ഊരകം മല

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഊരകം എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ഊരകം (വിവക്ഷകൾ) എന്ന താൾ കാണുക. ഊരകം (വിവക്ഷകൾ)

മലപ്പുറം ജില്ലയിലെ ഏറ്റവും ഉയരം കൂടിയ പ്രദേശമാണു വേങ്ങരയിലെ ഊരകം മല.

പൂച്ചോലമാട് നിന്നുള്ള ഊരകം മലയുടെ വിദൂര ദൃശ്യം

സ്ഥാനം[തിരുത്തുക]

മലപ്പുറം ടൗണിൽ നിന്ന് 12 കിലോ മീറ്റർ ദൂരത്ത് പരപ്പനങ്ങാടി റൂട്ടിൽ വേങ്ങരയ്ക്കടുത്താണ് ഊരകം മലയുടെ സ്ഥാനം, ഊരകം, കണ്ണമംഗലം , വേങ്ങര പഞ്ചായത്തുകളിലായി പരന്ന് കിടക്കുകയാണു ഊരകം മല.

പൂളാപ്പീസ് വഴി പുള്ളിക്കല്ലു മജ്‌ലിസുന്നൂർ ജംഗ്‌ഷനിലേക്കു രണ്ടു കിലോമീറ്റർ ദൂരവും അവിടുന്ന് ഊരകം മലമുകളിലേക്ക് രണ്ടു km ദൂരവും ഉണ്ട്. ഇതാണ് മലമുകളിലേക്ക് ഉള്ള ഏറ്റവും നല്ല മാർഗം. മജ്‌ലിസുന്നൂർ ജംഗ്‌ഷനിൽ നിന്നു കാരാത്തോട്, കിളിനക്കോട് എന്നീ ഭാഗങ്ങളിലേക്കും ഗതാഗത സൗകര്യമുണ്ട്. കുണ്ടോട്ടിയിൽ നിന്നും 10km കോളനി റോഡ് വഴിയും ചെന്നെത്താം. മിനി ഊട്ടി എന്ന സ്ഥലമാണ് ഏറ്റവും ആസ്വാദകർ വന്നെത്തുന്ന സ്ഥലം. മലബാറിന്റെ ദൃശ്യഗോപുരമാണ് ഊരകം മല. [1] ഊരകം മലയുടെ നേർ മറു വശം കൊണ്ടോട്ടി അരിമ്പ്ര പൂക്കോട്ടൂർ എന്നിവ യാണ്. മലമുകളിൽ അതിപുരാതനമായ 2000 വർഷത്തിലെറെ പഴക്കമുള്ള ശങ്കര നാരായണസ്വാമിക്ഷേത്രം സ്ഥിതി ചെയ്യുന്നു[2]. മലമുകളിൽ കരിപ്പൂർ വിമാനത്താവളത്തിന്റെ സിഗ്നൽ ലൈറ്റ് സ്ഥാപ്പിച്ചിരിക്കുന്നു. ഇവിടെ നിന്നും നോക്കിയാൽ കരിപ്പൂർ വിമാനത്താവളത്തിന്റെ വ്യക്തമായ ദ്യശ്യവും, വിമാനങ്ങൾ നീലവിഹായസ്സിലേക്ക് പറന്നുയരുകയും, താഴ്ന്നിറങ്ങുകയും ചെയ്യുന്നത് കാണാം. മലമുകളിൽ രണ്ടു ക്രിസ്ത്യൻ ചർച്ചുകൾ സ്ഥിതി ചെയ്യുന്നു. അനിയന്ത്രിതമായ കരിങ്കൽ കോറികളുടെ പ്രവർത്തനം ഊരകം മലയുടെ മനോഹാരിതയെ മാത്രമല്ല. നിലനില്പിനെ തന്നെ ബാധിക്കുമെന്ന ആശങ്കയിലാണ് പ്രദേശ വാസികൾ. ഭൂകമ്പസാധ്യതയുള്ള എരുമപാറ പോലും പൊട്ടിച്ചു കൊണ്ടിരിക്കുന്നു. മലയെ നശിപ്പിക്കുന്ന കരിങ്കൽ കോറികൾക്കെതിരെ ഊരകത്തെ പ്രകൃതിസ്നേഹികളുടെ വിപ്ലവ കവിതകൾ ശ്രദ്ധേയമാണ്.

ഊരകം അൻവരിയുടെ വിപ്ലവഗീതത്തിൽ നിന്ന് ഏതാനും വരികൾ :


ഊരകം മലയെന്ന പർവസമുച്ചയം

ഊരിലും വെളിയിലും സുപ്രസിദ്ധം

തിരുവർചനാംകുന്നിലെന്നുംസിരസ്സുയർ

ത്തീടുന്ന ക്ഷേത്രം ചരിത്രമോതും


മഞ്ഞു പുതച്ചിടുംവിസ്മയ കാഴ്ചകൾ

മഴമേഘപ്രാവിനെ തൊട്ടു നോക്കാം

ഹിന്ദുവുംമുസ്ലിമുംക്രിസ്തുവിശ്വാസിയും

സൗഹൃദപൂർവ്വം വസിച്ച നാട്


പാറവെട്ടെന്നെരു വൻ ദുരന്തതിനാൽ

ഊരകം മലയും മരിച്ചിടുന്നു

അധികനാൾ ജീവിച്ചിരിക്കില്ല ഈ മല

അനുശോചനത്തിനായ് കാത്തിരിക്കാം


ഊരകം നാടിന്റെ മക്കളെ സംഘടി

ച്ചീടുവിൻ നിങ്ങളാവേശപൂർവ്വം

നാടിനെ കൊല്ലുന്ന ബൂർഷമാരെ യുടൻ

ഭാണ്ഡവുമേന്തി പറഞ്ഞയയ്ക്കൂ..


ഉണരുവിൻനാടിനായ്സമരംനയിക്കുവിൻ

വിപ്ലവഗീതം മുഴക്കു നിങ്ങൾ

പാറയും പറവയും കാടും നിറഞ്ഞൊരു

ഊരകം മലയെ നാം വീണ്ടെടുക്കാൻ..

ചരിത്രത്തിൽ[തിരുത്തുക]

മലബാർ കലാപ കാലത്ത് ഇന്ത്യൻ സ്വാതന്ത്ര്യ സമര സേനാനികൾ ഒളിത്താവളമായി ഉപയോഗിച്ചിരുന്നത് ഊരകം മലയായിരുന്നു. ഊരകം മലയിൽ ബ്രിട്ടീഷ് ഭരണ കാലത്തു പൂള (കപ്പ) ധാരാളമായി കൃഷി ചെയ്യുകയും കയറ്റി അയക്കുകയും ചെയ്തിരുന്നു.അതുകൊണ്ട് അടുത്തുള്ള കയറ്റുമതി കേന്ദ്രം പൂളാപ്പീസ് എന്ന പേരിൽ ഇന്നും അറിയപ്പെടുന്നു. ഊരകം മല മുകളിൽ മിനി ഊട്ടിയിൽ ജാമിയ അൽ ഹിന്ദ് എന്ന മുസ്‌ലിം ശരീഅത് കോളേജ് 2016 ൽ സ്ഥാപിതമായി.

അവലംബം[തിരുത്തുക]

  1. http://www.keraleeyamonline.com/php/disNewsDetails.php?newsID=176&catID=8
  2. https://shaivam.org/temples-of-lord-shiva/lord-shiva-temples-of-kerala


"https://ml.wikipedia.org/w/index.php?title=ഊരകം_മല&oldid=3265778" എന്ന താളിൽനിന്ന് ശേഖരിച്ചത്