ഇമാം ബൂസ്വീരി
അബു അബ്ദില്ലാഹ് മുഹമ്മദ് ഇബ്ൻ സഈദ് അൽ-ബൂസ്വീരി അൽ-സൻഹാജി | |
|---|---|
 ഈജിപ്തിലെ അലക്സാണ്ട്രിയയിലുള്ള അൽ-ബൂസ്വീരിയുടെ മഖ്ബറയിൽ ജനങ്ങൾ പ്രാർഥിക്കുന്നു | |
| ജന്മനാമം | أبو عبد الله محمد بن سعيد بن حماد الصنهاجي البوصيري |
| ജനനം | 1212 ദലാസ്, ബെനി സുഐഫ്, ഈജിപ്ത് |
| മരണം | 1294 അലക്സാണ്ട്രിയ, ഈജിപ്ത് |
| തൊഴിൽ | കവി, സൂഫി |
| ഭാഷ | അറബിക് |
| ദേശീയത | ഈജിപ്ത് |
| Genres | സൂഫി കവിതകൾ |
| സാഹിത്യ പ്രസ്ഥാനം | ശാദിലി |
| ശ്രദ്ധേയമായ രചന(കൾ) | അൽ-ബുർദ, അൽ-ഹംസിയ്യ |
സൻഹാജി വംശജനായ ഒരു സുന്നി സൂഫി മുസ്ലിം കവിയായിരുന്നു അൽ-ബൂസ്വീരി (അറബിക്: أبو عبد الله محمد بن سعيد بن حماد الصنهاجي البوصيري; മുഴുവന് നാമം : അബൂ അബ്ദുല്ലാഹ് മുഹമ്മദ് ഇബ്ൻ സഅീദ് അസ്-സൻഹാജി അൽ-ബൂസീരി; 1212–1294) . ശാദിലി സൂഫി പരമ്പരയിൽപ്പെട്ട പ്രശസ്ത സൂഫി സന്യാസിയായ അബുൽ അബ്ബാസ് അൽ-മുർസിയുടെ നേരിട്ടുള്ള ശിഷ്യനുമായിരുന്നു ബൂസ്വീരി.
വിവരണം
[തിരുത്തുക]ബൂസ്വീരിയുടെ മാസ്റ്റർ പീസ് കൃതിയാണ് ഖസീദത്തുൽ ബുർദ (Qaṣīda al-Burda, "പുതപ്പിന്റെ കവിത"). പ്രവാചകൻ മുഹമ്മദ് നബിയെ സ്തുതിച്ച് രചിക്കപ്പെട്ട ഈ കാവ്യം ഇസ്‌ലാമിക സ്തുതികാവ്യങ്ങളിൽ ഏറ്റവും ജനപ്രിയമായവയിൽ ഒന്നായി കണക്കാക്കപ്പെടുന്നു. ഇത് അറബി ഭാഷയിലാണ് രചിക്കപ്പെട്ടത്. അദ്ദേഹത്തിന്റെ മറ്റൊരു പ്രസിദ്ധമായ സ്തുതികാവ്യമായ അൽ-ഹംസിയ്യ (Al-Hamziyya)യും അറബി ഭാഷയിലാണ് രചിക്കപ്പെട്ടിരിക്കുന്നത്.
ഈജിപ്തിലെ ദലാസ് എന്ന ചെറിയ പട്ടണത്തിലാണ് ബൂസ്വീരി ജനിച്ചത്.[1] വസീറായിരുന്ന ഇബ്ൻ ഹിന്നയുടെ സംരക്ഷണത്തിലും പ്രോത്സാഹനത്തിലും തന്റെ കൃതികൾ രചിച്ചു.[2]
പിതാവ് അബൂസിർ സ്വദേശിയായിരുന്നതിനാലാണ് അദ്ദേഹത്തിന് അൽ-ബൂസീരി എന്ന ജന്മസ്ഥലം അല്ലെങ്കിൽ വംശപരമായ വിശേഷണം (നിസ്ബ) ലഭിച്ചത്. മാതാവ് ദലാസ് സ്വദേശിനിയായിരുന്നതിനാൽ ചിലപ്പോൾ അദ്ദേഹം ദലാസീരി എന്ന നിസ്ബയും ഉപയോഗിച്ചിരുന്നു.[3]
തന്റെ പ്രസിദ്ധമായ ബുർദ എന്ന കാവ്യത്തിൽ, പ്രവാചകൻ മുഹമ്മദ് നബി സ്വപ്നത്തിൽ പ്രത്യക്ഷപ്പെട്ട് തന്റെ മേലൊരു പുതപ്പ് അണിയിച്ചുകൊടുത്തതിലൂടെ തന്നെ പക്ഷാഘാതത്തിൽ നിന്ന് സുഖപ്പെടുത്തിയതായി അൽ-ബൂസീരി വിവരിക്കുന്നു.
ഖസീദത്തുൽ ബുർദയ്ക്ക് പിന്നീട് അതുല്യമായ ഒരു സാഹിത്യചരിത്രം രൂപപ്പെട്ടു. ഈ കാവ്യം പലവട്ടം എഡിറ്റ് ചെയ്യുകയും പ്രസിദ്ധീകരിക്കുകയും ചെയ്തിട്ടുണ്ട്. ഇതിനെ അടിസ്ഥാനമാക്കി മറ്റു കവിതകളും രചിക്കപ്പെട്ടു. കൂടാതെ, മൂലകാവ്യത്തിലെ ഓരോ വരിക്കു ശേഷവും നാലോ ആറോ വരികൾ കൂട്ടിച്ചേർത്ത് പുതിയ രൂപങ്ങളിലും ഇത് പ്രചരിച്ചു.[4] ഈ കാവ്യം 1893-ൽ ബോംബെയിൽ ഫൈസുള്ളാഭായി ഇംഗ്ലീഷിലേക്കും, 1894-ൽ പാരീസിൽ റെനെ ബാസെ ഫ്രഞ്ചിലേക്കും, 1860-ൽ വിയന്നയിൽ സി. എ. റാൽഫ്സ് ജർമ്മൻ ഭാഷയിലേക്കും വിവർത്തനം ചെയ്തു പ്രസിദ്ധീകരിച്ചിട്ടുണ്ട്. പിന്നീട് ലോകത്തിന്റെ വിവിധ ഭാഗങ്ങളിൽ മറ്റു ഭാഷകളിലേക്കും ഇത് വിവർത്തനം ചെയ്യപ്പെട്ടു.
അവലംബം
[തിരുത്തുക]- ↑ Ibn Shākir al-Kutubī, Muḥammad (1974). Fawāt al-wafāyāt (1st ed.). Beirut: Dar Ṣādir. p. 362 (vol. 4). Retrieved 8 April 2022.
- ↑ "Al-Būṣīrī – Wikipedia". Retrieved 28 July 2026.
- ↑ "Al-Būṣīrī – Wikipedia". Retrieved 28 July 2026.
- ↑
One or more of the preceding sentences incorporates text from a publication now in the public domain: Chisholm, Hugh, ed. (1911). "Būṣīrī". എൻസൈക്ലോപീഡിയ ബ്രിട്ടാനിക്ക. Vol. 4 (11th ed.). കേംബ്രിഡ്ജ് സർവകലാശാല പ്രസ്സ്. p. 873. {{cite encyclopedia}}: Invalid|ref=harv(help)
