അവ്‌ക്വാഫിന

ഇംഗ്ലീഷ് വിലാസം

https://ml.wikipedia.org/wiki/Awkwafina

അവ്ക്വാഫിന
林家珍
അവ്ക്വാഫിന 2018ൽ
ജനനം	നോറ ലം (1988-06-02) ജൂൺ 2, 1988 വയസ്സ്) സ്റ്റോൺ ബ്രൂക്ക്, ന്യൂയോർക്ക്, യു.എസ്.
വിദ്യാഭ്യാസം	ഫിയോറെല്ലോ എച്ച്. ലാഗ്വാർഡിയ ഹൈസ്കൂൾ
അൽമ മേറ്റർ	യൂണിവേഴ്സിറ്റി അറ്റ് അൽബാനി, സുനി
തൊഴിൽs	നടി ഹാസ്യതാരം രചയിതാവ് നിർമ്മാതാവ് റാപ്പർ
സജീവ കാലം	2005–ഇതുവരെ
Musical career
വിഭാഗങ്ങൾ	Alternative hip hop comedy hip hop East Coast hip hop
ഉപകരണ(ങ്ങൾ)	Vocals
വെബ്സൈറ്റ്	awkwafina.com

തൊഴിൽപരമായി അവ്‌ക്വാഫിന എന്നറിയപ്പെടുന്ന നോറ ലം (ജനനം: ജൂൺ 2, 1988) ഒരു അമേരിക്കൻ ചലച്ചിത്രനടി, ഹാസ്യതാരം, ഇന്റർനെറ്റ് വ്യക്തിത്വം, റാപ്പർ, രചയിതാവ്, ടെലിവിഷൻ ഹോസ്റ്റ് എന്നീ നിലകളിൽ പ്രശസ്തയായ വനിതയാണ്. 2012 ൽ അവരുടെ റാപ്പ് ഗാനമായ "മൈ വാഗ്" യൂട്യൂബിൽ ജനപ്രിയമായപ്പോൾ അവൾ പ്രാമുഖ്യം നേടി. തുടർന്ന് തന്റെ ആദ്യ ആൽബമായ യെല്ലോ റേഞ്ചർ (2014) പുറത്തിറക്കുകയും എംടിവിയുടെ കോമഡി പരമ്പരയായ ഗേൾ കോഡിൽ (2014–2015) പ്രത്യക്ഷപ്പെടുകയും ചെയ്തു. രണ്ടാമത്തെ ആൽബമായ ഇൻ ഫിന വി ട്രസ്റ്റ് 2018 ൽ പുറത്തിറങ്ങി.

നെയ്ബേർസ് 2: സോറോറിറ്റി റൈസിംഗ് (2016), ഓഷ്യൻസ് 8 (2018), ക്രേസി റിച്ച് ഏഷ്യൻസ് (2018), ജുമാൻജി: ദി നെക്സ്റ്റ് ലെവൽ (2019) എന്നീ ഹാസ്യപരമായ ചിത്രങ്ങളിൽ അവർ സഹവേഷങ്ങളിൽ അഭിനയിച്ചു.

ദ ഫെയർ‌വെൽ (2019) എന്ന കോമഡി-നാടകീയ ചലച്ചിത്രത്തിൽ ഒരു പ്രധാന വേഷം ചെയ്ത അവ്ക്വാഫിനയ്ക്ക് നിരൂപക പ്രശംസ ലഭിക്കുകയും ഒരു ചലച്ചിത്രത്തിലെ കോമഡി അഥവാ മ്യൂസിക്കൽ വിഭാഗത്തിൽ മികച്ച നടിക്കുള്ള ഗോൾഡൻ ഗ്ലോബ് പുരസ്കാരം നേടിയതോടൊപ്പം, ഏതൊരു ചലച്ചിത്ര നടന വിഭാഗത്തിലേയും ഗോൾഡൻ ഗ്ലോബ് പുരസ്കാരം നേടുന്ന ആദ്യ ഏഷ്യൻ വംശജയായ വനിതയായിത്തീരുകയും ചെയ്തു. 2020 ൽ റൈസിംഗ് സ്റ്റാർ വിഭാഗത്തിൽ ബാഫ്റ്റ അവാർഡിനായി നാമനിർദ്ദേശം ചെയ്യപ്പെട്ട് അവ്ക്വാഫിന മികച്ച നടിക്കുള്ള ക്രിട്ടിക്സ് ചോയ്സ് മൂവി അവാർഡ്, മികച്ച നടിയ്ക്കുള്ള സാറ്റലൈറ്റ് അവാർഡ് എന്നിവയ്ക്കായും നാമനിർദ്ദേശം ചെയ്യപ്പെട്ടു. റായ ആന്റ് ദ ലാസ്റ്റ് ഡ്രാഗൺ (2021) എന്ന ഡിസ്നി ആനിമേഷൻ ചിത്രത്തിൽ സിസു എന്ന കഥാപാത്രത്തിന് ശബ്ദം നൽകിയത് അവ്ക്വാഫിനയായിരുന്നു.