ഉലൈ ഒട്ടോബെഡ്
ഉലൈ ട്രൂഡി ഒട്ടോബെഡ് (ജനനം: ഡിസംബർ 31, 1941)[1] ഒരു പലാവു സ്വദേശിയായ വൈദ്യനാണ്. 1965-ൽ ഡോക്ടറായി യോഗ്യത നേടുന്ന ആദ്യത്തെ മൈക്രോനേഷ്യൻ വനിതയായിരുന്നു അവർ. ഒരു ടേബിൾ ടെന്നീസ് കളിക്കാരി കൂടിയായിരുന്ന അവർ 1963 ലെ സൗത്ത് പസഫിക് ഗെയിംസിൽ കായികരംഗത്ത് സ്വർണ്ണ മെഡൽ നേടുകയും ഒപ്പം മൂന്ന് വിഭാഗങ്ങളിൽ ഫിജിയുടെ ദേശീയ ചാമ്പ്യനുമായിരുന്നു.
ജീവചരിത്രം[തിരുത്തുക]
ഉലൈ ഒട്ടോബെഡ് ബാബേൽഡോബ് എന്ന പലാവാൻ ദ്വീപിലെ ഐമേലിക്കിൽ ബെറെംഗസ് ഒയ്‌റ്റെറോങ്ങിന്റെയും ടൗറംഗൽ ഒട്ടോബെഡിന്റെയും ആറ് മക്കളിൽ രണ്ടാമത്തെ കുട്ടിയായി ജനിച്ചു.[2] അവളുടെ സഹോദരൻ റെചിയുവാങ് ഡെമായി ഒട്ടോബെഡ് കീടശാസ്ത്രത്തിൽ ബിരുദം നേടിയ ആദ്യത്തെ പലാവൻ വംശജനായി മാറി.[3] ആറാമത്തെ വയസ്സിൽ അവൾ എൻഗെറെംലെംഗ്യൂയിയിലെ വിദ്യാലയത്തിൽ ചേർന്നു. 1953 നും 1956 നും ഇടയിൽ അവൾ പാലാവ് ഇന്റർമീഡിയറ്റ് സ്കൂളിലെ വിദ്യാർത്ഥിനിയായിരുന്നു.[4] പിന്നീട് പസഫിക് ഐലൻഡ്സ് സെൻട്രൽ സ്കൂളിലേക്ക് മാറിയ അവർ അവിടെ 1956 നും 1959 നും ഇടയിൽ പഠനത്തിന് ചേർന്നു. ഫിജിയിലെ സെൻട്രൽ മെഡിക്കൽ സ്കൂളിൽ പ്രവേശനം നേടിയ ശേഷം, 1960-ൽ കോഴ്സ് ആരംഭിക്കുന്നത് വരെയുള്ള കാലത്ത് അവൾ ട്രസ്റ്റ് ടെറിട്ടറി സ്കൂൾ ഓഫ് നേഴ്സിംഗിൽ ചേർന്നു.[5] ഫിജിയിൽ ആയിരുന്ന കാലത്ത് 1963ലെ സൗത്ത് പസഫിക് ഗെയിംസിൽ സ്വർണം നേടിയ ഫിജി ടേബിൾ ടെന്നീസ് ടീമിന്റെ ഭാഗമായിരുന്നു അവർ. അടുത്ത വർഷം വനിതാ സിംഗിൾസ്, വനിതാ ഡബിൾസ്, മിക്‌സഡ് ഡബിൾസ് എന്നിവയിൽ ഫിജിയൻ ദേശീയ ചാമ്പ്യനായിരുന്നു.[6]
1965-ൽ സെൻട്രൽ മെഡിക്കൽ സ്കൂളിൽ നിന്ന് ബിരുദം നേടിയ ഒട്ടോബെഡ്, മികച്ച വിദ്യാർത്ഥിനിക്കുള്ള പ്രിൻസിപ്പൽ പ്രസന്റേഷൻ അവാർഡ്, ഉയർന്ന ഗ്രേഡ് ശരാശരിക്കുള്ള ഗ്ലാസോ-അലെൻബർഗ്‌സ് സമ്മാനം, ശസ്ത്രക്രിയയിലെ അക്കാദമിക് മികവിനുള്ള ബ്രിട്ടീഷ് മെഡിക്കൽ അസോസിയേഷൻ സ്വർണ്ണ മെഡൽ[7] എന്നിവയുൾപ്പെടെ നിരവധി അവാർഡുകളും നേടി. തുടർന്ന് മക്ഡൊണാൾഡ് മെമ്മോറിയൽ ഹോസ്പിറ്റലിൽ രണ്ട് വർഷത്തെ ഇന്റേൺഷിപ്പ് ചെയ്ത അവർ 1968-ൽ ട്രസ്റ്റ് ടെറിട്ടറി മെഡിക്കൽ ബോർഡ് പരീക്ഷകളിലും വിജയിച്ചു.[8]
1968-ൽ ന്യൂസിലാൻഡിൽ ആറുമാസത്തെ പരിശീലനം നടത്തിയ ഒട്ടോബെഡ്, ഓക്ക്‌ലൻഡ് ഹോസ്പിറ്റൽ ബോർഡ് പരീക്ഷയിൽ വിജയിക്കുകയും 1969-ൽ ഒബ്‌സ്റ്റെട്രിക്‌സിൽ ഡിപ്ലോമ നേടുകയും ചെയ്തു.[9] 1970-നും 1973-നും ഇടയിൽ ഓക്‌ലൻഡ് യൂണിവേഴ്‌സിറ്റിയിലെ ഒബ്‌സ്റ്റട്രിക്‌സ് ആൻഡ് ഗൈനക്കോളജിയിലെ പോസ്റ്റ് ഗ്രാജ്വേറ്റ് സ്കൂളിൽ പഠിക്കാനായി അവർ ന്യൂസിലാൻഡിലേക്ക് മടങ്ങുകയും നാഷണൽ വിമൻസ് ഹോസ്പിറ്റലിൽ സർജനായും രജിസ്ട്രാറായും ജോലി നേടുകയും ചെയ്തു.[10] പ്രസവചികിത്സയിലും ഗൈനക്കോളജിയിലും ഡിപ്ലോമ നേടിയ ശേഷം, 1973-ൽ മക്ഡൊണാൾഡ് മെമ്മോറിയൽ ഹോസ്പിറ്റലിൽ ജോലി ചെയ്യുന്നതിനായി അവർ പാലാവിലെ കോറോറിൽ തിരിച്ചെത്തി.[11] 1974 നും 1976 നും ഇടയിൽ അവർ ഇന്ത്യയിലെ മൈസൂർ മെഡിക്കൽ കോളേജിൽ ചേരുകയും വൈദ്യശാസ്ത്രത്തിലും ശസ്ത്രക്രിയയിലും ബിഎസ്‌സി ബിരുദം നേടുകയും ചെയ്തു. 1977-ൽ അമേരിക്കൻ എക്സാമിനേഷൻ ഫോർ ഫോറിൻ ഗ്രാജുവേറ്റ്സ് എന്ന പരീക്ഷയിൽ വിജയിച്ചു.[12]
മക്ഡൊണാൾഡ് മെമ്മോറിയൽ ഹോസ്പിറ്റലിൽ ഒബ്‌സ്റ്റെട്രിക്‌സ്, ഗൈനക്കോളജി, ഫാമിലി പ്ലാനിംഗ് എന്നിവയിൽ ഫിസിഷ്യനായി ജോലി ചെയ്യാൻ പലാവുവിലേക്ക് മടങ്ങിയ ശേഷം, ഒട്ടോബെഡ് പിന്നീട് ദേശീയ ആശുപത്രിയിലെ ക്ലിനിക്കൽ സർവീസസ് മേധാവിയായി.[13] പാലവും നാഷണൽ സ്കോളർഷിപ്പ് ബോർഡിലും അവർ സേവനമനുഷ്ഠിച്ചു.[14]
അവലംബം[തിരുത്തുക]
- ↑ Glimpses into Pacific Lives: Some Outstanding Women Northwest Regional Educational Lab
- ↑ Glimpses into Pacific Lives: Some Outstanding Women Northwest Regional Educational Lab
- ↑ Palau's first entomologist passes away Island Times
- ↑ Medics in the making Micronesian Reporter
- ↑ Medics in the making Micronesian Reporter
- ↑ Glimpses into Pacific Lives: Some Outstanding Women Northwest Regional Educational Lab
- ↑ "Ulai Otobed", Micronesian Reporter, volumes 20–21
- ↑ Glimpses into Pacific Lives: Some Outstanding Women Northwest Regional Educational Lab
- ↑ Glimpses into Pacific Lives: Some Outstanding Women Northwest Regional Educational Lab
- ↑ Glimpses into Pacific Lives: Some Outstanding Women Northwest Regional Educational Lab
- ↑ People Pacific Islands Monthly, April 1973, p15
- ↑ Glimpses into Pacific Lives: Some Outstanding Women Northwest Regional Educational Lab
- ↑ Condé Nast's Traveler, Volume 34, p119
- ↑ Glimpses into Pacific Lives: Some Outstanding Women Northwest Regional Educational Lab