ആനന്ദവല്ലി

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആനന്ദവല്ലി
ജനനം
കൊല്ലം, കേരളം, ഇന്ത്യ
മരണം5 ഏപ്രിൽ 2019(2019-04-05) (പ്രായം 62)
തിരുവനന്തപുരം
ദേശീയതഇന്ത്യൻ
തൊഴിൽഡബ്ബിംഗ് ആർട്ടിസ്റ്റ്, നടി, റേഡിയോ അനൗൺസർ
സജീവ കാലം1969–2019

ആനന്ദവല്ലി സി. ആർ മലയാളം ചലച്ചിത്ര നടിയും, ഡബ്ബിംഗ് ആർട്ടിസ്റ്റും ആണ്. മലയാള ചലച്ചിത്ര രംഗത്തെ സജീവ ഡബ്ബിംഗ് ആർട്ടിസ്റ്റുകളിൽ ഒരാളായിരുന്നു ഇവർ.[1] 1973 ൽ ഏണിപ്പടികൾ എന്ന സിനിമയിലൂടെയാണ് അഭിനയ രംഗത്തേക്ക് ഇവർ കടന്നു വന്നത്. അടുത്ത വർഷം തന്നെ, 1974-ഇൽ ദേവി കന്യാകുമാരി എന്ന സിനിമയിലൂടെ നടി രാജശ്രീക്ക് ശബ്ദം നൽകി ഡബ്ബിങ് രംഗത്തേക്കു കടക്കുകയായിരുന്നു. 62 -ആമത്തെ വയസ്സിൽ, 2019 ഏപ്രിൽ 5 നു തിരുവനന്തപുരത്തുള്ള സ്വകാര്യ ആശുപത്രിയിൽ വെച്ച് അന്തരിച്ചു. [2] മഴത്തുള്ളിക്കിലുക്കം എന്ന സിനിമയ്ക്കു വേണ്ടി നടി ശാരദയ്ക്കു വേണ്ടിയാണ് ഇവർ അവസാനമായി ഡബ്ബ് ചെയ്തത്.[2]

മുൻകാലജീവിതം[തിരുത്തുക]

കേരളത്തിലെ കൊല്ലം ജില്ലയിൽ വെളിയം താലൂക്കിലാണ് ആനന്ദവല്ലി ജനിച്ചത്. വെളിയം കൈയെല സ്കൂളിലായിരുന്നു ആദ്യകാലവിദ്യാഭ്യാസം. അവിടെ സ്കൂൾ നാടകങ്ങളിൽ അഭിനയിക്കാൻ തുടങ്ങി. കഥാപ്രസംഗവും അവതരിപ്പിച്ചിരുന്നു.

കരിയർ[തിരുത്തുക]

കൗമാരപ്രായത്തിൽ ആനന്ദവല്ലി നാടകങ്ങൾക്കായി പാടാൻ തുടങ്ങി. പക്ഷേ, 1969 ൽ അപ്രതീക്ഷിതമായി, "ചിതലു കയറിയ ഭൂമി" യുടെ നാടകവേദിയിൽ ഒരു വലിയ പ്രേക്ഷകരുടെ മുന്നിൽ അവരുടെ അഭിനയത്തിലുള്ള പരിശോധന നടത്താൻ ഇടയായി. പിന്നീട് കെപിഎസി, കാളിദാസ കലാകേന്ദ്രം, ദേശാഭിമാനി തീയേറ്റേഴ്സ് ആറ്റിങ്ങൽ, കേരള തീയേറ്റേഴ്സ് കോട്ടയം, കായംകുളം പീപ്പിൾസ് തീയേറ്റേഴ്സ് എന്നിവയുടെ നാടകവേദിയിൽ അഭിനയിച്ചു തുടങ്ങി. അഖിലേന്ത്യാ റേഡിയോയിൽ അനൌൺസർ ആയി പ്രവർത്തിച്ചു.

ആനന്ദവല്ലി


"കടു" എന്ന ചിത്രത്തിലൂടെയാണ് ആനന്ദവല്ലി ചലച്ചിത്ര രംഗത്ത് പ്രവേശിച്ചത്. ഡബ്ബിംഗ് ആർട്ടിസ്റ്റ് ജീവിതം നയിക്കാൻ തീരുമാനിക്കുന്നതു വരെ അവർ മലയാളചിത്രങ്ങളിൽ ചെറിയ സ്ഥിരം കഥാപാത്രങ്ങളെ അഭിനയിച്ചിരുന്നു. നിരവധി മലയാളചിത്രങ്ങളിൽ അഭിനയിച്ച അവർ സിനിമാ വ്യവസായത്തിൽ സജീവമായി.

1974-ൽ ദേവി കന്യാകുമാരി എന്ന ചിത്രത്തിൽ നടി രാജശ്രീക്ക് ശബ്ദം നൽകി ഡബ്ബിങ് ആർട്ടിസ്റ്റായി എത്തിയ ഇവർ പിന്നീട് ഒട്ടേറെ നടിമാർക്ക് ശബ്ദം നൽകുകയുണ്ടായി. മഞ്ഞിൽ വിരിഞ്ഞ പൂക്കൾ എന്ന സിനിമയിൽ പൂർണിമ ജയറാമിനു വേണ്ടി ഡബ്ബിംഗ് ചെയ്തു. നിരവധി മലയാളചിത്രങ്ങളിൽ ഡബ്ബിംഗ് ചെയ്തിട്ടുണ്ട്. ഗീത, സിൽക്സ്മിത, സുമാലത, മാധവി, മേനക, അംബിക, ഉർവ്വശി, ജയപ്രധ , കാർത്തിക, പാർവ്വതി, ഗൗതമി, സുഹാസിനി, ശോഭന, സുകന്യ, ശാരദ, സരിത, സുചിത്ര, ബാംഗ്ലൂർ ഭാരതി, ഭാനുപ്രിയ, രേഖ, രേവതി, രഞ്ജിനി, മോഹിനി, നന്ദിത ബോസ്, വിനയപ്രസാദ്, കനക, ഖുശ്ബു, ഉർമിള ഉണ്ണി, ഉണ്ണി മേരി, ശാന്തികൃഷ്ണ തുടങ്ങിയ പ്രമുഖ നടിമാർക്ക് ശബ്ദം നൽകിയിട്ടുണ്ട്. ആധാരം എന്ന ചിത്രത്തിൽ ഗീത എന്ന നടിക്ക് വേണ്ടി ശബ്ദം നൽകിയതിന് കേരള സംസ്ഥാന അവാർഡ് ലഭിച്ചു. സിനിമകളിലും സീരിയലുകളിലും ഡബ്ബിംഗ് ആർട്ടിസ്റ്റ് ആയി ആനന്ദവല്ലി തുടരുന്നു.

ഏണിപ്പടികൾ, കാട്, കന്യാകുമാരി, യൗവനം, വണ്ടിക്കാരി, സ്വാമി അയ്യപ്പൻ, ഭാര്യ ഇല്ലാത്ത രാത്രി, സ്വപ്നാടനം, ഹൃദയം ഒരു ക്ഷേത്രം, ചോറ്റാനിക്കര അമ്മ, സമസ്യ, ഉദ്യാനലക്ഷ്മി, അംബ അംബിക അംബാലിക, സർവ്വേക്കല്ല്, ശ്രീമുരുകൻ, പെൺപുലി, മുഹൂർത്തങ്ങൾ, വിടരുന്ന മൊട്ടുകൾ നീതിപീഠം, കൈതപ്പു, തണൽ, റൌഡി രാമു, മാളിക പണിയുന്നവർ, പഞ്ചരത്നം, പാപത്തിനു മരണമില്ല, കൗമാരപ്രായം, ഹൃദയത്തിന്റെ നിറങ്ങൾ, കായലും കയറും, അന്തഃപുരം (ചലച്ചിത്രം), പിന്നെയും പൂക്കുന്ന കാട്, അർച്ചന ടീച്ചർ, ഗൃഹലക്ഷ്മി, ആ ദിവസം, ഗുരുദക്ഷിണ, സ്വർണ ഗോപുരം, പറയാനും വയ്യ പറയാതിരിക്കാനും വയ്യ, കഥ ഇതുവരെ, യസായം സന്ധ്യ, വീണ്ടും, വഴിയോരക്കാഴ്ചകൾ, അബ്കാരി (ചലച്ചിത്രം), ഇൻക്വിലാബിൻറെ പുത്രി, ഈഗിൾ, പ്രിയപ്പെട്ട കുക്കു, കളിവീട്, തുടങ്ങിയ ചിത്രങ്ങളിൽ അവർ അഭിനയിച്ചിരുന്നു.

ദേവി കന്യാകുമാരി, റൌഡി രാജമ്മ, അനുപല്ലവി, അങ്ങാടി, മഞ്ഞിൽ വിരിഞ്ഞ പൂക്കൾ, കള്ളൻ പവിത്രൻ, തൃഷ്ണ, അഹിംസ, നാഗമഠത്തു തമ്പുരാട്ടി, ഈ നാട്, ഓളങ്ങൾ, പടയോട്ടം, ജോൺ ജാഫർ ജനാർദ്ദനൻ, അമൃതഗീതം, ആ ദിവസം, കുയിലിനെ തേടി, മുത്താരംകുന്ന് പി.ഒ. തുടങ്ങിയ ചിത്രങ്ങളിൽ ഒരു ഡബ്ബിംഗ് ആർട്ടിസ്റ്റായി പ്രവർത്തിച്ചിരുന്നു.

പുരസ്കാരങ്ങൾ[തിരുത്തുക]

കേരള സംസ്ഥാന ചലച്ചിത്ര അവാർഡുകൾ[തിരുത്തുക]

  • 1992 - മികച്ച ഡബ്ബിംഗ് ആർട്ടിസ്റ്റ് : - ആധാരം

കേരള ടെലിവിഷൻ അവാർഡുകൾ[തിരുത്തുക]

  • 2015 - മികച്ച ഡബ്ബിംഗ് ആർട്ടിസ്റ്റ് (കൾ) - പുരുഷൻ / സ്ത്രീ വോയ്സ് - ഈശ്വരൻ സാക്ഷിയായി

കേരള ഫിലിം ക്രിട്ടിക്സ് അവാർഡ്[തിരുത്തുക]

  • 1997 - ചലച്ചിത്ര പ്രതിഭ
  • 2007 - മികച്ച കഥാകാരി
Sl.No. അവാർഡുകൾ Details
1. കലൈ സെൽമം - 1997 സൗത്ത് ഇന്ത്യൻ ആർട്ടിസ്റ്റ് അസോസിയേഷൻ , ചെന്നൈ
2. ഗുരു പൂജ പുരസ്കാരം - 2009 കേരള സംഗീത നാടക അക്കാദമി
3. കുറൽ സെൽവം - 2011 സൗത്ത് ഇന്ത്യൻ സിനി ആർട്ടിസ്റ്റ് ആൻഡ് ഡബ്ബിംഗ് യൂണിയൻ, ചെന്നൈ.
4. മലയാളം സിനിമാ വ്യവസായത്തിലെ സംഭാവനകൾക്കുള്ള പുരസ്കാരം 100 വർഷത്തെ ഇന്ത്യൻ സിനിമ ആഘോഷം - 2013 ചെന്നൈയിൽ.

അവലംബം[തിരുത്തുക]

  1. Lal, Athul. "Invisible Nightingale". The New Indian Express. Archived from the original on 2014-03-03. Retrieved 2014-02-25.
  2. 2.0 2.1 മാതൃഭൂമി വാർത്ത

പുറം കണ്ണികൾ[തിരുത്തുക]

"https://ml.wikipedia.org/w/index.php?title=ആനന്ദവല്ലി&oldid=3819038" എന്ന താളിൽനിന്ന് ശേഖരിച്ചത്