അനുരാധ റോയ്
അനുരാധ റോയ് | |
|---|---|
| തൊഴിൽ | നോവലിസ്റ്റ്, പത്രപ്രവർത്തക, എഡിറ്റർ |
| ദേശീയത |  ഇന്ത്യൻ |
| വിദ്യാഭ്യാസം | ഇംഗ്ലീഷ് സാഹിത്യത്തിൽ ബിരുദാനന്തര ബിരുദം |
| ശ്രദ്ധേയമായ രചന(കൾ) | ആൻ അറ്റ്‌ലസ് ഓഫ് ഇംപോസിബിൾ ലോംഗിംഗ് (2008), ദ ഫോൾഡഡ് എർത്ത് (2011), സ്ലീപ്പിങ് ഓൺ ജ്യൂപിറ്റർ (2015) |
| അവാർഡുകൾ | ദക്ഷിണേഷ്യൻ സാഹിത്യപുരസ്കാരമായ ഡി.എസ്.സി. പ്രൈസ് (2015) |
| പങ്കാളി | റുകുൻ അദാനി |
| വെബ്സൈറ്റ് | |
| http://www.anuradharoy.blogspot.in/?m=1 | |
ഒരു ഇന്ത്യൻ ഇംഗ്ലീഷ് നോവലെഴുത്തുകാരിയും പത്രപ്രവർത്തകയും എഡിറ്ററുമാണ് അനുരാധ റോയ് (ജനനം:1967). ഇന്ത്യയിലെ സ്ത്രീകൾക്കും കുട്ടികൾക്കും നേരിടേണ്ടിവരുന്ന അതിക്രമങ്ങളും ദുരന്തങ്ങളും വരച്ചുകാട്ടുന്നവയാണ് ഇവരുടെ കൃതികൾ. സമൂഹത്തിന്റെ കപടനാട്യങ്ങളും ബന്ധങ്ങളിൽ വെച്ചുപുലർത്തുന്ന സങ്കീർണതകളും വിശകലനം ചെയ്യുന്ന കൃതികൾ ഏറെ നിരൂപകശ്രദ്ധ നേടിയവയാണ്‌. ആൻ അറ്റ്‌ലസ് ഓഫ് ഇംപോസിബിൾ ലോംഗിംഗ് (2008), ദ ഫോൾഡഡ് എർത്ത് (2011), സ്ലീപ്പിങ് ഓൺ ജ്യൂപിറ്റർ (2015) എന്നിവയാണ് ശ്രദ്ധേയമായ നോവലുകൾ. സ്ലീപ്പിങ് ഓൺ ജ്യൂപിറ്ററിന് 2015-ലെ ദക്ഷിണേഷ്യൻ സാഹിത്യപുരസ്കാരമായ ഡി.എസ്.സി. പ്രൈസ് ലഭിക്കുകയും മാൻ ബുക്കർ പുരസ്കാരത്തിനായി നാമനിർദ്ദേശം ചെയ്യപ്പെടുകയും ചെയ്തു.
ആദ്യകാലജീവിതം[തിരുത്തുക]
അനുരാധ റോയിയുടെ സ്വദേശം കൊൽക്കത്തയാണ്. പഠിച്ചതും വളർന്നതും ഹൈദരാബാദിലാണ്. ഹൈദരാബാദിലേ നാസർ സ്കൂളിലാണ് പ്രാഥമിക വിദ്യാഭ്യാസം പൂർത്തിയാക്കിയത്. കൽക്കട്ട സർവകലാശാലയ്ക്കു കീഴിൽ പ്രവർത്തിച്ചിരുന്ന പ്രസിഡൻസി കോളേജിലും കേംബ്രിഡ്ജ് സർവകലാശാലയിലുമായി ഇംഗ്ലീഷ് സാഹിത്യപഠനം പൂർത്തിയാക്കി. റുകുൻ അദാനിയെ വിവാഹം കഴിച്ചു. [1] ഭർത്താവുമായി ചേർന്ന് 2000-ൽ ആരംഭിച്ച പെർമനന്റ് ബ്ലാക്ക് എന്ന പബ്ലിഷിങ് ഹൗസിന്റെ എഡിറ്ററായും അനുരാധ പ്രവർത്തിച്ചിരുന്നു.[2]
എഴുത്ത്[തിരുത്തുക]
അനുരാധയുടെ ആദ്യ നോവലായ ആൻ അറ്റ്‌ലസ് ഓഫ് ഇംപോസിബിൾ ലോംഗിംഗ് പുറത്തിറങ്ങിയത് 2008-ലാണ്. ഏറെ നിരൂപകശ്രദ്ധ നേടിയ നോവൽ പതിനഞ്ചു ഭാഷകളിലേക്ക് വിവർത്തനം ചെയ്യപ്പെട്ടു. നഗരത്തിൽ നിന്നും നാട്ടിലേക്ക് ചേക്കേറിയ അമൂല്യബാബുവിന്റെ ദുരിതാനുഭവങ്ങൾ വിവരിക്കുന്ന ഈ കൃതി നിരവധി പുരസ്കാരങ്ങൾ സ്വന്തമാക്കി. ഈ നോവലിനെ ആധുനിക ഇന്ത്യൻ ഇംഗ്ലീഷ് സാഹിത്യത്തിലെ ഏറ്റവും പ്രധാനപ്പെട്ട അറുപത് പുസ്തകങ്ങളിലൊന്നായി വേൾഡ് ലിറ്ററേച്ചർ ടുഡേ തെരഞ്ഞെടുത്തിരുന്നു.[3]
അനുരാധയുടെ രണ്ടാമത്തെ നോവലായ ദ ഫോൾഡഡ് എർത്തും (2011) നിരൂപകപ്രശംസ നേടിയിരുന്നു. പർവ്വതാരോഹണത്തിൽ മരിച്ചയാളുടെ ഭാര്യ സമൂഹത്തെ നോക്കിക്കാണുന്ന രീതിയിലുള്ള കഥ അവതരിപ്പിച്ച നോവലിന് എക്കൊണോമിക്സ് ക്രോസ് വേഡ് പ്രൈസ് ലഭിച്ചിരുന്നു. ഈ കൃതിയും അനേകം ഭാഷകളിലേക്ക് മൊഴിമാറ്റം ചെയ്യപ്പെട്ടു.[4]
അനുരാധയുടെ മൂന്നാമത്തെ നോവലായ സ്ലീപ്പിങ് ഓൺ ജ്യൂപിറ്റർ പുറത്തിറങ്ങിയത് 2015-ലാണ്. കലാപത്തിൽ മാതാപിതാക്കളെയും സഹോദരനെയും നഷ്ടപ്പെട്ട നോമിത എന്ന ഏഴുവയസ്സുകാരിക്ക് നേരിടേണ്ടിവരുന്ന ലൈംഗിക അതിക്രമങ്ങളാണ് നോവലിന്റെ ഇതിവൃത്തം. ഇന്ത്യൻ വനിതകളുടെ നിസ്സഹായാവസ്ഥയും ആൾ ദൈവങ്ങളുടെ കാപട്യവും വരച്ചുകാട്ടുന്ന ഈ നോവൽ ആഗോളതലത്തിൽ ഏറെ ചർച്ച ചെയ്യപ്പെട്ടിരുന്നു. 2015-ലെ ദക്ഷിണേഷ്യൻ സാഹിത്യത്തിനുള്ള ഡി.എസ്.സി. പ്രൈസ് സ്വന്തമാക്കിയ ഈ കൃതി ആ വർഷത്തെ മാൻ ബുക്കർ സമ്മാനത്തിനുള്ള ചുരുക്കപ്പട്ടികയിലും ഇടം നേടിയിരുന്നു.
രചനകൾ[തിരുത്തുക]
- ആൻ അറ്റ്‌ലസ് ഓഫ് ഇംപോസിബിൾ ലോംഗിംഗ് (2008)
- ദ ഫോൾഡഡ് എർത്ത് (2011)
- സ്ലീപ്പിങ് ഓൺ ജ്യൂപിറ്റർ (2015)
ബഹുമതികൾ[തിരുത്തുക]
- 2004 ഔട്ട്ലുക്ക്/പിക്കഡോർ ഇന്ത്യ നോൺ-ഫിക്ഷൻ കോംപറ്റീഷൻ, കുക്കിങ് വിമെൻ[5]
- 2011 ദ ഹിന്ദു ലിറ്റററി പ്രൈസ്, ചുരുക്കപ്പട്ടിക, ദ ഫോൾഡഡ് എർത്ത്.[6]
- 2011 മാൻ ഏഷ്യൻ ലിറ്റററി പ്രൈസ്, ലോങ് ലിസ്റ്റ് ദ ഫോൾഡഡ് എർത്ത്.[7]
- 2011 ക്രോസ്‌വേഡ് ബുക്ക് അവാർഡ്, ദ ഫോൾഡഡ് എർത്ത്[8][9]
- 2015 മാൻ ബുക്കർ സമ്മാനം, ലോങ്ങ് ലിസ്റ്റ്, സ്ലീപ്പിങ് ഓൺ ജ്യൂപിറ്റർ.
- 2015 ദ ഹിന്ദു ലിറ്റററി പ്രൈസ്, ഷോർട്ട്ലിസ്റ്റ്, സ്ലീപ്പിങ് ഓൺ ജ്യൂപിറ്റർ[10]
- 2016 ദക്ഷിണേഷ്യൻ സാഹിത്യത്തിനുള്ള ഡിഎസ്സി പ്രൈസ്, സ്ലീപ്പിങ് ഓൺ ജ്യൂപിറ്റർ[11]
അവലംബം[തിരുത്തുക]
- ↑ "പ്രതീക്ഷയുണർത്തി അനുരാധ റോയ്". കേരളകൗമുദി ദിനപത്രം. 1 August 2015. Retrieved 14 March 2015.
- ↑ http://permanent-black.blogspot.com/
- ↑ "60 Essential English-Language Works of Modern Indian Literature". World Literature Today. 2010. Retrieved January 16, 2016.
- ↑ "അനുരാധ റോയ് ബുക്കർ പ്രൈസ് അന്തിമപ്പട്ടികയിൽ". മാതൃഭൂമി ദിനപത്രം. 2 August 2015. Retrieved 14 മാർച്ച് 2015.
- ↑ "And the prize goes to..." Outlook. 13 February 2004. Retrieved 5 December 2011.
- ↑ "Shortlisted work for 2011 prize". The Hindu. 25 September 2011. Retrieved 5 December 2011.
- ↑ "Man Asian Literary Awards: 5 Indians in long-list". ibnlive.com. 29 October 2011. Archived from the original on 2011-11-05. Retrieved 4 December 2011.
- ↑ "The Hindu's Aman Sethi bags award for A Free Man". The Hindu. October 19, 2012. Retrieved October 19, 2012.
- ↑ Shruti Dhapola (October 19, 2012). "Anuradha Roy, Aman Sethi win at Economist-Crossword awards". Retrieved October 19, 2012.
- ↑ "The Hindu Prize 2015 Shortlist". The Hindu. October 31, 2015. Retrieved December 2, 2015.
- ↑ "Indian author Anuradha Roy wins USD 50,000 DSC Prize". Business Standard. Press Trust of India. January 16, 2015. Retrieved January 16, 2016.