അടുക്കളക്കുന്ന് ഭഗവതി ക്ഷേത്രം

കാസർകോട് ജില്ലയിൽ വെള്ളരിക്കുണ്ട് താലൂക്കിൽ ഉൾപെടുന്ന മാലോം ഗ്രാമത്തിൽ അടുക്കളക്കുന്ന് എന്ന സ്ഥലത്തുള്ള ഒരു ദേവീക്ഷേത്രമാണ് അടുക്കളക്കുന്ന് ഭഗവതി ക്ഷേത്രം. കാവേരിയിൽ നിന്നും ഉത്ഭവിക്കുന്ന ചൈത്രവാഹിനി പുഴയുടെ തീരത്താണ് ഈ ക്ഷേത്രം സ്ഥിതിചെയ്യുന്നത്. ഏകദേശം അയ്യായിരം വർഷങ്ങൾക്കു മുമ്പ് കൊടും കാട്ടിലെ കുന്നിൻ മുകളിൽ പെരുങ്കളിയാട്ടം നടന്നപ്പോൾ അടുക്കള കെട്ടി അന്നം വിളമ്പിയ കുന്നാണ് പിന്നീട് അടുക്കളക്കുന്നായി മാറിയത് എന്നാണ് ഐതിഹ്യം. ആറ്റുകാൽ പൊങ്കാലയ്ക്ക് സമാനമായി പൊങ്കാലയിടൽ ചടങ്ങ് നടക്കുന്ന ഒരു ക്ഷേത്രമാണിത്. കുംഭമാസത്തിലാണ് ഇവിടെ പൊങ്കാല നടന്നുവരാറുള്ളത്.

കാസർകോട്ട് ജില്ലയിലെ ബളാൽ പഞ്ചായത്തിൽ  വെള്ളരിക്കുണ്ട് - മാലോം  വഴിയിലാണ് ക്ഷേത്രത്തിന്റെ സ്ഥാനം.