അർജുൻ മുണ്ഡ

ഇംഗ്ലീഷ് വിലാസം

https://ml.wikipedia.org/wiki/Arjun_Munda

അർജുൻ മുണ്ഡ
കേന്ദ്ര, കൃഷി-കർഷക ക്ഷേമ വകുപ്പ് മന്ത്രി
പദവിയിൽ 2023 - 2024
പ്രധാനമന്ത്രി	നരേന്ദ്ര മോദി
കേന്ദ്ര, ആദിവാസി ക്ഷേമവകുപ്പ് മന്ത്രി
പദവിയിൽ 2019 - 2024
മുൻഗാമി	ജുവൽ ഒറാം
പിൻഗാമി	ജുവൽ ഒറാം
ലോക്സഭാംഗം
പദവിയിൽ 2019 - 2024
മണ്ഡലം	ഖുന്തി
ജാർഖണ്ഡ്, മുഖ്യമന്ത്രി
പദവിയിൽ 2010-2013, 2005-2006, 2003-2005
മുൻഗാമി	രാഷ്ട്രപതി ഭരണം
പിൻഗാമി	രാഷ്ട്രപതി ഭരണം
നിയമസഭാംഗം
പദവിയിൽ 2010-2014, 2005-2009, 2000-2005, 1995-2000
മണ്ഡലം	ഖരാസ്വാൻ
വ്യക്തിഗത വിവരങ്ങൾ
ജനനം	(1968-05-03) 3 മേയ് 1968 വയസ്സ്) ജംഷെഡ്പൂർ, ബീഹാർ
രാഷ്ട്രീയ കക്ഷി	ബി.ജെ.പി (2000-തുടരുന്നു) ജെ.എം.എം (1980-2000)
പങ്കാളി	മീര
കുട്ടികൾ	3 Sons
വെബ്‌വിലാസം	https://arjunmunda.in/about/
As of 11 നവംബർ, 2024 ഉറവിടം: ഔദ്യോഗിക വെബ്സൈറ്റ്

2019 മെയ് 30 മുതൽ 2024 ജൂൺ 5 വരെ രണ്ടാം നരേന്ദ്ര മോദി സർക്കാരിൽ ആദിവാസി ക്ഷേമ വകുപ്പ് മന്ത്രിയായിരുന്ന ജാർഖണ്ഡിൽ നിന്നുള്ള മുതിർന്ന ബി.ജെ.പി നേതാവാണ് അർജുൻ മുണ്ട.(ജനനം : 3 മെയ് 1968) നാലു തവണ നിയമസഭാംഗം, മൂന്ന് തവണ ജാർഖണ്ഡ് മുഖ്യമന്ത്രി, ഒരു തവണ ലോക്സഭാംഗം എന്നീ നിലകളിലും പ്രവർത്തിച്ചിട്ടുണ്ട്.

ജീവിതരേഖ

ബീഹാറിലെ ജംഷെഡ്പൂരിലെ ഒരു ആദിവാസി ദളിത് കുടുംബത്തിൽ ഗണേഷ് മുണ്ഡയുടേയും സൈറയുടേയും മകനായി 1968 മെയ് മൂന്നിന് ജനനം. പ്രാഥമിക വിദ്യാഭ്യാസത്തിന് ശേഷം റാഞ്ചി യൂണിവേഴ്സിറ്റിയിൽ നിന്ന് ബിരുദം നേടി.

1980-ൽ ജാർഖണ്ഡ് മുക്തി മോർച്ചയിൽ ചേർന്നതോടെയാണ് രാഷ്ട്രീയ ജീവിതമാരംഭിക്കുന്നത്. 1995-ൽ ഖരാസ്വൻ മണ്ഡലത്തിൽ നിന്ന് ആദ്യമായി ബീഹാർ നിയമസഭാംഗമായി. 2000-ലെ ജാർഖണ്ഡ് സംസ്ഥാന രൂപീകരണത്തോടെ ഝാർഖണ്ഡ് മുക്തി മോർച്ച വിട്ട് ബി.ജെ.പിയിൽ ചേർന്നു.

മൂന്നു തവണ ജാർഖണ്ഡ് മുഖ്യമന്ത്രിയായി തിരഞ്ഞെടുക്കപ്പെട്ട അർജുൻ 2000-ലെ ബാബുലാൽ മറൻഡി മന്ത്രിസഭയിലെ ആദ്യ പിന്നോക്ക ക്ഷേമ വകുപ്പ് മന്ത്രിയായിരുന്നു. 2000, 2005, 2009, 2010 എന്നീ വർഷങ്ങളിൽ നിയമസഭാംഗമായിരുന്ന അർജുൻ 2010-2013, 2005-2006, 2003-2005 എന്നീ കാലയളവുകളിൽ ജാർഖണ്ഡ് മുഖ്യമന്ത്രിയായും പ്രവർത്തിച്ചു.

മുൻ എം.പി, മുൻ ഝാർഖണ്ഡ്‌ മുഖ്യമന്ത്രി എന്നീ നിലകളിലും പ്രശസ്തൻ. ജാർഖണ്ഡ് മുഖ്യമന്ത്രിയായതിനെ തുടർന്ന് 2011 ഫെബ്രുവരി 26-ന് പതിനഞ്ചാം ലോക്‌സഭയിൽ നിന്ന് രാജി വെച്ചു.

2014-ലെ നിയമസഭ തിരഞ്ഞെടുപ്പിൽ ഖരാസ്വനിൽ നിന്ന് മത്സരിച്ചെങ്കിലും ജെ.എം.എം സ്ഥാനാർത്ഥിയോട് പരാജയപ്പെട്ടു. 2019-ലെ ലോക്സഭ തിരഞ്ഞെടുപ്പിൽ ഖുന്തിയിൽ നിന്ന് വിജയിച്ച അർജുൻ നിലവിൽ രണ്ടാം നരേന്ദ്ര മോദി സർക്കാരിൽ ആദിവാസി ക്ഷേമ വകുപ്പ് മന്ത്രിയായിരുന്നു.

കേന്ദ്ര കൃഷി, കാർഷികക്ഷേമ വകുപ്പ് മന്ത്രിയായിരുന്ന നരേന്ദ്ര സിംഗ് തോമർ കേന്ദ്ര മന്ത്രിസഭയിൽ നിന്ന് രാജിവച്ചതിനെ തുടർന്ന് 2023 ഡിസംബർ 7 മുതൽ 2024 ജൂൺ 5 വരെ കൃഷി വകുപ്പിന്റെ അധിക ചുമതല കൂടിയുള്ള കേന്ദമന്ത്രിയായും പ്രവർത്തിച്ചിട്ടുണ്ട്

2024 ലെ ലോക്‌സഭ തിരഞ്ഞെടുപ്പിൽ ഖുന്തി മണ്ഡലത്തിൽ നിന്നും വീണ്ടും മത്സരിച്ചെങ്കിലും ഇന്ത്യൻ നാഷണൽ കോൺഗ്രസ് സ്ഥാനാർത്ഥിയായ കാളിചരൺ മുണ്ഡയോട് പരാജയപ്പെട്ടു.