ഇനെസ് മിൽഹോളണ്ട്
ഇനെസ് മിൽഹോളണ്ട് | |
|---|---|
 | |
| ജനനം | ഓഗസ്റ്റ് 6, 1886 ബ്രൂക്ലിൻ, ന്യൂയോർക്ക് |
| മരണം | നവംബർ 25, 1916 (പ്രായം 30) Good Samaritan Hospital, ലോസ് ഏഞ്ചൽസ് കാലിഫോർണിയ |
| വിദ്യാഭ്യാസം | വാസർ കോളേജ്, NYU School of Law |
| ജീവിതപങ്കാളി(കൾ) | യൂജെൻ ജാൻ ബോയ്‌സെവെയ്ൻ
(m. 1913–1916) |
ഒരു പ്രമുഖ അമേരിക്കൻ സഫ്രാജിസ്റ്റായിരുന്നു ഇനെസ് മിൽഹോളണ്ട് ബോയ്‌സെവെയ്ൻ (ജീവിതകാലം, ഓഗസ്റ്റ് 6, 1886 - നവംബർ 25, 1916).
വാസറിലെ അവരുടെ കോളേജ് കാലം മുതൽ സോഷ്യലിസ്റ്റ് അജണ്ടയുടെ പ്രധാന പ്രശ്നമായി സ്ത്രീകളുടെ അവകാശങ്ങൾക്കായി അവർ തീവ്രമായി പ്രചാരണം നടത്തി. പ്രസിഡന്റ് വുഡ്രോ വിൽ‌സൻ അധികാരത്തിലേർപ്പെടുന്നതിന് മുന്നോടിയായി 1913 ൽ അവർ വുമൺ സഫറേജ് ഘോഷയാത്രയെ കുതിരപ്പുറത്ത് നയിച്ചു. പക്ഷേ അവരുടെ സൗന്ദര്യം അവരുടെ രാഷ്ട്രീയത്തേക്കാൾ കൂടുതൽ ശ്രദ്ധ നേടിയിരുന്നു. അവർ ഒരു ലേബർ അഭിഭാഷകയും ഒരു യുദ്ധ ലേഖകയും ഒപ്പം അവന്റ്-ഗാർഡ് ജീവിതശൈലിയും സ്വതന്ത്ര സ്നേഹത്തിൽ വിശ്വാസവുമുള്ള ഒരു വനിതയുമായിരുന്നു. വൈദ്യോപദേശത്തിന് വിരുദ്ധമായി യാത്ര ചെയ്ത ഒരു പര്യടനത്തിൽ വിളർച്ച മൂലം അവർ മരിച്ചു.
ആദ്യകാലജീവിതം[തിരുത്തുക]
ന്യൂയോർക്കിലെ ബ്രൂക്ലിനിൽ ജനിച്ച ഇനെസ് മിൽഹോളണ്ട് ഒരു സമ്പന്ന കുടുംബത്തിലാണ് വളർന്നത്. നാൻ എന്നറിയപ്പെടുന്ന അവർ[1] ജോൺ എൽമർ മിൽ‌ഹോളണ്ടിന്റെയും ജീൻ മിൽഹോളണ്ട് നീ ടോറിയുടെയും മൂത്ത മകളായിരുന്നു. അവരുടെ പിതാവ് ന്യൂയോർക്ക് ട്രിബ്യൂൺ റിപ്പോർട്ടറും എഡിറ്റോറിയൽ എഴുത്തുകാരനുമായിരുന്നു. ഒടുവിൽ ന്യൂമാറ്റിക് ട്യൂബ് ബിസിനസിന് നേതൃത്വം നൽകിയ അദ്ദേഹം ന്യൂയോർക്കിലും ലണ്ടനിലും കുടുംബത്തിന് പ്രത്യേകാനുകൂല്യങ്ങൾ അനുഭവിക്കുന്ന ഒരു ജീവിതം നൽകി. ലണ്ടനിൽ വച്ച് ഇംഗ്ലീഷ് സഫ്രഗെറ്റ് എമിലീൻ പാങ്ക്ഹേസ്റ്റിനെ കണ്ടുമുട്ടി [1]മിൽ‌ഹോളണ്ടിന്റെ പിതാവ് നിരവധി പരിഷ്കാരങ്ങളെ പിന്തുണച്ചു. അവയിൽ ലോകസമാധാനം, പൗരാവകാശങ്ങൾ, സ്ത്രീകളുടെ വോട്ടവകാശം എന്നിവയുൾപ്പെട്ടിരുന്നു. അവരുടെ അമ്മ മക്കളെ സാംസ്കാരികവും ബുദ്ധിപരവുമായി തുറന്നുകാട്ടി.[2]മിൽഹോളണ്ട് ന്യൂയോർക്കിലെ എസെക്സ് കൗണ്ടിയിലെ ലൂയിസിലെ അവരുടെ കുടുംബ സ്ഥലത്ത് വേനൽക്കാലം ചെലവഴിച്ചു. ആ ഭൂസ്വത്ത്‌ ഇപ്പോൾ മെഡോമൗണ്ട് സ്കൂൾ ഓഫ് മ്യൂസിക്ക് ആണ്.
വിദ്യാഭ്യാസം[തിരുത്തുക]
ന്യൂയോർക്കിലെ കോംസ്റ്റോക്ക് സ്കൂളിലും ലണ്ടനിലെ കെൻസിങ്ടൺ സെക്കൻഡറി സ്കൂളിലുമായി ഇനെസ് മിൽഹോലൻഡ് പ്രാഥമിക വിദ്യാഭ്യാസം നേടി. സ്കൂൾ വിദ്യാഭ്യാസം പൂർത്തിയാക്കിയ ശേഷം, അവർ വസാറിൽ ചേരാൻ തീരുമാനിച്ചു. എന്നാൽ കോളേജ് അവരുടെ ബിരുദ സർട്ടിഫിക്കറ്റ് സ്വീകരിക്കാത്തപ്പോൾ അവൾ ബെർലിനിലെ വില്ലാർഡ് സ്കൂൾ ഫോർ ഗേൾസിൽ ചേർന്നു.[3]
വാസ്സർ കോളേജിൽ പഠിക്കുന്ന സമയത്ത് സ്ത്രീകളുടെ ഒരു അവകാശ സമ്മേളനം സംഘടിപ്പിച്ചതിന് അവളെ ഒരിക്കൽ സസ്പെൻഡ് ചെയ്തു. വസാറിന്റെ പ്രസിഡന്റ് വോട്ടവകാശ യോഗങ്ങൾ നിരോധിച്ചിരുന്നു. എന്നാൽ മിൽഹോളണ്ടും മറ്റുള്ളവരും ഈ വിഷയത്തിൽ വലിയ പ്രതിഷേധങ്ങൾക്കും നിവേദനങ്ങൾക്കും ഒപ്പം പതിവായി "ക്ലാസ്സുകൾ" നടത്തി. ഒരു വിദ്യാർത്ഥിയെന്ന നിലയിൽ അവൾ ഒരു സജീവ റാഡിക്കൽ ആയി അറിയപ്പെട്ടിരുന്നു. കാമ്പസ് വോട്ടവകാശ യോഗ നിരോധനം ലംഘിച്ച്, റോഡിന് കുറുകെയുള്ള ഒരു സെമിത്തേരിയിൽ അവർ ഒന്ന് വിളിച്ചുകൂട്ടി.[1] അവർ വസാറിൽ വോട്ടവകാശ പ്രസ്ഥാനം ആരംഭിച്ചു. മൂന്നിൽ രണ്ട് വിദ്യാർത്ഥികളെയും ചേർത്തു. അവരെ സോഷ്യലിസത്തിന്റെ തത്വങ്ങൾ പഠിപ്പിച്ചു. കാമ്പസ് ഇന്റർകോളീജിയറ്റ് സോഷ്യലിസ്റ്റ് സൊസൈറ്റിയുടെ പ്രസിഡന്റായിരുന്നു മിൽഹോളണ്ട്. അക്കാലത്ത് സ്ത്രീകൾ ആധിപത്യം പുലർത്തുകയും അടിച്ചമർത്തപ്പെട്ടവരുമായുള്ള അവരുടെ ഐഡന്റിറ്റി പ്രതിഫലിപ്പിക്കുകയും ചെയ്തു.[4] മിൽഹോളണ്ടിനെ സംബന്ധിച്ചിടത്തോളം, സോഷ്യലിസം "സൂര്യനു കീഴിലുള്ള രാക്ഷസ തിന്മകളെ തിരുത്താനുള്ള ഒരു സുപ്രധാന മാർഗമായിരുന്നു."[4]
അവലംബം[തിരുത്തുക]
- ↑ 1.0 1.1 1.2 Cooney, Jr., Robert P.J., editor (2015). Remembering Inez: The Last Campaign of Inez Millholland, Suffrage Martyr - Selections from The Suffragist, 1916. Half Moon Bay, CA: American Graphic Press. പുറം. 15. ISBN 978-0-9770095-2-7.
- ↑ Nicolosi, Ann Marie "The Most Beautiful Sufragette: Inez Milholland and the Political Currency of Beauty." Journal of the Gilded Age and Progressive Era, July 2007. pp 287-310.
- ↑ Nicolosi, Ann Marie "The Most Beautiful Sufragette: Inez Milholland and the Political Currency of Beauty." pp 287–310.
- ↑ 4.0 4.1 Linda Lumsden, Inez: The Life and Times of Inez Milholland, p. 39.
പുറംകണ്ണികൾ[തിരുത്തുക]
 |
Wikimedia Commons has media related to Inez Milholland. |
- Inez Milholland Papers. Schlesinger Library Archived 2012-05-09 at the Wayback Machine., Radcliffe Institute, Harvard University.
- Inez Milholland Portrait Restoration Planned, The Adirondack Almanack, April 23, 2010.
- She Was More Than Just the ‘Most Beautiful Suffragist’, The New York Times, August 19, 2020.
- Sidesaddles and suffragettes – the fight to ride and vote, Horsetalk.co.nz.