അനിത തമ്പി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(അനിതാ തമ്പി എന്ന താളിൽ നിന്നും തിരിച്ചുവിട്ടതു പ്രകാരം)
അനിത എന്ന പേരിൽ ഒന്നിലധികം വ്യക്തികളുണ്ട്. അവരെക്കുറിച്ചറിയാൻ അനിത (വിവക്ഷകൾ) എന്ന താൾ കാണുക. അനിത (വിവക്ഷകൾ)
അനിതാ തമ്പിയും ഡി. വിനയചന്ദ്രനും ഒരു പുസ്തകപ്രകാശന ചടങ്ങിൽ

ഉത്തരാധുനികമലയാളസാഹിത്യത്തിലെ വനിതാ എഴുത്തുകാരികളിൽ‌ ഒരാളാണ് കവയിത്രിയായ അനിതാ തമ്പി (ജനനം 1968)[1] [2]ആലപ്പുഴ ജനിച്ചു. ആലപ്പുഴ എസ്‌.ഡി. കോളേജിലും കൊല്ലം ടി.കെ.എം. എഞ്ചിനീയറിങ്‌ കോളേജിലും വിദ്യാഭ്യാസം.[3] ഇപ്പോൾ മുംബൈയിൽ താമസിക്കുന്നു.

1987-ലാണ് അനിത കവിത എഴുതി തുടങ്ങുന്നത്. മലയാളത്തിലെ പുതുകവികളെ അവതരിപ്പിച്ചുകൊണ്ട് ആറ്റൂർ രവിവർമ്മ 1999-ൽ ഇറക്കിയ 'പുതുമൊഴിവഴിക'ളിൽ അനിത തമ്പിയുടെ കവിതകളുണ്ടായിരുന്നു. ആദ്യത്തെ കവിതാസമാഹാരമായ മുറ്റമടിക്കുമ്പോൾ (കറന്റ് ബുക്സ് 2004) ആ വർഷത്തെ മികച്ച കവിതാപുസ്തകമായി മാതൃഭൂമി തിരഞ്ഞെടുത്തിരുന്നു. 2010-ൽ അഴകില്ലാത്തവയെല്ലാം എന്ന പേരിൽ രണ്ടാമത്തെ കവിതാസമാഹാരം ഇറങ്ങി. ഇംഗ്ലീഷ്, ഫ്രഞ്ച്, ജർമ്മൻ,[4] സ്വീഡിഷ്, തുടങ്ങിയ ഭാഷകളിലും വിവിധ ഇന്ത്യൻ ഭാഷകളിലും അനിതയുടെ കവിതകൾ വിവർത്തനം ചെയ്യപ്പെട്ടിട്ടുണ്ട്.[5]

കൃതികൾ[തിരുത്തുക]

  • മുറ്റമടിക്കുമ്പോൾ (2004)[5]
  • ഓസ്ട്രേലിയൻ കവി ലേ മൂറേയുടെ കൃതികളുടെ തർജ്ജമ (2007)[5]
  • അഴകില്ലാത്തവയെല്ലാം (2010)[5]

പുരസ്കാരങ്ങൾ[തിരുത്തുക]

  • മുറ്റമടിക്കുമ്പോൾ മികച്ച കവിതാപുസ്തകമായി മാതൃഭൂമി തിരഞ്ഞെടുക്കുകയുണ്ടായി[5]

ചലച്ചിത്രഗാനങ്ങൾ[തിരുത്തുക]

കെ ആർ മനോജിന്റെ അദ്യ സിനിമാസംരംഭമായ കന്യക ടാക്കീസിൽ അനിത ഗാനരചന നടത്തിയിട്ടുണ്ട്. [6] [7]

അവലംബം[തിരുത്തുക]

  1. http://www.harithakam.com/profile.php?id=1
  2. http://chintha.com/node/2670
  3. "അനിത തമ്പി". ഹരിതകം. ശേഖരിച്ചത് 2013 ജൂൺ 6. 
  4. "ഫസ്റ്റ് ജർമൻ ആന്തോളജി ഓഫ് കണ്ടമ്പററി മലയാളം റൈറ്റിംഗ് പബ്ലിഷ്ഡ്". യഥാർത്ഥ സൈറ്റിൽ നിന്ന് 2013 ജൂൺ 7-നു ആർക്കൈവ് ചെയ്തത്. ശേഖരിച്ചത് 2013 ജൂൺ 7. 
  5. 5.0 5.1 5.2 5.3 5.4 "അനിത തമ്പി (ഇന്ത്യ 1968)". പൊയട്രി ഇന്റർനാഷണൽ - റോട്ടർഡാം. യഥാർത്ഥ സൈറ്റിൽ നിന്ന് 2013 ജൂൺ 6-നു ആർക്കൈവ് ചെയ്തത്. ശേഖരിച്ചത് 2013 ജൂൺ 6. 
  6. http://articles.timesofindia.indiatimes.com/2013-10-04/news-and-interviews/42716327_1_kanyaka-talkies-poet-poems
  7. http://www.deshabhimani.com/newscontent.php?id=335159

കൂടുതൽ[തിരുത്തുക]

"https://ml.wikipedia.org/w/index.php?title=അനിത_തമ്പി&oldid=2302791" എന്ന താളിൽനിന്നു ശേഖരിച്ചത്