ഇന്ദിര അനന്ത് മായ്ദേവ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഇന്ത്യൻ നാഷണൽ കോൺഗ്രസ് പ്രവർത്തകയും സ്വാതന്ത്ര്യസമര പ്രവർത്തകയുമായിരുന്നു ഇന്ദിര അനന്ത് മായ്ദേവ്. ഒന്നാം ലോകസഭയിൽ പൂനെ സൗത്ത് മണ്ഡലത്തെ പ്രതിനിധീകരിച്ചു.

ആദ്യകാലജീവിതം[തിരുത്തുക]

1903 സെപ്തംബർ 7 നാണ് ഇന്ദിര ജനിച്ചത്. പൂനെയിലെ ഫെർഗൂസൻ കോളേജിൽ നിന്ന് ബിരുദം നേടി [1].

രാഷ്ട്രീയത്തിൽ[തിരുത്തുക]

ഇന്ത്യൻ സ്വാതന്ത്ര്യ സമരത്തിൽ അവർ സജീവമായി പങ്കെടുത്തിരുന്നു. 1933 ൽ ഹരിജൻ സേവക് സംഘത്തിന്റെ മഹാരാഷ്ട്ര ഘടകത്തിൽ അംഗമായി. പുനെയിൽ (പിന്നീട് ബോംബെ സംസ്ഥാനത്ത്) പാർട്ടിയുടെ ഏറ്റവും പ്രമുഖ വനിത അംഗമായിരുന്നു. സ്വതന്ത്ര ഇന്ത്യയുടെ ആദ്യ പൊതു തിരഞ്ഞെടുപ്പ് നടന്നപ്പോൾ പൂനെ സൗത്ത് നിയോജകമണ്ഡലത്തിലെ ഔദ്യോഗിക സ്ഥാനാർത്ഥി ആയി [2][3]. സോഷ്യലിസ്റ്റ് പാർട്ടി സ്ഥാനാർത്ഥി ശ്രീധർ ലിമെയെ പരാജയപ്പെടുത്തി. മണ്ഡലത്തിലെ 64% വോട്ടുകളാണ് അവർ സ്വന്തമാക്കിയത്. ഈ റെക്കോർഡ് ഇന്നും നിലനിൽക്കുന്നു [2]. പാർലമെന്റ് അംഗമെന്ന നിലയിൽ, ലോകസഭയിൽ വിവാഹമോചനവുമായി ബന്ധപ്പെട്ട ഒരു ബിൽ കൊണ്ടുവന്നിരുന്നുവെങ്കിലും അത് ചർച്ച ചെയ്യാതെ പോയി [4]. 1952 ൽ നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യയുടെ പ്രസിഡന്റായി [1].

കുടുംബം[തിരുത്തുക]

1927 ൽ അനന്ദ് ഗോവിന്ദ് മായ്ദേവിനെ ഇന്ദിര വിവാഹം കഴിച്ചു. ഈ ദമ്പതികൾക്ക് ഒരു മകനും മൂന്നു പെൺമക്കളും ആണുള്ളത്[1].

അവലംബം[തിരുത്തുക]

  1. 1.0 1.1 1.2 "Members Bioprofile: Maydeo, Shrimati Indira Anant". Lok Sabha. ശേഖരിച്ചത് 20 November 2017.
  2. 2.0 2.1 "1951: When Pune elected a woman — Indirabai Maydeo — to first Lok Sabha". The Indian Express. 23 March 2014. ശേഖരിച്ചത് 20 November 2017.
  3. D.G., Supriya (16 January 2014). "Vinita Deshmukh: From Journalism to Politics". NRI Pulse. ശേഖരിച്ചത് 20 November 2017.
  4. Chopra, Joginder Kumar (1993). Women in the Indian Parliament: A Critical Study of Their Role. Mittal Publications. p. 56. ISBN 978-81-7099-513-5.
"https://ml.wikipedia.org/w/index.php?title=ഇന്ദിര_അനന്ത്_മായ്ദേവ്&oldid=2871242" എന്ന താളിൽനിന്ന് ശേഖരിച്ചത്