അൽ റാസ്

അൽ റാസ് الرس
അൽ റാസ്
Coordinates: 25°52′N 43°30′E
Country	Saudi Arabia
Province	Al Qassim Province
ഭരണസമ്പ്രദായം
• Tory	Al Assaf
ജനസംഖ്യ  (2010)
• ആകെ	1,33,000
• ജനസാന്ദ്രത	4,200/ച.കി.മീ.(11,000/ച മൈ)
സമയമേഖല	UTC+3 (AST)

അൽറാസ്

റാസ് അഥവാ അൽ റാസ് (അറബി: الرس‬) അൽ-ഖസീം പ്രവിശ്യയിൽ സ്ഥിതി ചെയ്യുന്ന സൌദി അറേബ്യയിലെ ഒരു പട്ടണമാണ്. ബുറൈദാ പട്ടണത്തിന് തെക്കുപടിഞ്ഞാറായിട്ടാണ് പട്ടണം സ്ഥിതി ചെയ്യുന്നത്. രാജ്യ തലസ്ഥാനമായ റിയാദ് പട്ടണത്തിന് വടക്കു ദിക്കിലായിട്ടാണിതിൻറ സ്ഥാനം. ജനസംഖ്യയനുസരിച്ച് ഖസീം പ്രോവിൻസിലെ മൂന്നാമത്തെ വലിയപട്ടണമാണിത്. 2010 ലെ സെൻസസ് കണക്കുകളനുസരിച്ച് ഈ പട്ടണത്തിലെ ജനസംഖ്യ 133,000 ആണ്.

ഈ പട്ടണത്തിൻറെ വിസ്തൃതി ഏകദേശം 60 ചതുരശ്ര കിലോമീറ്റർ ആണ്. റാസ് എന്ന പദത്തിനർത്ഥം അറബി ഭാഷയിൽ "ഒരു പഴയ കിണർ" എന്നാണ്. പ്രവാചകൻറെ അനുചരനായ ഹസൻ ബിൻ താബിത് തൻറെ കാവ്യത്തിൽ ഈ പട്ടണത്തെ സ്മരിക്കുന്നുണ്ട്. അൽ അസാഫ് കുടുംബമാണ് ഈ പട്ടണത്തിലെ ഭരണം നിയന്ത്രിച്ചിരുന്നത്. ഈ പട്ടണത്തിന് 19 ഔദ്യോഗിക സബ്-ഗവർണറേറ്റുകളുമുണ്ട്. ഏകദേശം നൂറോളം ഗ്രാമങ്ങൾ പട്ടണത്തിനു ചുറ്റുഭാഗത്തുമുണ്ട്. പട്ടണത്തിൻറെ തെക്ക്, പടിഞ്ഞാറു ഭാഗങ്ങളിൽ ബദൂയിൻ വംശക്കാർ അധിവസിക്കുന്നു.

കാലാവസ്ഥ

റാസ് പട്ടണത്തിൽ മരുഭൂ കാലാവസ്ഥയാണനുഭവപ്പെടുന്നത്. ശിശിരകാലത്തെ ശരാശരി താപനില 8° യ്ക്കും 21 °C നും ഇടയിലാണ്. ജൂണ്, ജൂലൈ, ആഗസ്റ്റ്, സെപ്റ്റംബർ മാസങ്ങളിൽ ശക്തമായ ചൂട് അനുഭവപ്പെടുന്നു. വേനൽക്കാലത്ത് 39° യ്ക്കും 49° യ്കും ഇടയിലാണ് താപനില.