അലക്സിയസ് II

വിക്കിപീഡിയ, ഒരു സ്വതന്ത്ര വിജ്ഞാനകോശം.
അലക്സിയസ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ അലക്സിയസ് (വിവക്ഷകൾ) എന്ന താൾ കാണുക. അലക്സിയസ് (വിവക്ഷകൾ)
അലക്സിയസ് II
Alexios II from Guillaume Rouillé's Promptuarii Iconum Insigniorum
ഭരണകാലം 24 September 1180 – 24 September 1183
ജനനം 1169 സെപ്റ്റംബർ 10(1169-09-10)
ജന്മസ്ഥലം Constantinople
മരണം 1183 സെപ്റ്റംബർ 24(1183-09-24) (പ്രായം 14)
മരണസ്ഥലം Constantinople
മുൻ‌ഗാമി Manuel I Komnenos
പിൻ‌ഗാമി Andronikos I Komnenos
ജീവിതപങ്കാളി Anna of France
പിതാവ് Manuel I Komnenos
മാതാവ് Maria of Antioch

ബൈസാന്തിയൻ ചക്രവർത്തിയായിരുന്നു അലക്സിയസ് II. മാനുവൽ കൊംനേനസ് ഒന്നാമന്റെയും അന്ത്യോഖ്യയിലെ റയ്മോണ്ട് രാജകുമാരന്റെ പുത്രി മേരിയുടെയും പുത്രനായി 1169-ൽ അലക്സിയസ് കോംനേനസ് ജനിച്ചു.

ചരിത്രം[തിരുത്തുക]

പിതാവ് 1180 സെപ്റ്റബർ 14-ന് നിര്യാതനായി. തുടർന്ന് 11 വയസ്സുമാത്രം പ്രായമുള്ള അലക്സിയസ് II ചക്രവർത്തിയായി; മാതാവായ മേരി റീജന്റായി ഭരണം ആരംഭിച്ചു. മാനുവലിന്റെ ഒരു ബന്ധുവായ അലക്സിയസ് എന്നൊരാളെ പ്രോട്ടോസെബസ്റ്റസ് (പ്രതിനിധി) ആയി പുതിയ റീജന്റ് നിയമിച്ചു. ഇദ്ദേഹത്തിന്റെ ഭരണം പൊതുജനങ്ങൾക്കു ഹിതമായില്ല. അലക്സിയസ് ചക്രവർത്തിയുടെ സഹോദരിയായ മേരിയും അവരുടെ ഭർത്താവായ മോണ്ട് ഫെറാറ്റിലെ റാനിയറും കൂടി ഈ ഭരണം അവസാനിപ്പിക്കാൻ നടത്തിയ ശ്രമം വിജയിച്ചില്ല. 1182 മേയിൽ തലസ്ഥാനത്തുടനീളം കലാപമുണ്ടായി. ഈ അവസരം തനിക്കനുകൂലമായി പ്രയോജനപ്പെടുത്താൻ മാനുവൽ I ന്റെ (1143-80) സഹോദരനായ അൻഡ്രോണിക്കസ് കൊംനേനസ് എത്തി; പ്രോട്ടോസെബസ്റ്റസായ അലക്സിയസിനെ ബന്ധനസ്ഥനാക്കിയശേഷം അന്ധനാക്കി. ചക്രവർത്തിയായ അലക്സിയസ് II ന്റെ രക്ഷാകർതൃത്വം ആൻഡ്രോണിക്കസ് ഏറ്റെടുത്തു. രാജമാതാവായ മേരിയെ വധിക്കാനുള്ള കല്പനയിൽപ്പോലും അലക്സിയസ് ചക്രവർത്തിക്ക് ഒപ്പുവയ്ക്കേണ്ടിവന്നു. 1183-ൽ അൻഡ്രോണിക്കസ് സഹചക്രവർത്തിയായി; അധികം വൈകാതെ അലക്സിയസ് വധിക്കപ്പെട്ടു (1183). അദ്ദേഹത്തിന്റെ യുവവിധവയായ ആഗ്നസിനെ (ഫ്റാൻസിലെ ലൂയി VII-ന്റെ പുത്രി) അൻഡ്രോണിക്കസ് വിവാഹം കഴിച്ചു.

പുറത്തേക്കുള്ള കണ്ണികൾ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അലക്സിയസ് II (1169 - 1183) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=അലക്സിയസ്_II&oldid=2196930" എന്ന താളിൽനിന്നു ശേഖരിച്ചത്