ആൻഡ്രിയ ജെർമിയ

ഇംഗ്ലീഷ് വിലാസം

https://ml.wikipedia.org/wiki/Andrea_Jeremiah

Andrea Jeremiah
Andrea Jeremiah in 2013
ജനനം	Andrea Jeremiah (1985-12-21) 21 ഡിസംബർ 1985 ചെന്നൈ, ഇന്ത്യ
തൊഴിൽ	നടി, പാട്ടുകാരി, പിയാനിസ്റ്റ്, മ്യൂസിക് കമ്പോസർ
സജീവ കാലം	2005–ഇതുവരെ
ഉയരം	6 അടി

ഒരു ഇന്ത്യൻ ചലച്ചിത്ര അഭിനേത്രിയാണ് ആൻഡ്രിയ ജെർമിയ. പിന്നണി ഗായികയായി സിനിമയിലെത്തിയ ആൻഡ്രിയ, ഡാൻസർ, മ്യൂസിക് കമ്പോസർ, മോഡൽ എന്നി നിലകളിലും അറിയപ്പെടുന്നു. തമിഴ്, മലയാളം, ഹിന്ദി സിനിമകളിൽ അഭിനയിക്കുന്നു.

ജീവിത രേഖ

തമിഴ്‌‌നാട്ടിലെ ചെന്നൈയിൽ ആംഗ്ലോ ഇന്ത്യൻ റോമൻ കാത്തലിക് വിഭാഗത്തിലാണ് ജനിച്ചത്. മദ്രാസ് ഹൈക്കോടതിയിൽ വക്കീലായി ജോലി ചെയ്യുകയാണ് അവരുടെ പിതാവ്. ബൽജിയത്തിലെ ല്യൂവനിൽ (Leuven) റിസേർച്ച് അസിസറ്റ്ൻഡ് ആയി ജോലി ചെയ്യുന്ന ഇളയ ഒരു സഹോദരിയാണുള്ളത്.

ആറക്കോണത്ത് വളർന്ന ആൻഡ്രിയ വിമെൻസ് ക്രിസ്ത്യൻ കോളേജിൽ നിന്ന് ബിരുദം നേടി.

എട്ട് വയസ് മുതൽ ക്ലാസിക്കൽ പിയാനോ പഠിച്ച് തുടങ്ങി. പത്താം വയസിൽ ജാക്സൺ ഫൈവ് ശൈലിയിലുള്ള "യംഗ് സ്റ്റാർസ്" എന്ന മ്യൂസിക് ഗ്രൂപ്പിൽ അംഗമായത് അവരുടേ പാട്ട് പാടാനും, കീബോർഡ് വായിക്കാനും, മ്യൂസിക് കമ്പോസ് ചെയ്യാനുമുള്ള കഴിവും കരിയറിന് അടിസ്ഥാനം നൽകി. കോളേജ് പഠനകാലത്ത് "ദി മഡ്രാസ് പ്ലേയേർസ്"ന്റേയും (The Madras Players) ഏവം (EVAM) സംഘടിപ്പിച്ച നിരവധി നാടകങ്ങളിൽ അഭിനയിച്ചിട്ടുണ്ട്.

ലൈവ് ആർട്ടിനേയും കലാകാരന്മാരേയും പ്രമോട്ട് ചെയ്യുന്നതിനായി "ദി ഷോ മസ്റ്റ് ഗോ ഓൺ" (The Show Must Go On) (TSMGO Productions) എന്ന കമ്പനിയും സ്ഥാപിച്ചിട്ടുണ്ട്.

കരിയർ

Andrea Jeremiah performing at Sangarsh a concert for a cause (2009)

അഭിനയം

ഗിരീഷ് കർണാട്ന്റെ "നാഗംദള" എന്ന നാടകത്തിലൂടെയാണ് നാടകഭിനയ രംഗത്തേക്ക് വന്നത്. ഗൗതം മേനോൻന്റെ "വേട്ടയാട് വിളിയാട്" (Vettaiyaadu Vilaiyaadu) എന്നതിൽ ഒരു ഗാനം ആലപിച്ചതിനുശേഷം അദ്ദേഹത്തിന്റെ തന്നെ "പച്ചൈക്കിളി മുത്തുച്ചരം" എന്ന സിനിമയിൽ അഭിനയിച്ചു.

ഗായിക

പാട്ടുകാരിയാവുക എന്ന ലക്ഷ്യത്തോടെ സിനിമയിലെത്തിയ ആൻഡ്രിയ അഭിനയരംഗത്തേക്ക് വഴി മാറുകയായിരുന്നു. 2005-ൽ സിനിമകളിൽ പിന്നണി ഗായികയായി രംഗത്തെത്തി. ഹാരിസ് ജയരാജ്, യുവൻ ശങ്കർ രാജ, ദേവിശ്രീ പ്രസാദ് ജി.വി. പ്രകാശ് കുമാർ തുടങ്ങിയ നിരവധി സംഗീത സംവിധായകർ ചിട്ടപ്പെടുത്തിയ ഗാനങ്ങൾ ആലപിച്ചിട്ടുണ്ട്. അതിൽ ചിലതിന് ഫിലിംഫെയർ അവാർഡിനും വിജയ് അവാർഡിനും നോമിനേഷൻസ് ലഭിച്ചിട്ടുണ്ട്. ആയിരത്തിൽ ഒരുവൻ എന്ന ചിത്രത്തിലെ "മാലൈ നേരം"എന്ന ഗാനമാണ് താൻ പാടിയതിൽ ഏറ്റവും വെല്ലുവിളിയായി ആൻഡ്രിയ വിശേഷിപ്പിക്കുന്നത്.

സംഗീതസംവിധാനം

സ്വന്തമായി ഗാനങ്ങൾ രചിക്കാനും മ്യൂസിക് കമ്പോസ് ചെയ്യാനുമുള്ള അസാമാന്യ കഴിവും ആൻഡ്രിയക്കുണ്ട്, ചെയ്തിട്ടുമുണ്ട്. "തരമണി" എന്ന സിനിമയുടെ പ്രോമോയായി ആൻഡ്രിയ എഴുതുകയും കമ്പോസ് ചെയ്യുകയും പാടുകയും ചെയ്ത ഒരു ഗാനമാണ് "സോൾ ഓഫ് തരമണി". നിരവധി മ്യൂസിക് ആൽബഗാനങ്ങളും, 250 - തിലധികം സ്വന്തം സിനിമാ ഗാനങ്ങളും ആൻഡ്രിയയുടേതായിട്ടുണ്ട്.

സിനിമകൾ

Key

Denotes films that have not yet been released

Year	Film	Role	Language	Notes
2005	കണ്ട നാൾ മുതൽ	വിവാഹ സീനിൽ ഒരു പെൺകുട്ടിയായി	തമിഴ്	അപ്രധാനം
2007	പച്ചക്കിളി മുത്തുച്ചരം	കല്ല്യാണി വെങ്കടേഷ്	തമിഴ്	നോമിനേഷൻ — പുതുമുഖ താരത്തിനുള്ള വിജയ് അവാർഡ്
2010	ആയിരത്തിൽ ഒരുവൻ	ലാവണ്യ ചന്ദ്രമൗലി	തമിഴ്	നോമിനേഷൻ — സഹനടിക്കുള്ള ഫിലിംഫെയർ അവാർഡ് (തമിഴ്)
2011	മങ്കത	സബിത പ്രിഥിരാജ്	തമിഴ്
2012	ഒരു കാൽ ഒരു കണ്ണാടി	മുരുകന്റെ പെൺകുട്ടി	തമിഴ്	അതിഥി താരം
2012	ശകുനി (സിനിമ)	ആൻഡ്രിയ	തമിഴ്	അതിഥി താരം
2013	അന്നയും റസൂലും	അന്ന	മലയാളം
2013	വിശ്വരൂപം	അഷ്മിത സുബ്രമണ്യം	തമിഴ്	നോമിനേഷൻ — സഹനടിക്കുള്ള വിജയ് അവാർഡ്
2013	വിശ്വരൂപം		ഹിന്ദി
2013	തടക്ക	നന്ദു	തെലുങ്ക്
2013	എന്ത്രെഡ്രും പുന്നങ്ങൈ	സോണിയ	തമിഴ്
2014	ഇങ്ങ എന്നാ സൊല്ലുതു	ശിമ്പുവിന്റെ പെൺകുട്ടി	തമിഴ്	അതിഥി താരം
2014	ലണ്ടൻ ബ്രിഡ്ജ്	പവിത്ര	മലയാളം
2014	അരൻമനയി	മാധവി	തമിഴ്
2014	പൂജൈ		തമിഴ്	സ്പെഷ്യൽ അപ്പിയറൻസ്
2015	അംബാല		തമിഴ്	അതിഥി താരം
2015	ഉത്തമ വില്ല്യൻ		തമിഴ്	Post-production
2015	പുതിയ തിരുപ്പങ്ങൾ	മല്ലിക	തമിഴ്	Post-production
2015	ഇത് നമ്മ ആള്		തമിഴ്	Post-production
2015	വിശ്വരൂപം II	അഷ്മിത സുബ്രമണ്യം	തമിഴ്	Post-production
2015	വിശ്വരൂപം II		ഹിന്ദി	Post-production
2015	ഫയർമാൻ		മലയാളം	Filiming
2015	തറമണി		തമിഴ്	Filming
2015	വലിയവൻ		തമിഴ്	Filming

പുറത്തേക്കുള്ള കണ്ണികൾ

• ഔദ്യോഗിക വെബ്സൈറ്റ്
• ഇന്റർനെറ്റ് മൂവി ഡാറ്റാബേസിൽ നിന്ന് ആൻഡ്രിയ ജെർമിയ