അന്താരാഷ്ട്ര വെതർകോഡ്

ഇംഗ്ലീഷ് വിലാസം

https://ml.wikipedia.org/wiki/METAR

കാലാവസ്ഥാ സൂചനയ്ക്കുതകുന്ന അന്തരീക്ഷ സ്ഥിതിവിവരം രാജ്യാന്തരതലത്തിൽ വിനിമയം ചെയ്യുവാൻ ഉപയോഗിച്ചുവരുന്ന ചുരുക്കെഴുത്തുകളുടെ (codes) സംഹിതയാണ് അന്താരാഷ്ട്ര അന്താരാഷ്ട്ര വെതർകോഡ് (International Weather Code). അംഗീകാരം സിദ്ധിച്ചിട്ടുള്ള വെതർകോഡ് അന്തരീക്ഷനിരീക്ഷണ ലോകസംഘടന(WMO)യുടെ ഔദ്യോഗിക പ്രസിദ്ധീകരണത്തിൽ ചേർത്തിരിക്കുന്നു.

ആർദ്രോഷ്ണസ്ഥിതിയെ സൂചിപ്പിക്കുന്ന സന്ദേശങ്ങൾ അഞ്ച് അക്കങ്ങൾ അടങ്ങിയ ഗ്രൂപ്പുകളായാണ് നൽകിവരുന്നത്. ചിലപ്പോൾ നാലക്കം മാത്രമുള്ള ഗ്രൂപ്പുകളും ഉണ്ടാകാറുണ്ട്. താഴെപ്പറയുന്നവയിൽ ഏതെങ്കിലും ഒന്നിനെ പ്രതിനിധാനം ചെയ്യുന്ന അക്കങ്ങളാണ് ഉണ്ടായിരിക്കുക.

1. ഏതെങ്കിലും ഒരു ആർദ്രോഷ്ണമൂലകത്തിന്റെ (weather element) പ്രതീകമായ അക്കം.
2. പ്രസക്തമൂലകത്തിന്റെ തോത്, തീവ്രത തുടങ്ങിയവയിൽ ഏതെങ്കിലും ഒന്നിനെ ദ്യോതിപ്പിക്കുന്ന അക്കം.
3. ഗ്രൂപ്പിലെ മറ്റക്കങ്ങളെ വിശകലനം ചെയ്യുന്നതിനു സഹായകമായ വിവരം നൽകുന്ന അക്കം.
4. ഏതു പ്രത്യേക കേന്ദ്രത്തിൽ നിന്നാണ് സന്ദേശം അയയ്ക്കപ്പെടുന്നത് എന്നു സൂചിപ്പിക്കുന്ന അക്കം.
5. പ്രസക്ത കേന്ദ്രം (station) ഏതു രാജ്യത്തേതാണ്, കരയാണോ കടലാണോ എന്നൊക്കെയുള്ള വിവരം നല്കുന്ന സൂചക അക്കം.

ഈ അക്കങ്ങൾ പ്രത്യേക ക്രമവത്കരണത്തോടെ ഗ്രൂപ്പു ചെയ്ത്, മുറയനുസരിച്ചു വിനിമയം ചെയ്യപ്പെടുന്നു. ഇവയുടെ വിശദരൂപം ലോകത്തിന്റെ ഏതു കോണിലുമുള്ള നിരീക്ഷകർക്കും സുഗ്രഹമാണ്.

അന്തരീക്ഷ നിരീക്ഷണരംഗത്തു നിലവിലുള്ള അന്താരാഷ്ട്ര സഹകരണം കൂടുതൽ ഫലവത്താക്കുവാൻ ഏകീകൃതമായ സംജ്ഞാസംഹിത വളരെയധികം സഹായകമായിരിക്കുന്നു.

പുറംകണ്ണികൾ

• http://answers.yahoo.com/question/index?qid=20081208213258AACOaHG Archived 2016-03-26 at the Wayback Machine.
• http://www.earthcam.com/myec/yourwebcam/metar_instructions.php Archived 2011-08-29 at the Wayback Machine.
• http://weather.noaa.gov/fax/ Archived 2011-08-13 at the Wayback Machine.

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അന്താരാഷ്ട്ര വെതർകോഡ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.