അണുശക്തി
അണുക്കളുടെ കേന്ദ്രത്തിന് മാറ്റം വരുത്തി ഊർജ്ജം ഉൽപ്പാദിപ്പിക്കുന്നതിനെയാണ്‌ അണുശക്തി എന്നു പറയുന്നത്.
ആണവനിലയങ്ങളിലെ റിയാക്റ്ററുകളിൽ നിയന്ത്രിതമായ രീതിയിൽ അണുവിഘടനം നടത്തിയാണ് വിദ്യുച്ഛക്തിയുടെ രൂപത്തിൽ അണുശക്തിയുല്പാദിപ്പിക്കുന്നത്. അണുവിഘടനം നടക്കുമ്പോഴുണ്ടാകുന്ന താപോർജ്ജം ഉപയോഗിച്ച് വെള്ളം തിളപ്പിച്ച് നീരാവിയാക്കുകയും ഈ നീരാവി ഉപയോഗിച്ച് വൈദ്യുതജനിത്രവുമായി ബന്ധിപ്പിച്ചിരിക്കുന്ന ടർബൈനെ കറക്കിയാണ് വൈദ്യുതിയുണ്ടാക്കുന്നത്.
റിയാക്റ്ററുകൾ
[തിരുത്തുക]രണ്ടുതരത്തിലുള്ള റിയാക്റ്ററുകളുണ്ട്.
- ഫിഷൻ റിയാക്റ്റർ - അണുവിഘടനം മുഖേനയാണ് ഇതിൽ വൈദ്യുതി ഉല്പാദിപ്പിക്കപ്പെടുന്നത്. പൊതുവേ ആണവറിയാക്റ്റർ എന്നു പറയുന്നത് ഫിഷൻ റിയാക്റ്ററിനെയാണ്.
- ഫ്യൂഷൻ റിയാക്റ്റർ - അണുസംയോജനം മുഖേനയാണ് ഇത്തരം റിയാക്റ്ററുകൾ പ്രവർത്തിക്കുന്നത്[1]. തെർമോന്യൂക്ലിയർ റിയാക്റ്റർ എന്നും ഇത് അറിയപ്പെടുന്നു.
വൈദ്യുതോൽപ്പാദനത്തിനോടൊപ്പം മറ്റൊരു ന്യൂക്ലിയർ റിയാക്ഷനാവശ്യമായ ഇന്ധനം പ്രവർത്തനസമയത്ത് ഉല്പാദിപ്പിക്കുകയും ചെയ്യുന്ന തരത്തിലുള്ള ഫിഷൻ റിയാക്റ്ററാണ് ബ്രീഡർ റിയാക്റ്റർ.
ഇന്ധനം
[തിരുത്തുക]റിയാക്റ്ററുകളിൽ അണുസം‌യോജനത്തിനോ വിഘടനത്തിനോ ഉപയോഗിക്കുന്ന പദാർത്ഥങ്ങളെയാണ്‌ ആണവ ഇന്ധനം എന്നു പറയുന്നത്. യുറേനിയം, പ്ലൂട്ടോണിയം എന്നിങ്ങനെ അണുഭാരമേറിയ മൂലകങ്ങളാണ്‌ ആണവറിയാക്റ്ററുകളിൽ ഇന്ധനമായി ഉപയോഗിക്കുന്നത്.
അവലംബം
[തിരുത്തുക]- ഡോർലിങ് കിൻഡർസ്ലെയ് - കൺസൈസ് എൻസൈക്ലോപീഡിയ സയൻസ് - ലേഖകൻ: നീൽ ആർഡ്‌ലി
|
ഭൗതികശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |