ഇഷ്ടി (സംസ്കൃത ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Ishti

ഇഷ്ടി
ഇഷ്ടി പോസ്റ്റർ
സംവിധാനം	പ്രഭ
രചന	പ്രഭ
കഥ	പ്രഭ
തിരക്കഥ	പ്രഭ
അഭിനേതാക്കൾ	നെടുമുടി വേണു, ആതിരപട്ടേൽ
സംഗീതം	കൈതപ്രം ദാമോദരൻ നമ്പൂതിരി
ഛായാഗ്രഹണം	എൽദോ ഐസക്
ചിത്രസംയോജനം	ബി. ലെനിൻ
റിലീസിങ് തീയതി	2016
രാജ്യം	ഇന്ത്യ
ഭാഷ	സംസ്കൃതം

2016 ലെ ഗോവ അന്താരാഷ്ട്ര ചലച്ചിത്രമേളയിൽ ഉദ്ഘാടന ചിത്രമായി പ്രദർശിപ്പിച്ച സംസ്കൃത ചലച്ചിത്രമാണ് ഇഷ്ടി. ദീർഘകാലം സംസ്കൃത അധ്യാപകനായിരുന്ന പ്രഭയാണ് ഈ ചിത്രത്തിന്റെ സംവിധായകൻ. മലയാള കവി അക്കിത്തം ആദ്യമായി ഗാനരചന നടത്തിയ ചിത്രം കൂടിയാണിത്. രാജ്യാന്തര മൽസരവിഭാഗത്തിലും ഇഷ്ടി മൽസരിക്കുന്നുണ്ട്. കേരളത്തിന്റെ അന്തർദേശീയ ചലച്ചിത്രോത്സവത്തിൽ തെരഞ്ഞെടുക്കാത്തത് വിവാദമായിരുന്നു.

പ്രമേയം

1930കളിൽ വി.ടി. ഭട്ടതിരിപ്പാട് നടത്തിയ ചെറുത്തുനിൽപ്പിന്റെ ചുവടുപിടിച്ചാണ് ഇഷ്ടി നിർമ്മിച്ചിരിക്കുന്നത്. നമ്പൂതിരി സമുദായത്തിൽ നിലനിന്നിരുന്ന അനാചാരങ്ങൾക്കെതിരെ 1930കളിലുണ്ടായ ചെറുത്തുനിൽപുകളുടെ കഥയാണ് ഈ സിനിമ പറയുന്നത്. അകത്തളങ്ങളിൽ അടിച്ചമർത്തപ്പെടുന്നവരുടെ കഥ ഒരു പെൺകുട്ടിയുടെ കാഴ്ചപ്പാടിലൂടെ അവതരിപ്പിക്കുകയാണ് ഈ ചിത്രത്തിൽ.

അഭിനേതാക്കൾ

നെടുമുടി വേണു, ആതിരപട്ടേൽ എന്നിവരണ് പ്രധാന കഥാപാത്രങ്ങളെ അവതരിപ്പിക്കുന്നത്. ലക്ഷ്മി ഗോപകുമാർ, എ. അനൂപ്, പി.ആർ. ജിജോയ്, പ്രജില, മീനാക്ഷി, പ്രീജ മധുസൂദനൻ, വാസൻ, ടി.എം. ദയാനന്ദൻ, തുടങ്ങിയവരും ചിത്രത്തിലുണ്ട്. ബി.ജെ.പി. വിരുദ്ധ രാഷ്ട്രീയമുള്ളതിനാലാണ് ദേശീയ അവാർഡ് ലഭിക്കാതെപോയതെന്ന് ചിത്രത്തിന്റെ എഡിറ്റർകൂടിയായ ബി. ലെനിൻ അഭിപ്രായപ്പെട്ടിരുന്നു.