ആലങ്കോട് ലീലാകൃഷ്ണൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ആലങ്കോട് ലീലാകൃഷ്ണൻ
Leelakrishnan.JPG
ജനനം1960
ആലങ്കോട്, മലപ്പുറം ജില്ല
തൊഴിൽഎഴുത്തുകാരൻ

മലയാളത്തിലെ പ്രമുഖ കവിയും എഴുത്തുകാരനുമാണ്‌ ആലങ്കോട് ലീലാകൃഷ്ണൻ.

ജീവിതരേഖ[തിരുത്തുക]

1960 ഫെബ്രുവരി 1-ന്‌ വെങ്ങേത്ത് ബാലകൃഷ്ണൻ നമ്പ്യാരുടെയും മണപ്പാടി ലക്ഷ്മികുട്ടി അമ്മയുടെയും മകനായി പൊന്നാനി താലൂക്കിലെ ആലങ്കോട് ഗ്രാമത്തിൽ ജനിച്ചു.

1981 ൽ എം.ഇ.എസ്. പൊന്നാനി കോളേജിൽ നിന്ന് വാണിജ്യശാസ്ത്രത്തിൽ ബിരുദം നേടി. ഇപ്പോൾ കേരള ഗ്രാമീൺ ബാങ്കിന്റെ പെരുമ്പടപ്പ് ശാഖയിൽ ഉദ്യോഗസ്ഥനാണ്. സ്കൂൾ പഠനകാലത്തു തന്നെ ലീലാകൃഷ്ണൻ കവിതകളും ലേഖനങ്ങളും എഴുതിയിരുന്നു. കഥാപ്രസംഗകനായാണ് ലീലാകൃഷ്ണൻ ആദ്യം പൊതുവേദിയിൽ എത്തിയത്.

1993 ൽ പ്രസിദ്ധീകരിച്ച ലീലാകൃഷ്ണന്റെ "നിളയുടെ തീരങ്ങളിലൂടെ" എന്ന സാംസ്കാരിക പഠനഗ്രന്ഥം പിന്നീട് ദൂരദർശന്റെ ഡോക്യുമെന്ററി പരമ്പരയാക്കിയിട്ടുണ്ട്. കേരളത്തിന്റെ വിവിധ ഭാഗങ്ങളിൽ പഠനാത്മക യാത്രകൾ നടത്തിയിട്ടുള്ള ഇദ്ദേഹം ഒരു സ്വതന്ത്ര പത്രപ്രവർത്തകൻ കൂടിയാണ്‌. കൂടാതെ ആനുകാലികങ്ങളിൽ കവിതകളും[1] ലേഖനങ്ങളും എഴുതുന്നു. തിരൂരിലെ തുഞ്ചൻ സ്മാരക കമ്മറ്റി അംഗമാണ്‌ നിലവിൽ ലീലാകൃഷ്ണൻ. "ഏകാന്തം" ഉൾപ്പെടെ ഏതാനും മലയാള സിനിമകൾക്ക് കഥയും തിരക്കഥയും ഗാനങ്ങളും എഴുതിയിട്ടുണ്ട്[2]. കൈരളി പീപ്പിൾ ടി.വിയിൽ പ്രക്ഷേപണം ചെയ്തുവരുന്ന "മാമ്പഴം" എന്ന കവിതാലാപന റിയാലിറ്റിഷോയിലെ വിധികർത്താക്കളിൽ ഒരാളാണ് ലീലാകൃഷ്ണൻ.

കുടുംബം[തിരുത്തുക]

ഭാര്യ ബീന (അദ്ധ്യാപിക) മക്കൾ:കവിത,കണ്ണൻ.

കൃതികൾ[തിരുത്തുക]

  • ഏകാന്തം
  • വള്ളുവനാടൻ പൂരക്കാഴ്ചകൾ
  • നിളയുടെ തീരങ്ങളിലൂടെ
  • പി.യുടെ പ്രണയ പാപങ്ങൾ
  • താത്രിക്കുട്ടിയുടെ സ്മാർത്താവിചാരം

ചിത്രശാല[തിരുത്തുക]

അവലംബം[തിരുത്തുക]

  1. "കവിത". മാധ്യമം ആഴ്ചപ്പതിപ്പ് ലക്കം 744. 2012 മെയ് 28. ശേഖരിച്ചത് 2013 മെയ് 07. Check date values in: |accessdate=, |date= (help)
  2. ഇന്ദുലേഖ മലയാളം.കോം

ഡിസി ബുക്സ് പുഴ്.കോം

"https://ml.wikipedia.org/w/index.php?title=ആലങ്കോട്_ലീലാകൃഷ്ണൻ&oldid=3102708" എന്ന താളിൽനിന്ന് ശേഖരിച്ചത്