ഇന്ത്യനൂർ ഗണപതി ക്ഷേത്രം
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല.· newspapers · books · scholar · JSTOR |
| ഇന്ത്യനൂർ ഗണപതി ക്ഷേത്രം | |
|---|---|
 | |
| പേരുകൾ | |
| ശരിയായ പേര്: | ഇന്ത്യനൂർ ശ്രീ മഹാഗണപതി ക്ഷേത്രം |
| സ്ഥാനം | |
| സ്ഥാനം: | കോട്ടക്കൽ നഗരസഭ, മലപ്പുറം ജില്ല, കേരളം, ഇന്ത്യ |
| വാസ്തുശൈലി, സംസ്കാരം | |
| പ്രധാന പ്രതിഷ്ഠ: | ganapathy |
| വാസ്തുശൈലി: | കേരള-ദ്രാവിഡ ശൈലിയിൽ |
കേരളത്തിലെ ഗണപതിക്ഷേത്രങ്ങളിലൊന്നാണ് മലപ്പുറം ജില്ലയിലെ തിരൂർ താലൂക്കിൽ കോട്ടക്കൽ നഗരസഭയിൽ ഇന്ത്യനൂർ ഗ്രാമത്തിൽ സ്ഥിതിചെയ്യുന്ന ഇന്ത്യനൂർ ശ്രീമഹാഗണപതി ക്ഷേത്രം. യഥാർത്ഥത്തിൽ, ഇതൊരു ശിവക്ഷേത്രമാണ്. പാർവ്വതീസമേതനായ പരമശിവനും മഹാവിഷ്ണുവും തുല്യപ്രാധാന്യത്തോടെ ശ്രീകോവിലുകളിൽ വാഴുന്നു. എന്നാൽ, കൊട്ടാരക്കര, മധൂർ, ഓങ്ങല്ലൂർ എന്നീ ക്ഷേത്രങ്ങളിലേതുപോലെ ഉപദേവനായ ഗണപതിയ്ക്കാണ് ക്ഷേത്രത്തിൽ കൂടുതൽ പ്രാധാന്യം ലഭിച്ചിരിയ്ക്കുന്നത്. കൂടാതെ സുബ്രഹ്മണ്യൻ, അയ്യപ്പൻ, വേട്ടയ്ക്കൊരുമകൻ, നാഗദൈവങ്ങൾ എന്നിവരും ക്ഷേത്രത്തിൽ ഉപദേവതകളായി കുടികൊള്ളുന്നുണ്ട്. പറയിപെറ്റ പന്തിരുകുലത്തിലെ നാറാണത്ത് ഭ്രാന്തനാണ് ഇവിടെ പ്രതിഷ്ഠ നിർവഹിച്ചതെന്ന് വിശ്വസിയ്ക്കപ്പെടുന്നു. വിനായക ചതുർത്ഥിയാണ് ക്ഷേത്രത്തിലെ പ്രധാന ആണ്ടുവിശേഷം. ഒപ്പം ശിവരാത്രി, തിരുവാതിര, അഷ്ടമിരോഹിണി, വിഷു, തിരുവോണം, നവരാത്രി, തൈപ്പൂയം, സ്കന്ദഷഷ്ഠി, മണ്ഡലകാലം എന്നിവയും വിശേഷങ്ങളാണ്. എന്നാൽ, ഈ അവസരങ്ങളിലൊന്നും വാദ്യമേളങ്ങളോ ശബ്ദകോലാഹലങ്ങളോ ഉണ്ടാകാറില്ല എന്നത് ശ്രദ്ധേയമാണ്. അവയൊന്നും ഈ ക്ഷേത്രത്തിലെ മൂർത്തികൾ ഇഷ്ടപ്പെടുന്നില്ല എന്നാണ് വിശ്വാസം. സാമൂതിരി കുടുംബത്തിന്റെ ശാഖയായ കോട്ടക്കൽ കിഴക്കേ കോവിലകമാണ് ക്ഷേത്രഭരണം നടത്തുന്നത്.
ക്ഷേത്രത്തിലെ ഗണപതിക്കുള്ള 'ഒറ്റ' വഴിപാട് പ്രസിദ്ധമാണ്. ഒരു നാഴി പച്ചരി അരച്ചെടുത്ത മാവിൽ ശർക്കര ഉരുക്കിച്ചേർത്ത് നെയ്യിൽ ചുട്ടെടുക്കുന്ന കട്ടിയുള്ള ഒരു മധുര പലഹാരമാണ് 'ഒറ്റ'.
ഐതിഹ്യം
[തിരുത്തുക]ചരിത്രം
[തിരുത്തുക]പ്രാചീന കേരള ചരിത്രത്തിൽ ഇന്ത്യനൂർ മഹാഗണപതി ക്ഷേത്രത്തിന്റെ സ്ഥാനം
[തിരുത്തുക]കോഴിക്കോട് സർവ്വകലാശാലയിലെ ചരിത്ര വിഭാഗം തലവനായിരുന്ന ഡോ. എം.ജി.എസ്. നാരായണൻ, ഡോ.ടി.കെ. രവീന്ദ്രൻ, ഡോ.എം.ആർ. രാഘവവാര്യർ, ഡോ. കെ.കെ.എൻ.കുറുപ്പ്, തദ്ദേശവാസി കൂടിയായ ഇന്ത്യനൂർ ഗോപി എന്നിവർ അടങ്ങുന്ന ചരിത്ര ഗവേഷക സംഘം 1968 -ൽ ഇന്ത്യനൂർ ക്ഷേത്രത്തിലെ മുറ്റത്തു നിന്നും ഒരു പ്രാചീന ശിലാ ഫലകം കുഴിച്ചെടുത്തു.വട്ടെഴുത്ത് ലിപിയിൽ ഇരുവശത്തും എഴുത്ത് ഉള്ള ഫലകം കോഴിക്കോട് സർവ്വകലാശാലയിൽ സൂക്ഷിച്ചിട്ടുണ്ട്.കൊടുങ്ങല്ലൂർ (മഹോദയപുരം)ആസ്ഥാനമാക്കി ക്രിസ്തു വര്ഷം 944 മുതൽ 962 വരെ പ്രാചീന കേരളം ഭരിച്ചിരുന്ന ചേര രാജാവായ ഇന്ദു കോത രവിവർമ്മന്റെ ഭരണകാലത്ത് ഇന്ത്യനൂർ മഹാഗണപതി ക്ഷേത്രം പുതുക്കി പണിതു എന്നും ക്ഷേത്രത്തിന്റെ നിത്യ നിദാന ചെലവുകൾക്കായി കൃഷി സ്ഥലങ്ങൾ നീക്കി വച്ചതിന്റെ രേഖകളാണ് ഫലകത്തിൽ മുദ്രണം ചെയ്തിരിക്കുന്നത്.
ഇന്ത്യനൂർ എന്ന സ്ഥലനാമം
[തിരുത്തുക]രണ്ടാമത്തെ ചേര രാജവംശത്തിലെ ഇന്ദുകോതരവിവർമ്മ എന്ന രാജാവ് പുതുക്കി നിർമ്മിച്ചതാണ് ഇന്ത്യനൂർ ക്ഷേത്രം എന്നത് ശിലാലിഖിതത്തിൽ എഴുതപ്പെട്ടിരിക്കുന്നു. അദ്ദേഹം ഭരിച്ചിരുന്ന സ്ഥലം എന്ന രീതിയിൽ ഇന്ദുകോതവർമ്മപുരം എന്ന പേരിൽ ഈ സ്ഥലം അറിയപ്പെടാൻ തുടങ്ങിയെന്നും കാലാന്തരത്തിൽ ഇത് ഇന്ത്യനൂരായി പരിണമിച്ചുവെന്നും ചരിത്രകാരന്മാർ അഭിപ്രായപ്പെടുന്നു.
ക്ഷേത്രനിർമ്മിതി
[തിരുത്തുക]ക്ഷേത്രപരിസരവും മതിലകവും
[തിരുത്തുക]ഇന്ത്യനൂർ ഗ്രാമത്തിന്റെ ഏതാണ്ട് ഒത്ത നടുക്കായാണ് ക്ഷേത്രം സ്ഥിതിചെയ്യുന്നത്. കിഴക്കോട്ടാണ് ക്ഷേത്രത്തിന്റെ ദർശനം. ക്ഷേത്രത്തിന്റെ വടക്കുഭാഗത്തുകൂടെ കോട്ടക്കൽ-അങ്ങാടിപ്പുറം പാത കടന്നുപോകുന്നു. ഇവിടെത്തന്നെയാണ് ക്ഷേത്രകവാടവും സ്ഥിതിചെയ്യുന്നത്. കിഴക്കുഭാഗത്തുതന്നെയാണ് ക്ഷേത്രക്കുളവും. റോഡിന് എതിർവശം വാഹനപാർക്കിങ് സൗകര്യമുണ്ട്. നഗരസഭയുടെ ഭാഗം തന്നെയാണെങ്കിലും ക്ഷേത്രഭാഗത്ത് എടുത്തുപറയത്തക്ക ആകർഷണങ്ങളൊന്നുമില്ല. കിഴക്കുഭാഗത്തുമാത്രമാണ് ക്ഷേത്രകവാടമുള്ളത്. ഒരുഭാഗത്തും ഗോപുരങ്ങളുമില്ല. പ്രവേശനകവാടത്തിന് നേരെമുന്നിൽ ഒരു അരയാൽമരം കാണാം. ഹൈന്ദവവിശ്വാസപ്രകാരം, പുണ്യവൃക്ഷമായ അരയാലിന്റെ മുകളിൽ ബ്രഹ്മാവും നടുക്ക് വിഷ്ണുവും അടിയിൽ ശിവനും കുടികൊള്ളുന്നു. അങ്ങനെ, ത്രിമൂർത്തികളുടെ പ്രത്യക്ഷസ്വരൂപമായി കണക്കാക്കപ്പെടുന്ന അരയാലിനെ എല്ലാ ദിവസവും രാവിലെ ഏഴുതവണ വലംവയ്ക്കുന്നത് അത്യുത്തമമായി കണക്കാക്കപ്പെടുന്നു. പ്രധാനവഴിയിൽ നിന്ന് ഏഴുപടികൾ കയറിവേണം ക്ഷേത്രമതിലകത്തെത്താൻ.
മതിലകത്തേയ്ക്ക് കടന്നാൽ ആദ്യം കാണുന്നത് ശിവന്റെ നടയ്ക്കുനേരെ കാണപ്പെടുന്ന വലിയ ബലിക്കല്ലും ഭഗവദ്വാഹനമായ നന്ദികേശന്റെ വിഗ്രഹവുമാണ്. അസാമാന്യവലുപ്പമുള്ള ബലിക്കല്ലാണ് ഈ നടയിലുള്ളതെന്നതിനാൽ പുറമേനിന്നുനോക്കിയാൽ വിഗ്രഹം കാണാൻ കഴിയില്ല. ക്ഷേത്രത്തിന്റെ കാലപ്പഴക്കം വ്യക്തമായി വിളിച്ചോതുന്ന നിർമ്മിതിയാണ് ഈ ബലിക്കല്ല്. സമീപമുള്ള നന്ദികേശവിഗ്രഹം, പക്ഷേ അധികം പഴക്കമില്ലാത്തതാണ്. കൊടികയറി ഉത്സവമില്ലാത്ത ക്ഷേത്രമായതിനാൽ ഇവിടെ കൊടിമരമില്ല. ശിവന്റെ നടയുടെ വടക്കുഭാഗത്താണ് വിഷ്ണുവിന്റെ നട.
ശ്രീകോവിൽ
[തിരുത്തുക]
നാലമ്പലം
[തിരുത്തുക]