ഇൻട്രാമ്യൂറോസ്

Coordinates: 14°35′27″N 120°58′30″E / 14.59083°N 120.97500°E / 14.59083; 120.97500
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇൻട്രാമ്യൂറോസ്
ഇൻട്രാമ്യൂറോസിന്റെ പടിഞ്ഞാറേ കവാടം
ഇൻട്രാമ്യൂറോസിന്റെ പടിഞ്ഞാറേ കവാടം
ഔദ്യോഗിക ചിഹ്നം ഇൻട്രാമ്യൂറോസ്
Coat of arms
Nickname(s): 
മതിലകനഗരം
Motto(s): 
"മനിലയിലെ വിശിഷ്ടവും നിത്യവിശ്വസ്തവുമായ നഗരം"
Countryഫിലിപ്പീൻസ്
Regionമനില ദേശീയതലസ്ഥാന പ്രദേശം
Cityമനില
കോൺഗ്രഷനൽ ജില്ലPart of the മനിലായിലെ അഞ്ചാം കോൺഗ്രൻഷനൽ ജില്ല
Barangays5
സ്ഥാപകൻമിഗയൂൽ ലോപസ് ലെഗാസ്പി
വിസ്തീർണ്ണം
 • ആകെ0.67 ച.കി.മീ.(0.26 ച മൈ)
ജനസംഖ്യ
 (2007)[1]
 • ആകെ5,015
 • ജനസാന്ദ്രത7,500/ച.കി.മീ.(19,000/ച മൈ)
വെബ്സൈറ്റ്Intramuros.ph

ഫിലിപ്പീൻസിന്റെ തലസ്ഥാനമായ മനിലയിലെ ഏറ്റവും പഴയ ജില്ലയും ആ നഗരത്തിന്റെ ഐതിഹാസികഹൃദയവുമാണ് ഇൻട്രാമ്യൂറോസ്. ലത്തീൻ ഭാഷയിൽ 'ഇൻട്രാമ്യൂറോസ്' എന്ന പദത്തിന് 'ഭിത്തിയ്ക്കുള്ളിൽ' എന്നാണർത്ഥം. മനിലയിലെ 'മതിലകനഗരം' അഥവാ "വാൾഡ് സിറ്റി" (walled city) ആയ 'ഇൻട്രാമ്യൂറോസ്' 1571 മുതൽ 1898 വരെ മൂന്നു നൂറ്റാണ്ടിലേറെ ദീർഘിച്ച ഹെസ്പാനിയ അധിനിവേശയുഗത്തിൽ ഫിലിപ്പിൻസിന്റെ ഭരണകേന്ദ്രമായിരുന്നു.[2]

ഇൻട്രാമ്യൂറോസിലെ വിശുദ്ധ അഗസ്റ്റിന്റെ പള്ളി

പാസിഗ് നദീമുഖത്തിന്റെ തെക്കുഭാഗത്തുള്ള ഈ നഗരം ഇരുപതാം നൂറ്റാണ്ടിലെ 'വീണ്ടെടുക്കലുകൾ' പട്ടണത്തെ കടലിൽ നിന്ന് മറയ്ക്കുന്നതിനുമുൻപ് മനില ഉൾക്കടലിന്റെ തീരത്തായിരുന്നു. പട്ടണത്തിനു കാവലായ സാന്തിയാഗോ കോട്ട നദീമുഖത്തു തന്നെയായിരുന്നു. ഇൻട്രാമ്യൂറോസിന്റെ കനമുള്ള പ്രതിരോധഭിത്തികളുടെ നിർമ്മാണം ഹെസ്പാനിയ ഭരണത്തിന്റെ കേന്ദ്രത്തെ ബ്രിട്ടീഷ്-ഡച്ച് ആക്രമണകാരികളിൽ നിന്നും ചീനക്കാരായ കടൽക്കൊള്ളക്കാരിൽ നിന്നും രക്ഷിക്കാൻ 1571-ൽ തുടങ്ങിയതായിരുന്നു. കൊളോണിയൽ ഭരണകാലത്ത്, ഭരണകേന്ദ്രത്തിനു പുറത്തുള്ള നഗരഭാഗം 'എക്ട്രാമ്യൂറോസ്' അല്ലെങ്കിൽ 'ഭിത്തിയ്ക്കപ്പുറം' എന്നറിയപ്പെട്ടു. ഫിലിപ്പീൻസിലെ ഏറ്റവും പഴയ ക്രൈസ്തവദേവാലയവും രാജ്യത്തെ ഏറ്റവും പഴയ കെട്ടിടം തന്നെയും ആയ വിശുദ്ധ ആഗസ്തീനോസിന്റെ പള്ളി(San Agustin Church) ഉൾപ്പെടെ, ഒട്ടേറെ ചരിത്രസാക്ഷ്യങ്ങളുടെ ഇരിപ്പിടമാണ് ഇൻട്രാമ്യൂറോസ്.[3]

2010 ഒക്ടോബറിൽ ലോകപൈതൃകനിധിയുടെ ഒരു റിപ്പോർട്ട്, സാന്തിയാഗോ കോട്ട ഉൾപ്പെടെയുള്ള ഇൻട്രാമ്യൂറോസ് മുഴുവനേയും, വികസനത്തിന്റെ സമ്മർദ്ദവും വിഭവശേഷിക്കുറവും കെടുകാര്യസ്ഥതയും മൂലം തീരാനഷ്ടഭീഷണി നേരിടുന്ന 12 ലോകപതൃകസ്ഥാനങ്ങളിൽ ഒന്നായി എടുത്തുകാട്ടി.[4]

അവലംബം[തിരുത്തുക]

  1. "2007-ലെ കാനേഷുമാരിയുടെ അന്തിമകണക്കനുസരിച്ച്". Philippine Census.
  2. "Intramuros the fort city that protected almost all." ഫിലിപ്പീൻസ് ട്രാവൽ ഗൈഡ്.കോം Archived 2012-04-26 at the Wayback Machine.
  3. ബ്രിട്ടാണിക്ക വിജ്ഞാനകോശത്തിലെ ലേഖനം
  4. "Global Heritage in the Peril: Sites on the Verge" Archived 2012-08-20 at the Wayback Machine.. Global Heritage Fund.

14°35′27″N 120°58′30″E / 14.59083°N 120.97500°E / 14.59083; 120.97500

"https://ml.wikipedia.org/w/index.php?title=ഇൻട്രാമ്യൂറോസ്&oldid=3911628" എന്ന താളിൽനിന്ന് ശേഖരിച്ചത്