അന്നിയൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അന്നിയൻ
ചലച്ചിത്രത്തിന്റെ പോസ്റ്റർ
സംവിധാനംഎസ്. ഷങ്കർ
നിർമ്മാണംവി. രവിചന്ദ്രൻ
കഥഎസ്. ഷങ്കർ
തിരക്കഥഎസ്. ഷങ്കർ
സുജാത രംഗരാജൻ
അഭിനേതാക്കൾ
സംഗീതംഹാരിസ് ജയരാജ്
ഛായാഗ്രഹണം
ചിത്രസംയോജനംവി.ടി. വിജയൻ
വിതരണംആസ്കർ ഫിലിംസ്
സ്റ്റുഡിയോആസ്കർ ഫിലിംസ്
റിലീസിങ് തീയതി
  • 17 ജൂൺ 2005 (2005-06-17)
രാജ്യംഇന്ത്യ
ഭാഷതമിഴ്
സമയദൈർഘ്യം181 മിനിറ്റുകൾ
ആകെest. 570 million[1][2]

2005 - ൽ എസ്. ഷങ്കർ സംവിധാനം ചെയ്ത് പുറത്തിറങ്ങിയ ഒരു തമിഴ് മനഃശാസ്ത്രസംബന്ധിയായ ചലച്ചിത്രമാണ് അന്നിയൻ (മലയാളം: അന്യൻ). സമൂഹത്തിൽ നടക്കുന്ന തെറ്റായ പ്രവൃത്തികളും ഉദ്യോഗസ്ഥതലങ്ങളിൽ നടക്കുന്ന അഴിമതികളും അറിയുന്നതുമൂലം ഒരു സാധാരണക്കാരനായ വ്യക്തി അസ്വസ്ഥനാകുന്നതും തുടർന്ന് ദ്വന്ദവ്യക്തിത്വം അഥവാ അപരവ്യക്തിത്വം ബാധിച്ച അയാൾ അഴിമതികളെ ഇല്ലാതാക്കാൻ ശ്രമിക്കുന്നതുമാണ് ചിത്രത്തിന്റെ ഉള്ളടക്കം. ദീർഘവീക്ഷണമുള്ള അഭിഭാഷകനായ അംബി, അപരവ്യക്തിത്വം ബാധിച്ചതു മൂലം രൂപപ്പെടുന്ന മെട്രോസെക്ഷ്വലായ ഫാഷൻ മോഡൽ റെമോ, കൊലപാതകിയായ അന്നിയൻ എന്നീ കേന്ദ്രകഥാപാത്രങ്ങളെ അവതരിപ്പിച്ചിരിക്കുന്നത് വിക്രമാണ്.[3][4] ഈ കഥാപാത്രത്തിന്റെ കാമുകിയായ നന്ദിനി എന്ന കഥാപാത്രത്തെ സദ അവതരിപ്പിച്ചിരിക്കുന്നു. കൂടാതെ വിവേക്, പ്രകാശ് രാജ്, നെടുമുടി വേണു, നാസർ എന്നിവരാണ് മറ്റ് കേന്ദ്രകഥാപാത്രങ്ങളെ അവതരിപ്പിച്ചിരിക്കുന്നത്. ആസ്കർ ഫിലിംസിനു കീഴിൽ വി. രവിചന്ദ്രൻ നിർമ്മിച്ച ഈ ചലച്ചിത്രത്തിന്റെ തിരക്കഥ രചിച്ചിരിക്കുന്ന് ഷങ്കറും സുജാത രംഗരാജനും ചേർന്നാണ്.

ഷങ്കർ സംവിധാനം ചെയ്ത് തൊട്ടുമുൻപ് പുറത്തിറങ്ങിയ ബോയ്സ് എന്ന ചലച്ചിത്രത്തിന്റെ അവസാന ഘട്ട നിർമ്മാണ പ്രവർത്തനങ്ങൾക്കിടയിലാണ് ഈ കഥയുടെ മൂലരൂപം ഷങ്കർ തയ്യാറാക്കിയത്.[5] സ്വന്തം ജീവിതത്തിൽ തന്നെ ആദ്യകാലഘട്ടങ്ങളിൽ അനുഭവിക്കേണ്ടിവന്നിട്ടുള്ള സാമൂഹിക പ്രശ്നങ്ങളെയും അഴിമതി മൂലമുണ്ടായ പ്രശ്നങ്ങളെയുമാണ് ഷങ്കർ ആധാരമാക്കിയത്. 2003 നവംബറിൽ ആരംഭിച്ച അന്നിയന്റെ നിശ്ചലചിത്ര ഛായാഗ്രഹണം 2004 മാർച്ചിൽ പൂർത്തിയായി. ഇതിനെത്തുടർന്ന് ചിത്രീകരണം ആരംഭിച്ചെങ്കിലും ഏതാനും പ്രാവശ്യം കാലതാമസങ്ങൾ നേരിട്ടതിനാൽ ചിത്രീകരണം 14 മാസങ്ങൾ നീണ്ടുനിന്നു. ഹൈദരാബാദ്, തഞ്ചാവൂർ, വില്ലുപുറം, ചെന്നൈ എന്നിവിടങ്ങളിലാണ് അന്നിയൻ പ്രധാനമായും ചിത്രീകരിച്ചത്. കൂടാതെ ഗാനരംഗങ്ങൾ ആംസ്റ്റർഡാം, മുംബൈ, മലേഷ്യ, തെങ്കാശി എന്നിവിടങ്ങളിലും ചിത്രീകരിച്ചു. ത്യാഗരാജ ആരാധന സംഗീതോത്സവം ഈ ചിത്രത്തിലെ ചിത്രീകരണത്തിനുവേണ്ടി പുനഃസൃഷ്ടിച്ചിട്ടുണ്ട്. ഒപ്പം ഒരു സംഘട്ടന രംഗത്തിൽ ടൈം സ്ലൈസ് ഛായാഗ്രഹണം ധാരാളം ഉപയോഗിച്ചതും ഏറെ ശ്രദ്ധേയമായിരുന്നു.

ചിത്രീകരണത്തിന്റെ പകുതിയിൽ വച്ച് വി. മണികണ്ഠൻ പിന്മാറിയതോടെ, തുടർന്ന് രവി വർമ്മൻ ആയിരുന്നു ബാക്കി ഛായാഗ്രഹണം പൂർത്തിയാക്കിയത്. ചിത്രത്തിന്റെ മറ്റ് സാങ്കേതിക വിഭാഗങ്ങൾ കൈകാര്യം ചെയ്തത് വി.ടി. വിജയൻ (ചിത്രസംയോജനം), സാബു സിറിൾ (കലാസംവിധാനം), പീറ്റർ ഹെയ്ൻ (സ്റ്റണ്ട് കോറിയോഗ്രഫി), ഹാരിസ് ജയരാജ് (സംഗീതസംവിധാനം) എന്നിവരായിരുന്നു. ഹാരിസ് ജയരാജും ഷങ്കറും ഒരുമിച്ച പ്രവർത്തിച്ച ആദ്യത്തെ ചലച്ചിത്രമായിരുന്നു ഇത്. സംവിധായകൻ ഷങ്കറിന്റെ മാസ്റ്റർപീസുകളിൽ ഒന്നായി കണക്കാക്കപ്പെടുന്ന അന്നിയൻ, 263.8 മില്യൺ മുടക്കുമുതലിലാണ് നിർമ്മിച്ചത്.[6] അതുവരെ നിർമ്മിക്കപ്പെട്ട ദക്ഷിണേന്ത്യൻ ചലച്ചിത്രങ്ങളിൽ വച്ച് ഏറ്റവും ചെലവേറിയ ചിത്രമായിരുന്നു അന്നിയൻ. ഇൻസ്റ്റിറ്റ്യൂഷണൽ സാമ്പത്തിക സംവിധാനം നേടിയ ആദ്യത്തെ ദക്ഷിണേന്ത്യൻ ചലച്ചിത്രമാണിത്. കൂടാതെ അന്നുണ്ടായിരുന്നതിൽ ഏറ്റവും കൂടുതൽ ഇൻഷുറൻസ് തുകയും അന്നിയന്റേതായിരുന്നു.

തമിഴിൽ ചിത്രീകരിച്ച അന്നിയൻ, 2005 ജൂൺ 17 - ന് നാല് ദക്ഷിണേന്ത്യൻ സംസ്ഥാനങ്ങളിലും പുറത്തിറങ്ങി. തെലുഗിൽ അപരിചിതുഡു എന്ന പേരിലും ഹിന്ദിയിൽ അപരിചിത് എന്ന പേരിലും ഡബ്ബ് ചെയ്തായിരുന്നു ചിത്രം പുറത്തിറക്കിയത്. ഹിന്ദി പതിപ്പ് 2006 മേയ് 19 - ന് പുറത്തിറങ്ങി. തുടർന്ന് കൊളമ്പിയ ട്രൈസ്റ്റാറിന്റെ നേതൃത്വത്തിൽ ഫ്രഞ്ചിലേക്ക് അന്നിയൻ ഡബ്ബ് ചെയ്യുകയും ഫ്രഞ്ച് ഭാഷ സംസാരിക്കുന്ന രാജ്യങ്ങളിൽ റിലീസ് ചെയ്യുകയും ചെയ്തു. ദക്ഷിണേന്ത്യയിലുടനീളം അന്നിയൻ വാണിജ്യപരമായി വലിയ വിജയം നേടിയെങ്കിലും ഹിന്ദി പതിപ്പ് ബോക്സ് ഓഫീസിൽ പരാജയപ്പെട്ടു. പൊതുവെ അനുകൂല പ്രതികരണങ്ങൾ ലഭിച്ച അന്നിയൻ, 570 മില്യൺ രൂപയാണ് ആകെ കളക്ഷനായി നേടിയത്. ആ വർഷം എട്ട് ഫിലിംഫെയർ പുരസ്കാരങ്ങളും ആറ് സംസ്ഥാന ചലച്ചിത്ര പുരസ്കാരങ്ങളും സ്പെഷ്യൽ ഇഫക്ട്സിനുള്ള ദേശീയ ചലച്ചിത്ര പുരസ്കാരവും അന്നിയന് ലഭിച്ചു.

റിലീസ്[തിരുത്തുക]

സെൻട്രൽ ബോർഡ് ഓഫ് ഫിലിം സർട്ടിഫിക്കേഷനിൽ നിന്നും യാതൊരു വിധ ഒഴിവാക്കലുകളും കൂടാതെ "U" സർട്ടിഫിക്കറ്റായിരുന്നു അന്നിയന് ലഭിച്ചത്. [7] 2004 ദീപാവലി സമയത്ത് ചിത്രം റിലീസ് ചെയ്യാമെന്ന് ഷങ്കർ പ്രതീക്ഷിച്ചിരുന്നെങ്കിലും ഒന്നിലധികം പ്രാവശ്യം നിർമ്മാണത്തിന് കാലതാമസം നേരിട്ടതിനെ തുടർന്ന് റിലീസ് തീയത് 2005 ആദ്യ പാദത്തിലേക്ക് മാറ്റി.[8] 2005 മാർച്ചിൽ ചിത്രീകരണവും മറ്റ് പ്രവർത്തനങ്ങളും പൂർത്തിയായെങ്കിലും റീ-റെക്കോർഡിങ് ഏപ്രിലിൽ ആരംഭിക്കുകയും പ്രതീക്ഷിച്ചതിനേക്കാൾ കൂടുതൽ സമയം വേണ്ടിവരികയും ചെയ്തു.[9] തുടർന്ന് 2005 മേയ് 20 - ൽ നിന്ന് മേയ് 27 ലേക്ക് റിലീസ് തീയതി മാറ്റേണ്ടിവന്നു.[10][11] ഒടുവിൽ 2005 ജൂൺ 10 - നാണ് റിലീസ് തീയതി തീരുമാനിച്ചത്.[12] എന്നാൽ ഷങ്കറിന്റെ ആവശ്യപ്രകാരം 2005 ജൂൺ 17-ലേക്ക് വീണ്ടും റിലീസ് തീയതി മാറ്റുകയുണ്ടായി. 8 തന്റെ ഭാഗ്യനമ്പറാണെന്നു പറഞ്ഞുകൊണ്ടാണ് റിലീസ് തീയതി 17ലേക്കു മാറ്റാൻ ഷങ്കർ ആവശ്യപ്പെട്ടത്. (1+7=8).[13]

മറ്റ് ദക്ഷിണേന്ത്യൻ ഭാഷകളിലേക്കും ഡബ്ബ് ചെയ്യപ്പെട്ട അന്നിയൻ, തമിഴ്നാട്, ആന്ധ്രാപ്രദേശ്, കർണാടക, കേരളം എന്നീ ദക്ഷിണേന്ത്യൻ സംസ്ഥാനങ്ങളിൽ ഒരേ സമയം റിലീസ് ചെയ്തു.[14] അമേരിക്കൻ ഐക്യനാടുകൾ, യുണൈറ്റഡ് കിങ്ഡം, ഓസ്ട്രേലിയ, ജർമ്മനി, മലേഷ്യ, സിംഗപ്പൂർ എന്നീ പ്രധാനപ്പെട്ട വിദേശ രാജ്യങ്ങളിലും ചിത്രം റിലീസ് ചെയ്തിരുന്നു. തമിഴിലും തെലുഗിലും മാത്രം ആകെ 404 സ്ക്രീനുകളിലാണ് അന്നിയൻ റിലീസ് ചെയ്തത്.[15] പാരമൗണ്ട് പിക്ചേഴ്സ് ആയിരുന്നു ചിത്രം ഫ്രഞ്ചിലേക്ക് മൊഴിമാറ്റം നടത്തിയത്.[15][16] ഫ്രഞ്ച് ഭാഷയിലേക്ക് ഡബ്ബ് ചെയ്യപ്പെടുന്ന ആദ്യത്തെ തമിഴ് ചലച്ചിത്രമായി ഇതോടെ അന്നിയൻ മാറി.[17] കൂടാതെ 2006 മേയ് 19 - ന് ചിത്രത്തിന്റെ ഡബ്ബ് ചെയ്ത ഹിന്ദി പതിപ്പായ അപരിചിത്: ദ സ്ട്രെയ്ഞ്ചർ എന്ന ചലച്ചിത്രവും പുറത്തിറങ്ങി.[18] വിക്രം നായകനായി പുറത്തിറങ്ങിയ ആദ്യത്തെ ഹിന്ദി ചലച്ചിത്രമായിരുന്നു ഇത്.[19] ഹിന്ദിയിൽ ചലച്ചിത്രം റിലീസ് ചെയ്യുന്നതിന് തലേദിവസം നടന്ന സ്വകാര്യ സ്ക്രീനിങ്ങിൽ വലിയ തോതിലുള്ള അനുകൂല പ്രതികരണങ്ങളാണ് അന്നിയന് ലഭിച്ചത്.[20]

അവലംബം[തിരുത്തുക]

  1. Amit Roy (9 June 2006). "India booming". The Telegraph. മൂലതാളിൽ നിന്നും 22 November 2014-ന് ആർക്കൈവ് ചെയ്തത്. ശേഖരിച്ചത് 22 November 2014. Unknown parameter |url-status= ignored (help)
  2. "Top Grossers in 2006" (PDF). Pickle. International Film Festival of India. 21 October 2006. മൂലതാളിൽ (PDF) നിന്നും 3 January 2015-ന് ആർക്കൈവ് ചെയ്തത്. ശേഖരിച്ചത് 3 January 2015.
  3. Shobha Warrier (16 June 2005). "People expect big films from Shankar". Rediff.com. മൂലതാളിൽ നിന്നും 7 December 2014-ന് ആർക്കൈവ് ചെയ്തത്. ശേഖരിച്ചത് 18 December 2014. Unknown parameter |url-status= ignored (help)
  4. Rangan 2014.
  5. Sreedhar Pillai (11 March 2005). "Director's dream project". The Hindu. മൂലതാളിൽ നിന്നും 13 November 2012-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  6. "Anniyan — Sneak peek". Sify. മൂലതാളിൽ നിന്നും 16 September 2015-ന് ആർക്കൈവ് ചെയ്തത്. ശേഖരിച്ചത് 22 November 2014. Unknown parameter |url-status= ignored (help)
  7. "U certificate for Anniyan!". Sify. 11 June 2005. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  8. K. Manikandan (5 March 2004). "And now..." The Hindu. മൂലതാളിൽ നിന്നും 19 September 2015-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  9. "Anniyan arrives on 17th". Sify. 3 June 2005. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  10. "Anniyan trailer from today". Sify. 7 May 2005. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  11. "Anniyan confirmed on May 20". Sify. 23 April 2005. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  12. "Anniyan confirmed on June 10". Sify. 23 May 2005. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  13. "1+7=8, Shankar's lucky number!". Sify. 5 July 2006. മൂലതാളിൽ നിന്നും 22 December 2016-ന് ആർക്കൈവ് ചെയ്തത്. ശേഖരിച്ചത് 28 June 2014. Unknown parameter |url-status= ignored (help)
  14. Malathi Rangarajan (5 August 2005). "Victory, Verve, Vikram". The Hindu. മൂലതാളിൽ നിന്നും 6 December 2007-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  15. 15.0 15.1 Sreedhar Pillai (18 June 2005). "The mother of all biggies". The Hindu. മൂലതാളിൽ നിന്നും 19 October 2013-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  16. "French `Anniyan' soup?". The Hindu. 23 July 2005. മൂലതാളിൽ നിന്നും 22 December 2016-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  17. "Have you met Aparichit?". Rediff.com. 18 May 2006. മൂലതാളിൽ നിന്നും 28 October 2014-ന് ആർക്കൈവ് ചെയ്തത്. ശേഖരിച്ചത് 24 November 2014. Unknown parameter |url-status= ignored (help)
  18. Ziya Us Salam (19 May 2006). "Aparichit no more". The Hindu. മൂലതാളിൽ നിന്നും 22 December 2016-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  19. "Vikram goes to Bollywood". IndiaGlitz. 6 May 2006. മൂലതാളിൽ നിന്നും 20 April 2014-ന് ആർക്കൈവ് ചെയ്തത്. ശേഖരിച്ചത് 19 April 2014. Unknown parameter |url-status= ignored (help)
  20. Faheem Ruhani (18 May 2006). "I'd be thrilled if SRK likes my movie, says Vikram". Daily News and Analysis. മൂലതാളിൽ നിന്നും 4 January 2015-ന് ആർക്കൈവ് ചെയ്തത്. ശേഖരിച്ചത് 4 January 2015. Unknown parameter |url-status= ignored (help)
"https://ml.wikipedia.org/w/index.php?title=അന്നിയൻ&oldid=3238095" എന്ന താളിൽനിന്ന് ശേഖരിച്ചത്