അരയൻകാവ്

അരയൻകാവ്
town
പ്രമാണം:Street in Arayankavu, Kerala (2007).jpg
Coordinates: 9.8309452°N 76.4269924°E / 9.8309452; 76.4269924
Country	India
State	Kerala
District	Ernakulam
വിസ്തീർണ്ണം
• ആകെ	44.59 ച.കി.മീ. (17.22 ച മൈ)
ജനസംഖ്യ  (2001)
• ആകെ	23,500
• ജനസാന്ദ്രത	530/ച.കി.മീ. (1,400/ച മൈ)
Languages
• Official	Malayalam, English
സമയമേഖല	UTC+5:30 (IST)
PIN	682317
Telephone code	91 484 274/273
വാഹന രജിസ്ട്രേഷൻ	KL-39
Nearest city	Tripunithura
Literacy	93.080%%
Lok Sabha constituency	Kottayam

എറണാകുളം ജില്ലയിലെ ആമ്പല്ലൂർ പഞ്ചായത്തിന്റെ തെക്കേ അറ്റത്ത് സ്ഥിതി ചെയ്യുന്ന ഒരു ഗ്രാമമാണ് അരയൻകാവ്. പിറവം റോഡ് ആണ് ഗ്രാമത്തിന് ഏറ്റവും അടുത്തുള്ള റെയിൽവേ സ്റ്റേഷൻ. ഗ്രാമത്തിലെ അരയൻകാവ് ക്ഷേത്രം ഹിൈന്ദവ മാതൃദേവതയായ ഭദ്രകാളിയുടെ പ്രശസ്തമായ ഒരു ക്ഷേത്രമാണ്. "മീന" മാസത്തിലെ എല്ലാ "പൂരത്തിലും" "ഗരുഡൻ തൂക്കം" നടത്തപ്പെടുന്ന സംസ്ഥാനത്തെ ഏറ്റവും പ്രശസ്തമായ ക്ഷേത്രങ്ങളിൽ ഒന്നാണിത്. ശിവൻ, അയ്യപ്പൻ, നാഗൻ എന്നിവരെയും ഈ ക്ഷേത്രത്തിൽ ആരാധിക്കുന്നു. പൂരം ഗ്രാമത്തിലെ ഏറ്റവും പ്രശസ്തമായ ആഘോഷമാണ്.

ഭൂമിശാസ്ത്രം

എറണാകുളത്തിന് ഏകദേശം 30 കിലോമീറ്റർ തെക്കുകിഴക്കും തൃപ്പൂണിത്തുറയ്ക്ക് 18 കിലോമീറ്റർ കിഴക്കുമായാണ് ഗ്രാമം സ്ഥിതിചെയ്യുന്നത്. കാഞ്ഞിരമറ്റം (4 കിലോമീറ്റർ), തൃപ്പൂണിത്തുറ, എറണാകുളം എന്നിവിടങ്ങളിൽ നിന്ന് റോഡ് മാർഗം അരയങ്കാവിൽ എളുപ്പത്തിൽ എത്തിച്ചേരാവുന്നതാണ്. കാഞ്ഞിരമറ്റം റെയിൽവേ സ്റ്റേഷനാണ് അടുത്തുള്ള പ്രാദേശിക റെയിൽവേ സ്റ്റേഷൻ. കൊച്ചി അന്താരാഷ്ട്ര വിമാനത്താവളമാണ് ഏറ്റവും അടുത്തുള്ള വിമാനത്താവളം.

സമുദ്രനിരപ്പിൽ നിന്ന് ശരാശരി 7 മീറ്റർ ഉയരത്തിലാണ് അരയൻകാവ് ഗ്രാമം സ്ഥിതി ചെയ്യുന്നത്. പശ്ചിമഘട്ടത്തിലെ നിരവധി അരുവികളിൽ നിന്ന് രൂപം കൊള്ളുന്ന വേമ്പനാട് കായൽത്തടത്തിലാണ് അരയൻകാവിന്റെ സ്ഥാനം. കേരളത്തിലെ സ്ഥലങ്ങളെ ഉയരത്തിന്റെ അടിസ്ഥാനത്തിൽ മലനാടുകൾ, ഇടനാടുകൾ, താഴ്ന്ന പ്രദേശങ്ങൾ എന്നിങ്ങനെ വിഭജിച്ചിരിക്കുന്നതനുസരിച്ച്, അരയൻകാവ് താഴ്ന്ന ഇടനാടുകളുടെ ഭാഗമായി കണക്കാക്കപ്പെടുന്നു. ഇവിടുത്തെ പൊതുവായ മണ്ണിന്റെ തരം എക്കൽ മണ്ണാണ്. സസ്യജാലങ്ങൾ പ്രധാനമായും ഉഷ്ണമേഖലാ നിത്യഹരിതവും ഈർപ്പമുള്ള ഇലപൊഴിയും ഇനവുമാണ്.

ഗ്രാമത്തിലെ കാലാവസ്ഥ മിതവും സുഖദവുമാണ്. അരയൻകാവ് ഗ്രാമം ഭൂമധ്യരേഖയോടുള്ള സാമീപ്യത്തിൽ ആയതിനാൽ സീസണൽ താപനിലയിൽ കാര്യമായ വ്യത്യാസമില്ലാത്ത മിതമായതോ ഉയർന്നതോ ആയ ഈർപ്പമുള്ള കാലാവസ്ഥയാണുള്ളത്. വാർഷിക താപനില 20 നും 35 °C നും ഇടയിലാണ് (68 നും 95 °F നും ഇടയിൽ). ഗ്രാമം പശ്ചിമഘട്ടത്തിന്റെ കാറ്റിന്റെ ദിശയിലായതിനാൽ ജൂൺ മുതൽ സെപ്റ്റംബർ വരെ തെക്ക്-പടിഞ്ഞാറൻ മൺസൂൺ ഇവിടെ കനത്ത മഴ നൽകുന്നു. ഒക്ടോബർ മുതൽ ഡിസംബർ വരെ, വടക്കുപടിഞ്ഞാറൻ മൺസൂണിൽ നിന്നുള്ള നേരിയ മഴ ഇവിടെ ലഭിക്കുന്നു. ശരാശരി വാർഷിക മഴ 3600 മില്ലിമീറ്ററാണ്. അരയൻകാവിന്റെ തെക്ക് ഭാഗത്ത് നീർപ്പാറയും, പടിഞ്ഞാറ് ഭാഗത്ത് കായൽത്തീരവും, വടക്ക് ഭാഗത്ത് കാഞ്ഞിരമറ്റവും, കിഴക്ക് തോട്ടറ പുഞ്ചയും അതിരിടുന്നു.