ആർ. ഡി. വിങ്ഫീൽഡ്

ആർ. ഡി. വിങ്ഫീൽഡ്
ജനനം	(1928-06-06)6 ജൂൺ 1928 Hackney, London, England
മരണം	31 ജൂലൈ 2007(2007-07-31) (79 വയസ്സ്)
തൊഴിൽ	author, playwright
Genre	Crime fiction

റോഡ്നി ഡേവിഡ് വിങ്ഫീൽഡ് (ജീവിതകാലം : 6 ജൂൺ 1928 – 31 ജൂലൈ 2007) ഒരു ഇംഗ്ലീഷ്‍ എഴുത്തുകാരനും റേഡിയോ നാടകകൃത്തുമായിരുന്നു. അദ്ദേഹം കൂടുതൽ ഓർമ്മിക്കപ്പെടുന്നത് ഡിറ്റക്ടീവ് ഇൻസ്പെക്ടർ ജാക്ക് ഫ്രോസ്റ്റ് എന്ന കഥാപാത്രത്തെ സൃഷ്ടിച്ചിതൻറെ പേരിലാണ്. പിന്നീട് "എ ടച്ച് ഓഫ് ഫ്രോസ്റ്റ്” എന്ന ടെലിവിഷൻ പരമ്പരയിൽ ഈ കഥാപാത്രത്തെ സർ ഡേവിഡ് ജാസൻ അവതരിപ്പിച്ചിരുന്നു.

ആദ്യകാലജീവിതം

റോഡ്നി ഡേവിഡ് വിങ്ഫീൽഡ് 1928 ൽ കിഴക്കൻ ലണ്ടനിലെ ഹാക്ക്നിയിലാണ് ജനിച്ചത്. കൂപ്പേർസ് കമ്പനി സ്കൂളിൽ പ്രാഥമിക വിദ്യാഭ്യാസം ചെയ്തു. രണ്ടാം ലോകമഹായുദ്ധകാലത്ത് സോമർസെറ്റിലെ ഫ്രോമിലേയ്ക്കു കുടിയൊഴിപ്പിക്കപ്പെട്ടു. കാഴ്ചശക്തി കുറവുളളതിനാൽ അദ്ദേഹം ദേശീയ സേവനത്തിൽനിന്ന് ഒഴിവാക്കപ്പെട്ടിരുന്നു. പെട്രോഫിന ഓയിൽകമ്പനിയിൽ ഉദ്യോഗം ലഭിക്കുന്നതിനുമുമ്പ് ഈസ്റ്റ് എൻറിൽ വിവിധ ഓഫീസ് ജോലികളിലേർപ്പെട്ടിരുന്നു.  അദ്ദേഹത്തിൻറെ ആദ്യ റേഡിയോ നാടകമായ “കോംപൻസേറ്റിംഗ് എറർ” 1968 ൽ ബി.ബി.സി.യുടെ അംഗീകാരം കിട്ടിയിരുന്നു. സാഹിത്യരംഗത്തേയ്ക്കു തിരിഞ്ഞതോടെ അദ്ദേഹം ജോലി രാജിവയ്ക്കുകയും ചെയ്തു. 

രചിച്ച ഗ്രന്ഥങ്ങൾ

ഇൻസ്പെക്ടർ ഫ്രോസ്റ്റ് നോവലുകൾ

·        ഫ്രോസ്റ്റ് അറ്റ് ക്രിസ്തുമസ് (1984)

·        എ ടച്ച് ഓഫ് ഫ്രോസ്റ്റ് (1987)

·        നൈറ്റ് ഫ്രോസ്റ്റ് (1992)

·        ഹാർഡ് ഫ്രോസ്റ്റ് (1995)

·        വിൻറർ ഫ്രോസ്റ്റ് (1999)

·        എ കില്ലിംഗ് ഫ്രോസ്റ്റ് (2008)