ഇന്റർനാഷണൽ സെന്റർ ഫോർ ഫ്രീ ആൻഡ് ഓപ്പൺ സോഴ്സ് സോഫ്റ്റ്വെയർ
 Entrance of ICFOSS at Green Field Stadium, Thiruvananthapuram | |
| സ്ഥാപിതം | 28 ആഗസ്റ്റ് 2009 |
|---|---|
| തരം | സർക്കാർ |
| Location | |
| തുടക്കം | 2001 Conference "Freedom First!" |
| ഉടമ | കേരള സർക്കാർ |
പ്രധാന വ്യക്തികൾ | ശശി പി. മീത്തൽ |
ബഡ്ജറ്റ് | 5.5 Crores |
Staff | 100 |
| വെബ്സൈറ്റ് | https://icfoss.in/ |
കേരള സർക്കാർ സ്ഥാപിച്ച ഒരു സ്വയംഭരണ സ്ഥാപനമാണ് ഇന്റർനാഷണൽ സെന്റർ ഫോർ ഫ്രീ ആൻഡ് ഓപ്പൺ സോഴ്സ് സോഫ്റ്റ്വെയർ (ICFOSS). കേരളത്തിൽ നടത്തിയ ആദ്യകാല ഫ്രീ ആൻ്റ് ഓപ്പൺ സോഴ്സ് സോഫ്റ്റ്വെയർ (FOSS) പ്രവർത്തനങ്ങൾ ഏകീകരിക്കുന്നതിനും വിവിധ രാജ്യങ്ങളുമായും കമ്മ്യൂണിറ്റികളുമായും സർക്കാരുകളുമായും സഹകരിച്ച് FOSS പ്രോത്സാഹിപ്പിക്കുന്നതിനും സ്വതന്ത്രവും ഓപ്പൺ സോഴ്സുമായ സോഫ്റ്റ്വേർ സാർവത്രിക ഉപയോഗത്തിനായി ജനപ്രിയമാക്കുന്നതിനും ലക്ഷ്യമിട്ട് പ്രവർത്തിക്കുന്ന സ്ഥാപനമാണ് ഇത്.
ചരിത്രം
[തിരുത്തുക]2001ൽ ഫോസ് അനുകൂല ഐ.ടി. നയം ഔദ്യോഗികമായി സ്വീകരിച്ച ആദ്യത്തെ ഇന്ത്യൻ സംസ്ഥാനമായിരുന്നു കേരളം. ഒരുകൂട്ടം ആക്ടിവിസ്റ്റുകൾ വിളിച്ചുചേർക്കുകയും കേരള സർക്കാർ പിന്തുണയ്ക്കുകയും ചെയ്ത "ഫ്രീഡം ഫെസ്റ്റ്!" എന്ന സുപ്രധാന കോൺഫറൻസാണ് നിന്നാണ് ഇത്തരമൊരു പ്രസ്ഥാനത്തിൻ്റെ പ്രധാന പ്രചോദനം. ഗ്നു പ്രോജക്റ്റിന്റെ സ്ഥാപകനായ റിച്ചാർഡ് സ്റ്റാൾമാൻ ഫ്രീ സോഫ്റ്റ്വെയർ ഫൌണ്ടേഷൻ ഓഫ് ഇന്ത്യ (എഫ്എസ്എഫ്-ഇന്ത്യ) ഉദ്ഘാടനം ചെയ്തു.
2001ലെ സമ്മേളനത്തെ തുടർന്ന് 2005ലും 2008ലും "ഫ്രീ സോഫ്റ്റ്വെയർ, ഫ്രീ സൊസൈറ്റി" (എഫ്. എസ്. എഫ്. എസ്) എന്ന കോൺഫറൻസ് പരമ്പര നടന്നു.
മൂന്നാമത്തെ കോൺഫറൻസ് 2011ന്റെ രണ്ടാം പകുതിയിൽ സംഘടിപ്പിച്ചു). FOSS ൽ കേരളം കെട്ടിപ്പടുത്ത വേഗത എങ്ങനെ മുന്നോട്ട് കൊണ്ടുപോകാമെന്ന് പഠിക്കാൻ 2008ൽ കേരള സർക്കാർ ഐ. ഐ. എം ബാംഗ്ലൂരിലെ ഡോ. രാഹുൽ ഡെയുടെ നേതൃത്വത്തിൽ ഒരു കമ്മീഷൻ രൂപീകരിച്ചു. കേരളത്തിലെ എല്ലാ എഫ്. ഒ. എസ്. എസ്. ശ്രമങ്ങളും ഏകോപിപ്പിക്കുന്നതിന് വ്യക്തമായ അധികാരമുള്ള ഒരു അന്താരാഷ്ട്ര കേന്ദ്രം സ്ഥാപിക്കണമെന്നും എഫ്. എസ്. എഫ്. എസ് കോൺഫറൻസുകളിൽ നിന്ന് ആരംഭിച്ച മൾട്ടി-നേഷൻ, മൾട്ടി സ്റ്റേക്ക്ഹോൾഡർ നെറ്റ്വർക്കിംഗ് തുടരണമെന്നും ആക്ടിവിസ്റ്റ് സമൂഹം കമ്മീഷന് നിർദ്ദേശം നൽകി.
പ്രവർത്തനങ്ങൾ
[തിരുത്തുക]- ഇ-ഗവേണൻസ്, മലയാളം സ്പെൽ ചെക്കർ എന്നിവയെക്കുറിച്ചുള്ള ഹാൻഡ്ബുക്ക്
- മോട്ടോർ വൈകല്യമുള്ളവർക്കുള്ള ടി-സ്ലൈഡ്, മൌസ്
- ഓപ്പൺ സോഴ്സ് ഐഒടി പ്രോത്സാഹിപ്പിക്കുന്നതിനായി ടെക്നോപാർക്ക് കാമ്പസിൽ കേരളത്തിലെ ആദ്യത്തെ പൊതു LoRaWAN നെറ്റ്വർക്ക്.
- കുറഞ്ഞ ചെലവിൽ ഓപ്പൺ സോഴ്സ് പ്ലാറ്റ്ഫോമിൽ ടെലിപ്രസൻസ് റോബോട്ട് വികസിപ്പിച്ചു
ചിത്രശാല
[തിരുത്തുക]
സുനിൽ ടി. ടി. ഡയറക്ടർ (2023 - )
