ഇസ്‌ലാം മതം ഹോണ്ടുറാസിൽ

ഒരു പ്രധാന ക്രിസ്ത്യൻ രാജ്യമാണ് ഹോണ്ടുറാസ് . ഇസ്ലാം ഒരു ചെറിയ ന്യൂനപക്ഷ മതമാണ് ഇവിടെ. രാജ്യത്തിന്റെ ഭരണഘടനയുടെ മതേതര സ്വഭാവം കാരണം, രാജ്യത്ത് മതം മാറ്റാനും ആരാധനാലയങ്ങൾ നിർമ്മിക്കാനും മുസ്‌ലിംകൾക്ക് സ്വാതന്ത്ര്യമുണ്ട്. ഹോണ്ടുറാസിലെ ഇസ്ലാമിന്റെ സ്ഥിതിവിവരക്കണക്കുകൾ പ്രകാരം മൊത്തം മുസ്ലീം ജനസംഖ്യ 11,000 ആണെന്ന് കണക്കാക്കപ്പെടുന്നു, ഇത് ജനസംഖ്യയുടെ 0.1 ശതമാനത്തെ പ്രതിനിധീകരിക്കുന്നു.

ഔദ്യോഗിക സ്ഥിതിവിവരക്കണക്കുകൾ ഇല്ലെങ്കിലും, രാജ്യത്തെ പത്ത് ദശലക്ഷം നിവാസികളിൽ 300,000-ത്തിലധികം പേർ അറബ് വംശജരാണെന്നും, ഇവരിൽ ബഹുഭൂരിപക്ഷവും പലസ്തീൻ, ലെബനീസ് അറബികളാണെന്നും കണക്കാക്കപ്പെടുന്നു. എന്നിരുന്നാലും, ഈ അറബികളിൽ ബഹുഭൂരിപക്ഷവും ഓർത്തഡോക്സ്, കത്തോലിക്കാ ക്രിസ്ത്യൻ വംശജരാണ്. പടിഞ്ഞാറൻ അർദ്ധഗോളത്തിലെ മറ്റൊരു രാജ്യത്തും അറബ് കുടിയേറ്റക്കാരുടെ അനുപാതം ഇത്രയധികം ഇല്ലത്രെ ഹോണ്ടുറാസിൽ അറിയപ്പെടുന്ന രണ്ട് ഇസ്ലാമിക സംഘടനകളുണ്ട്, യൂസഫ് അംദാനിയുടെ നേതൃത്വത്തിലുള്ള സാൻ പെഡ്രോ സുലയിലെ സെൻട്രോ ഇസ്‌ലാമിക്കോ ഡി ഹോണ്ടുറാസും കോർട്ടെസിലെ കൊമുനിഡാഡ് ഇസ്‌ലാമിക ഡി ഹോണ്ടുറാസും എന്നിവയാണ് അവ.

പശ്ചാത്തലം

1896-ലാണ് ഹോണ്ടുറാസിൽ ആദ്യത്തെ അറബ് കുടിയേറ്റക്കാർ എത്തുന്നത്. 1918 ആയപ്പോഴേക്കും, പ്രാദേശിക സർവേ പ്രകാരം, രാജ്യത്തെ രണ്ടാമത്തെ വലിയ നഗരമായ സാൻ പെഡ്രോ സുലയിലെ അറബ് കുടിയേറ്റക്കാർ ഭൂരിഭാഗവും പലസ്തീൻ ക്രിസ്ത്യാനികളായിരുന്നു . പലസ്തീനിലെ ഓട്ടോമൻ നിയന്ത്രണം മൂലമാണ് അവർ കുടിയേറിയത്. അവിടെ അറബികൾ ഒട്ടോമൻ പാസ്‌പോർട്ടുകൾ ഉപയോഗിച്ച് പലായനം ചെയ്തു, അവർക്ക് സാധാരണയായി അറിയപ്പെടുന്ന വിളിപ്പേര് ടർക്കിഷ് ( ടർക്കോസ് ) എന്നാണ്. രണ്ടാം ലോകമഹായുദ്ധത്തിനും 1948-ലെ അറബ്-ഇസ്രായേൽ യുദ്ധത്തിനും ശേഷം കുടിയേറ്റം വീണ്ടും ശക്തി പ്രാപിച്ചു. 1984-ൽ, രാജ്യത്തെ അറബികളുടെയും മുസ്‌ലിംകളുടെയും താൽപ്പര്യങ്ങൾ സംരക്ഷിക്കുക എന്ന പ്രധാന ലക്ഷ്യത്തോടെ ഒരു ഇസ്ലാമിക ചാരിറ്റബിൾ സംഘടന സ്ഥാപിക്കപ്പെട്ടു, അതിനുശേഷം അവർ ഒരു പള്ളി പണിതു, അവിടെ അവർ കണ്ടുമുട്ടുകയും കുട്ടികളുടെ വിദ്യാഭ്യാസം ഉൾപ്പെടെയുള്ള അവരുടെ സാമൂഹികവും മതപരവുമായ കാര്യങ്ങൾ ചർച്ച ചെയ്യുകയും ചെയ്തു, അതിൽ ഏറ്റവും പ്രധാനം അവരെ ഖുർആനും അറബി ഭാഷയും പഠിപ്പിക്കുക എന്നതാണ്.

ഇന്നത്തെ അവസ്ഥ

ഹോണ്ടുറാസിലെ മുസ്ലീം സമൂഹത്തിൽ കുടിയേറ്റക്കാരും പ്രാദേശികമായി മതം മാറിയവരും ഉൾപ്പെടുന്നു. പാകിസ്ഥാൻ, ക്യൂബ, തദ്ദേശീയ ഹോണ്ടുറാൻ സമൂഹങ്ങൾ തുടങ്ങിയ വ്യത്യസ്ത പശ്ചാത്തലങ്ങളിൽ നിന്നുള്ളവരാണ് പലരും. അവർ ഒരു ചെറിയ ന്യൂനപക്ഷമാണെങ്കിലും, ഹോണ്ടുറാസിലെ മുസ്‌ലിംകൾക്ക് രാജ്യത്തിന്റെ മതേതര ഭരണഘടന പ്രകാരം മതസ്വാതന്ത്ര്യം ഉണ്ട്. മതപരമായ അക്രമമോ വിവേചനമോ റിപ്പോർട്ട് ചെയ്യപ്പെടുന്നത് വളരെ കുറവാണ്. ഹോണ്ടുറാസിലെ ഇസ്ലാം ചെറുതാണെങ്കിലും, അറബ് കുടിയേറ്റത്തിൽ വേരുകളുള്ള വളർന്നുവരുന്ന ഒരു സമൂഹമാണ്. സന്നദ്ധ സംഘടനകളും ആരാധനാലയങ്ങളും ഇതിനെ പിന്തുണയ്ക്കുന്നു. എന്നിരുന്നാലും, ഹോണ്ടുറാസിലെ മുസ്‌ലിംകൾ അവരുടെ ദൈനംദിന ജീവിതത്തിലും മതപരമായ ആചാരങ്ങളിലും നിരവധി വെല്ലുവിളികൾ നേരിടുന്നുണ്ട്.അവ താഴെ പറയുന്നു.

• പരിമിതമായ മതപരമായ അടിസ്ഥാന സൗകര്യങ്ങൾ.

രാജ്യത്ത് ആകെ രണ്ട് പള്ളികൾ മാത്രമേയുള്ളൂ, സാൻ പെഡ്രോ സുലയിലും ടെഗുസിഗാൽപയിലും. ഇത് മറ്റ് പ്രദേശങ്ങളിലെ മുസ്‌ലിംകൾക്ക് പൊതു ആരാധനയും മത വിദ്യാഭ്യാസവും ലഭിക്കുന്നത് ബുദ്ധിമുട്ട് ഉണ്ടാക്കുന്നു. ഈ പള്ളികൾ നിർമ്മിക്കുന്നതിന് മുമ്പ്, ആശുപത്രി മുറികളോ മറ്റ് ചെറിയ ഇടങ്ങളോ പോലുള്ള താൽക്കാലിക സ്ഥലങ്ങളിലാണ് മുസ്‌ലിംകൾ പ്രാർത്ഥിച്ചിരുന്നത്.

1. പ്രവൃത്തിദിന സംഘർഷങ്ങൾ.

ഹോണ്ടുറാസിൽ, വെള്ളിയാഴ്ച ഒരു പതിവ് പ്രവൃത്തി ദിവസമാണ്, ഇത് മുസ്‌ലിംകൾക്ക് വെള്ളിയാഴ്ച പ്രാർത്ഥനയിൽ പങ്കെടുക്കുന്നത് ബുദ്ധിമുട്ടാക്കുന്നു. പല മുസ്‌ലിംകളും തങ്ങളുടെ മതപരമായ കടമകൾ ജോലിയുമായി സന്തുലിതമാക്കാൻ പാടുപെടുന്നു.

1. സാമൂഹിക ധാരണ

ഹോണ്ടുറാസിലെ അറബ് സമൂഹം നന്നായി സംയോജിതമാണ്, പക്ഷേ ഇപ്പോഴും സാമൂഹിക പിരിമുറുക്കങ്ങളുണ്ട്. ചില ഹോണ്ടുറാനുകൾ, മുസ്‌ലിംകൾ ഉൾപ്പെടെയുള്ള അറബികളെ സമ്പന്നരായ വരേണ്യവർഗത്തിന്റെ ഭാഗമായി കാണുന്നു, ഇത് സാമൂഹിക സംഘർഷം സൃഷ്ടിക്കുന്നു.

1. മതപരമായ അംഗീകാരം

ഹോണ്ടുറാൻ ഭരണഘടന മതസ്വാതന്ത്ര്യം അനുവദിക്കുന്നു, എന്നാൽ റോമൻ കത്തോലിക്കാ സഭയെ മാത്രമേ സർക്കാർ ഔദ്യോഗികമായി അംഗീകരിച്ചിട്ടുള്ളൂ. മുസ്‌ലിംകൾ ഉൾപ്പെടെയുള്ള മറ്റ് മതവിഭാഗങ്ങളെ മത സംഘടനകളായി തരംതിരിച്ചിട്ടുണ്ട്. ഇതിനർത്ഥം അവർക്ക് കത്തോലിക്കാ സഭയ്ക്കുള്ള അതേ അവകാശങ്ങളും ആനുകൂല്യങ്ങളും ഇല്ല എന്നാണ്.

1. സാമൂഹിക വെല്ലുവിളികൾ

ഹോണ്ടുറാസിലെ മുസ്‌ലിംകൾ മറ്റ് ജനസംഖ്യയെപ്പോലെ തന്നെ ഉയർന്ന കുറ്റകൃത്യ നിരക്ക്, അക്രമം, സാമ്പത്തിക അസമത്വം തുടങ്ങിയ പ്രശ്നങ്ങൾ നേരിടുന്നു. മതപരമായ വിവേചനം കുറവാണെങ്കിലും, ദാരിദ്ര്യത്തിന്റെയും അരക്ഷിതാവസ്ഥയുടെയും പൊതുവായ പ്രശ്നങ്ങൾ മുസ്‌ലിംകൾ ഉൾപ്പെടെ എല്ലാവരെയും ബാധിക്കുന്നു.