അൽ റാസ്

അൽ റാസ് الرس
അൽ റാസ്
Coordinates: 25°52′N 43°30′E
Country	Saudi Arabia
Province	Al Qassim Province
സർക്കാർ
• Tory	Al Assaf
ജനസംഖ്യ  (2010)
• ആകെ	1,33,000
• ജനസാന്ദ്രത	4,200/ച.കി.മീ. (11,000/ച മൈ)
സമയമേഖല	UTC+3 (AST)

റാസ് അഥവാ അൽ റാസ് (അറബി: الرس‎) അൽ-ഖസീം പ്രവിശ്യയിൽ സ്ഥിതി ചെയ്യുന്ന സൌദി അറേബ്യയിലെ ഒരു പട്ടണമാണ്. ബുറൈദാ പട്ടണത്തിന് തെക്കുപടിഞ്ഞാറായിട്ടാണ് പട്ടണം സ്ഥിതി ചെയ്യുന്നത്. രാജ്യ തലസ്ഥാനമായ റിയാദ് നഗരത്തിന് വടക്കു ദിക്കിലായിട്ടാണിതിൻറ സ്ഥാനം. ജനസംഖ്യയനുസരിച്ച് ഖസീം പ്രവിശ്യയിലെ മൂന്നാമത്തെ വലിയപട്ടണമാണിത്. 2010 ലെ സെൻസസ് കണക്കുകളനുസരിച്ച് ഈ പട്ടണത്തിലെ ജനസംഖ്യ 133,000 ആണ്.

ഈ പട്ടണത്തിൻറെ വിസ്തൃതി ഏകദേശം 60 ചതുരശ്ര കിലോമീറ്റർ ആണ്. റാസ് എന്ന പദത്തിനർത്ഥം അറബി ഭാഷയിൽ "ഒരു പഴയ കിണർ" എന്നാണ്. പ്രവാചകൻറെ അനുചരനായ ഹസൻ ബിൻ താബിത് തൻറെ കാവ്യത്തിൽ ഈ പട്ടണത്തെ സ്മരിക്കുന്നുണ്ട്. അൽ അസാഫ് കുടുംബമാണ് ഈ പട്ടണത്തിലെ ഭരണം നിയന്ത്രിച്ചിരുന്നത്. ഈ പട്ടണത്തിന് 19 ഔദ്യോഗിക സബ്-ഗവർണറേറ്റുകളുമുണ്ട്. ഏകദേശം നൂറോളം ഗ്രാമങ്ങൾ പട്ടണത്തിനു ചുറ്റുപാടുമുണ്ട്. പട്ടണത്തിൻറെ തെക്ക്, പടിഞ്ഞാറു ഭാഗങ്ങളിൽ ബദൂയിൻ വംശക്കാർ അധിവസിക്കുന്നു.

ഭൂമിശാസ്ത്രം

ഒരു സാധാരണ നെജ്ഡി ഭൂപ്രകൃതിയുള്ള അൽ റാസ് പട്ടണത്തിന്റെ വശങ്ങളിൽ പടിഞ്ഞാറൻ, തെക്കൻ വശങ്ങൾ ഒഴികെ ചുറ്റും മണൽക്കൂനകളുണ്ട്, , ബെഡൂയിൻ വാസസ്ഥലങ്ങൾ കൈവശപ്പെടുത്തിയിരിക്കുന്നു. വാദി അൽ-റുമ്മ (റുമ്മ താഴ്‌വര) നഗരത്തെ അതിന്റെ തെക്ക് ഭാഗത്ത് നിന്ന് വടക്കുകിഴക്ക് ഭാഗത്തേക്ക് മുറിച്ചുകടക്കുന്നു. പട്ടണത്തിന് ചുറ്റും നിരവധി ഇടത്തരം ഉയരമുള്ള പീഠഭൂമികളും താഴ്ന്ന ഉയരമുള്ള പർവതങ്ങളുമുണ്ട്, പ്രധാനമായും തെക്ക് ഭാഗത്ത്, ഇവയെ നാട്ടുകാർ "ജെബൽ അൽഗോഷി" എന്ന് വിളിക്കുന്നു. "ഷിനാന" എന്ന പേരിൽ ഒരു സ്ഥലത്തിന്റെ നിരവധി പഴയ അവശിഷ്ടങ്ങളുണ്ട്. അൽ-സൗദ്, അൽ-റഷീദ് ഗോത്രങ്ങൾ തമ്മിലുള്ള യുദ്ധങ്ങളിൽ ഉപയോഗിച്ചിരുന്ന പഴയ കോട്ടകളായിരുന്നു ഇവ.

കാലാവസ്ഥ

റാസ് പട്ടണത്തിൽ മരുഭൂ കാലാവസ്ഥയാണനുഭവപ്പെടുന്നത്. ശിശിരകാലത്തെ ശരാശരി താപനില 8° യ്ക്കും 21 °C നും ഇടയിലാണ്. ജൂണ്, ജൂലൈ, ആഗസ്റ്റ്, സെപ്റ്റംബർ മാസങ്ങളിൽ ശക്തമായ ചൂട് അനുഭവപ്പെടുന്നു. വേനൽക്കാലത്ത് 39° യ്ക്കും 49° യ്കും ഇടയിലാണ് താപനില.