതിരെ രാഹുൽ ഗാന്ധിക്കനുകൂലമായുണ്ടായ തരംഗം കോൺഗ്രസിനു ഗുണം ചെയ്തു.

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ [5] [6]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും വോട്ടും മുഖ്യ എതിരാളി പാർട്ടിയും മുന്നണിയും വോട്ടും രണ്ടാമത്തെ മുഖ്യ എതിരാളി പാർട്ടിയും മുന്നണിയും വോട്ടും
2021 തൃത്താല നിയമസഭാമണ്ഡലം എം.ബി. രാജേഷ് സി.പി.എം., എൽ.ഡി.എഫ് വി.ടി. ബൽറാം
2019 പാലക്കാട് ലോകസഭാമണ്ഡലം വി.കെ. ശ്രീകണ്ഠൻ കോൺഗ്രസ് (ഐ.), യു.ഡി.എഫ്. 399274 എം.ബി. രാജേഷ് സി.പി.എം., എൽ.ഡി.എഫ് 387637 സി. കൃഷ്ണകുമാർ ബി.ജെ.പി., എൻ.ഡി.എ. 218556
2014 പാലക്കാട് ലോകസഭാമണ്ഡലം എം.ബി. രാജേഷ് സി.പി.എം., എൽ.ഡി.എഫ് 412897 എം.പി. വീരേന്ദ്രകുമാർ എസ്.ജെ.ഡി., യു.ഡി.എഫ്. 307597 ശോഭ സുരേന്ദ്രൻ ബി.ജെ.പി., എൻ.ഡി.എ. 136587
2009 പാലക്കാട് ലോകസഭാമണ്ഡലം എം.ബി. രാജേഷ് സി.പി.എം., എൽ.ഡി.എഫ് 338070 സതീശൻ പാച്ചേനി കോൺഗ്രസ് (ഐ.), യു.ഡി.എഫ്. 336250 സി.കെ. പത്മനാഭൻ ബി.ജെ.പി., എൻ.ഡി.എ. 68804

കൃതികൾ[തിരുത്തുക]

  • "ചരിത്രം അവരെ കുറ്റക്കാരെന്ന് വിളിക്കും"
  • "ആഗോളവൽക്കരണത്തിന്റെ വിരുദ്ധലോകങ്ങൾ"
  • "മതം, മൂലധനം, രാഷ്ട്രീയം"
  • "ആഗോള സാമ്പത്തിക പ്രതിസന്ധിയുടെ മാനങ്ങൾ" (എഡിറ്റർ)

പുരസ്കാരങ്ങൾ[തിരുത്തുക]

  • "ദ വീക്ക്" എന്ന ഇംഗ്ലീഷ് വാരിക 2010-11ൽ മികച്ച യുവ എംപിയായി തെരഞ്ഞെടുത്തു.
  • ഗ്ലോബൽ മലയാളി കൗൺസിൽ കേരളത്തിലെ മികച്ച എംപിയായി 2011ൽ തെരഞ്ഞെടുത്തു.
  • റിപ്പോർട്ടർ ചാനൽ 2013ലെ മികച്ച എംപിയായി രാജേഷിനെ തെരഞ്ഞെടുത്തു.

അവലംബം[തിരുത്തുക]

  1. "MB Rajesh resigns as Kerala Assembly Speaker, CPI(M) to appoint him as minister". Retrieved 9 സെപ്റ്റംബർ 2022.
  2. Kerala Niyamasabha Bulletin
  3. "Ex-Kerala Speaker MB Rajesh sworn in as minister, portfolio yet to be assigned" (in English). Archived from the original on 2022-09-09. Retrieved 9 സെപ്റ്റംബർ 2022.{{cite news}}: CS1 maint: bot: original URL status unknown (link) CS1 maint: unrecognized language (link)
  4. http://loksabhaph.nic.in/Members/lokprev.aspx?search=R
  5. "ആർക്കൈവ് പകർപ്പ്". Archived from the original on 2021-11-11. Retrieved 2020-10-29.
  6. http://www.keralaassembly.org


പതിനഞ്ചാം ലോകസഭയിൽ കേരളത്തിൽ നിന്നുള്ള അംഗങ്ങൾ
പി. കരുണാകരൻ | കെ. സുധാകരൻ | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | പി.സി. ചാക്കോ | കെ.പി. ധനപാലൻ | കെ.വി. തോമസ്| പി.ടി. തോമസ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ. പീതാംബരക്കുറുപ്പ് | എ. സമ്പത്ത് | ശശി തരൂർ
പതിനാറാം ലോകസഭയിൽ കേരളത്തിൽ നിന്നുള്ള അംഗങ്ങൾ
പി. കരുണാകരൻ | പി.കെ. ശ്രീമതി | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | സി.എൻ. ജയദേവൻ | ഇന്നസെന്റ് | കെ.വി. തോമസ്| ജോയ്സ് ജോർജ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ.കെ. പ്രേമചന്ദ്രൻ | എ. സമ്പത്ത് | ശശി തരൂർ
"https://ml.wikipedia.org/w/index.php?title=എം.ബി._രാജേഷ്&oldid=4071973" എന്ന താളിൽനിന്ന് ശേഖരിച്ചത്