അമിന ടൈലർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അമിന ടൈലർ
Amina Tyler.jpeg
ജനനം അമിന സ്ബോയ്
1994 ഡിസംബർ 7(1994-12-07)
ടുണീഷ്യ
ദേശീയത ടുണീഷ്യൻ
തൊഴിൽ വിദ്യാർത്ഥിനി, സാമൂഹ്യപ്രവർത്തക

ടുണീഷ്യൻ വിദ്യാർത്ഥിനിയും, സ്ത്രീകളുടെ അവകാശങ്ങൾക്കായി പ്രവർത്തിക്കുന്ന സാമൂഹ്യപ്രവർത്തകയും, ഫെമെൻ അംഗവുമായ അമിന ടൈലർ (Arabic: أمينة تيلر‎ b1994 ഡിസംബർ 7നാണ് ജനിച്ചത്.[1] അമിന സ്ബോയ് എന്നായിരുന്നു യഥാർത്ഥ പേര്.[2]

2013 മാർച്ച് 11-ന് ടൈലർ ഫേസ്ബുക്കിൽ അരയ്ക്കുമുകളിൽ നഗ്നയായ തന്റെ ചിത്രം നൽകി. "എന്റെ ശരീരം എന്റേതാണ്. ഇത് ആരുടെയും അഭിമാനത്തിന്റെ സ്രോതസ്സല്ല" എന്ന് അറബിയിൽ അടിക്കുറിപ്പുമുണ്ടായിരുന്നു.[3] ടുണീഷ്യയിൽ ഇതിനെതിരായി ശക്തമായ പ്രതിഷേധമുണ്ടായി. രണ്ടുവർഷം മുൻപ് ഈജിപ്റ്റുകാരിയായ അലിയ മാഗ്ദ എൽമാഹ്ദി തന്റെ നഗ്നചിത്രങ്ങൾ പ്രസിദ്ധീകരിച്ചപ്പോഴുണ്ടായതിന് തുല്യമായിരുന്നു പ്രതിഷേധങ്ങൾ. മാർച്ച് 16-ന് ഒരു ടെലിവിഷൻ പരിപാടിയിൽ പങ്കെടുത്ത ടൈലർ താൻ നഗ്ന ചിത്രം നൽകിയത് ലൈംഗിക കാരണങ്ങളാലല്ല എന്നും പുരുഷാധിപത്യം നിലനിൽക്കുന്ന സമൂഹത്തിൽ സ്ത്രീസ്വാതന്ത്ര്യം കൊണ്ടുവരുന്നതിനുള്ള ശ്രമത്തിന്റെ ഭാഗമായാണെന്നും വിശദീകരിച്ചു.[4]

ഇമാം അദെൽ ആൽമി അമിനയ്ക്ക് 100 ചാട്ടവാറടി നൽകുവാനും കല്ലെറിഞ്ഞ് കൊല്ലുവാനും ഫത്‌വ പുറപ്പെടുവിച്ചു.[5] 2013 മെയ് 19-ന് സലഫി പാർട്ടിയായ അൻസർ അൽ-ശരിയയുടെ വാർഷിക സമ്മേളനത്തിൽ പ്രതിഷേധിച്ചുകൊണ്ട് കൈറോആനിൽ ഒരു ശവക്കോട്ടയുടെ ഭിത്തിയിൽ "ഫെമെൻ" എന്ന് പെയിന്റ് ചെയ്തു. ഇതെത്തുടർന്ന് അമിനയെ അറസ്റ്റ് ചെയ്തു.[6]

ടൈലറിന്റെ പിതാവ് മൗനിർ സ്ബോയ് എന്ന ഡോക്ടർ തന്റെ മകൾ കുറ്റമൊന്നും ചെയ്തിട്ടില്ല എന്ന് ലിബറേഷൻ എന്ന ഫ്രഞ്ച് പത്രത്തിനു നൽകിയ അഭിമുഖത്തിൽ അഭിപ്രായപ്പെട്ടു. തന്റെ മകൾ "സ്വന്തം ആശയങ്ങളെ പ്രതിരോധിച്ചതിൽ" തനിക്ക് അഭിമാനമാണുള്ളതെന്ന് അദ്ദേഹം പറഞ്ഞു.[7]

അമിനയെ വിട്ടയയ്ക്കണം എന്നാവശ്യപ്പെട്ട് അന്താരാഷ്ട്രതലത്തിൽ പ്രതിഷേധങ്ങളുണ്ടായി. 2013 ജൂൺ 12-ന് ഒരു ടുണീഷ്യൻ കോടതി ചില ഫെമെൻ പ്രവർത്തകരെ (രണ്ട് ഫ്രഞ്ചുകാരികളും ഒരു ജർമൻ കാരിയും) അമിനയെ വിട്ടയയ്ക്കണം എന്നാവശ്യപ്പെട്ട് പ്രതിഷേധം നടത്തിയതിന് ശിക്ഷിച്ചു. പൊതുസ്ഥലത്ത് അശ്ലീലപ്രകടനം നടത്തി എന്നായിരുന്നു ഇവരുടെ കുറ്റം.[8]

കോടതിയലക്ഷ്യം, അപകീർത്തിപ്പെടുത്തൽ എന്നീ കുറ്റങ്ങളിൽ നിന്ന് ടൈലറെ വിമുക്തയാക്കിയെങ്കിലും ശവസംസ്കാരസ്ഥലം വികൃതമാക്കി എന്ന കുറ്റത്തിന് വിചാരണ ചെയ്യുവാനായി തടവിൽ തന്നെ വച്ചിരിക്കുകയായിരുന്നു.[9] ഇതിനിടെ ഫെമെൻ പാരീസിലെ ഗ്രാന്റ് മോസ്കിനു മുന്നിൽ തൗഹിദ് പതാക കത്തിച്ച് പ്രകടനം നടത്തുകയുണ്ടായി flag. 2013 ഓഗസ്റ്റിൽ ജയിൽ വിമോചിതയായതിനെത്തുടർന്ന് ടൈലർ താൻ ഫെമെൻ വിടുകയാണെന്ന് പ്രഖ്യാപിച്ചു. പാരീസിലെ ഫെമെൻ പ്രതിഷേധം ഇസ്ലാമിക ലോകത്തോടുള്ള ബഹുമാനക്കുറവാണ് കാണിക്കുന്നതെന്നും ഈ സംഘടനയിലെ സാമ്പത്തിക സുതാര്യതയില്ലായ്മയും ചൂണ്ടിക്കാട്ടിയായിരുന്നു ഇത്. [10]

അവലംബം[തിരുത്തുക]

  1. Girard, Quentin (5 September 2013). "Amina. Un nouveau dessein" (in French). Retrieved 29 December 2014. 
  2. "Reaparece ante el juez la joven feminista tunecina Amina Tyler, que sigue detenida" (in Spanish). 5 June 2013. Retrieved 29 July 2013. 
  3. El País (25 May 2013). "Amina: sola frente a los radicales" (in Spanish). Retrieved 29 July 2013. 
  4. ed2murrow (2013-04-12). "Verdammt, ein Busen! Ihr Name wird in deutschen Medien kaum erwähnt: Amina Tyler, die mit ihren Fotos für Aufruhr sorgte. Eine Rekonstruktion". Der Freitag (in ജർമ്മൻ). Retrieved 2014-12-30. 
  5. "Amina Tyler, condenada a morir a pedradas en Túnez". 2013. Retrieved 29 July 2013. 
  6. leaders (23 May 2013). "Amina sera jugée le 30 mai à Kairouan" (in French). Retrieved 29 July 2013. 
  7. Auffray, Elodie (2013-06-05). "Mounir Sboui. Père et fier d'Amina". Libération (in ഫ്രഞ്ച്). Retrieved 2014-12-30. 
  8. Femen activists jailed in Tunisia for topless protest, BBC News (12 June 2013)
  9. Tunisian Femen activist ‘acquitted’ of defamation, France 24 (29 July 2013)
    Court dismisses 1 charge against Tunisian feminist[പ്രവർത്തിക്കാത്ത കണ്ണി], TimesDaily (29 July 2013)
    Tunisian Activist Acquitted Amid Growing Unrest, Voice of America (29 July 2013)
  10. https://www.vocativ.com/08-2013/topless-tunisian-teen-activist-dumps-femen-but-still-takes-naked-selfies/
    Tunisia's Amina quits ‘Islamophobic’ Femen, France 24 (20 August 2013)
"https://ml.wikipedia.org/w/index.php?title=അമിന_ടൈലർ&oldid=2310329" എന്ന താളിൽനിന്നു ശേഖരിച്ചത്