അമേരിക്കൻ ഐക്യനാടുകളുടെ ചരിത്രം
,_administrative_divisions_-_en_-_colored_(zoom).svg)
ഇന്ന് അമേരിക്കൻ ഐക്യനാടുകളിൽ ഉൾപ്പെടുന്ന ഭൂവിഭാഗത്തിൽ സഹസ്രാബ്ദങ്ങളായി തദ്ദേശീയ അമേരിക്കക്കാർ വസിച്ചിരുന്നു, ഇവരുടെ പിൻഗാമികളിൽ ഇന്ന് ഫെഡറൽ അംഗീകാരമുള്ള 574 ഗോത്രങ്ങളിൽ ജനങ്ങളും ഉൾപ്പെടുന്നു. 1607-ൽ ഇംഗ്ലണ്ടിൽ നിന്നും എത്തിയ കുടിയേറ്റക്കാർ ഇന്നത്തെ വിർജീനിയയിലെ ജെയിംസ്ടൗണിൽ താമസമുറപ്പിച്ചു. പതിനഞ്ചാം നൂറ്റാണ്ടിന്റെ അവസാനത്തോടെ ആരംഭിച്ച യൂറോപ്യൻ കോളനിവൽക്കരണം യുദ്ധങ്ങളിലൂടെയും പകർച്ചവ്യാധികളിലൂടെയും തദ്ദേശീയ സമൂഹങ്ങളെ വ്യാപകമായി ഉന്മൂലനം ചെയ്തു. 1760-കളോടേ അന്നത്തെ ബ്രിട്ടീഷ് അമേരിക്കയുടെയും ഗ്രേറ്റ് ബ്രിട്ടന്റെയും ഭാഗമായ പതിമൂന്ന് കോളനികൾ സ്ഥാപിക്കപ്പെട്ടു. തെക്കൻ കോളനികൾ ആഫ്രിക്കയിൽ നിന്നും ലക്ഷക്കണക്കിനു ആളുകളെ ആടിമകളാക്കി അടിമക്കച്ചവടത്തിൽ അധിഷ്ഠിതമായ കാർഷികവ്യവസ്ഥ കെട്ടിപ്പടുത്തു.ഫ്രാൻസിനെ ഫ്രഞ്ച് ഇന്ത്യൻ യുദ്ധങ്ങളിൽ പരാജയപ്പെടുത്തിയതോടെ 1773-ൽ ബ്രിട്ടീഷ് പാർലിമെന്റ് പുതിയ നികുതികൾ ചുമത്തുകയും കോളനുകളുടെ സ്വയം ഭരണാവകാശം അവസാനിപ്പിക്കാനുള്ള നിയമങ്ങൾ പാസാക്കുകയും ചെയ്തു. കോളനികളും ബ്രിട്ടീഷ് അധികാരികളും തമ്മിലുള്ള പ്രശ്നങ്ങൾ രൂക്ഷമായത്, 1775 ഏപ്രിൽ 19-ന് ലെക്സിങ്ടൺ- കൊൺകോഡ് യുദ്ധത്തിലേക്കും [1]അമേരിക്കൻ സ്വാതന്ത്ര്യസമരത്തിലേക്ക് നയിച്ചു.
