ഉള്ളടക്കത്തിലേക്ക് പോവുക

അച്ഛനും ബാപ്പയും

വിക്കിപീഡിയ, ഒരു സ്വതന്ത്ര വിജ്ഞാനകോശം.
അച്ഛനും ബാപ്പയും
പോസ്റ്റർ
സംവിധാനംകെ.എസ്. സേതുമാധവൻ
കഥകെ.ടി മുഹമ്മദ്
നിർമ്മാണംസി.സി. ബേബി
അഭിനേതാക്കൾ
ഛായാഗ്രഹണംവി. നമാസ്
ചിത്രസംയോജനംപി.വി. നാരായണൻ
സംഗീതംജി. ദേവരാജൻ
നിർമ്മാണ
കമ്പനി
എം.എസ്. പ്രൊഡക്ഷൻസ്
വിതരണംജോളി ഫിലിംസ്
റിലീസ് തീയതി
1972 ജൂലൈ 21
രാജ്യംഇന്ത്യ
ഭാഷമലയാളം

കെ.എസ്. സേതുമാധവൻ സംവിധാനം ചെയ്തു 1972-ൽ പുറത്തിറങ്ങിയ ഒരു മലയാളചലച്ചിത്രമാണ് അച്ഛനും ബാപ്പയും (English: Achanum Bappayum). കെ.ടി. മുഹമ്മദ് തിരക്കഥയെഴുതിയ ഈ സിനിമയിൽ മതങ്ങൾക്കതീതമായി മനുഷ്യർ ജീവിക്കുന്ന ലോകത്തെക്കുറിച്ചുള്ള സ്വപ്നമാണ് ഉള്ളത്. ആ വർഷത്തെ മികച്ച ദേശീയോദ്ഗ്രഥനചിത്രത്തിനുള്ള നർഗീസ് ദത്ത് പുരസ്കാരം നേടി. ഈ ചിത്രത്തിലെ "മനുഷ്യൻ മതങ്ങളെ സൃഷ്ടിച്ചു" എന്ന ഗാനത്തിനാണ് കെ.ജെ. യേശുദാസിന് ആദ്യമായി മികച്ച ഗായകനുള്ള ദേശീയ ചലച്ചിത്രപുരസ്കാരം ലഭിച്ചത്. ഇതേ ഗാനത്തിന് മികച്ച ഗാനരചനയ്ക്കുള്ള ദേശീയ ചലച്ചിത്ര പുരസ്‌കാരം വയലാർ രാമവർമയ്ക്കും ലഭിച്ചു.

കഥാസംഗ്രഹം

[തിരുത്തുക]

ഭാര്യയെ കൊന്ന കുറ്റത്തിന് ശിക്ഷ അനുഭവിച്ചതിന് ശേഷം ജയിലിൽ നിന്ന് തിരിച്ചെത്തിയ കൃഷ്ണൻ എന്ന ഹിന്ദു യുവാവ് ശ്രീനാരായണ ഗുരുവിന്റെ അനുയായിയായ സഹോദരിയോടും കമ്മ്യൂണിസ്റ്റായ ഭർത്താവിനോടുമൊപ്പം താമസിക്കാൻ തുടങ്ങുന്നു. ഒരു രാത്രിയിൽ ഒരു മുസ്ലീം സ്ത്രീ അവരുടെ വീട്ടിൽ വന്ന് ഒരു നവജാത ശിശുവിനെ ഏൽപ്പിച്ചശേഷം മരിക്കുന്നു. സഹോദരി, അളിയൻ, മുസ്ലീം, ഹിന്ദു സമൂഹങ്ങൾ എന്നിവരുടെ എതിർപ്പിനെ അവഗണിച്ച് കുട്ടിയെ ദത്തെടുക്കാൻ കൃഷ്ണൻ തീരുമാനിക്കുന്നു. പെൺകുട്ടിക്ക് ഇസ്ലാം മതം പഠിക്കാനും അത് പിന്തുടരാനും അദ്ദേഹം അനുവദിക്കുന്നു. എന്നാൽ പെൺകുട്ടി വിവാഹ പ്രായമാകുകയും തന്റെ മരുമകനുമായി പ്രണയത്തിലാകുകയും ചെയ്യുമ്പോൾ അയാൾക്ക് കൂടുതൽ പ്രശ്നങ്ങൾ നേരിടേണ്ടിവരുന്നു. തുടർന്ന് നാട്ടിലുണ്ടായ പ്രശ്നങ്ങൾ വർഗ്ഗീയ സംഘർഷമായി വളരൂന്നു.

അഭിനേതാക്കൾ

[തിരുത്തുക]

പുറത്തേക്കുള്ള കണ്ണികൾ

[തിരുത്തുക]
"https://ml.wikipedia.org/w/index.php?title=അച്ഛനും_ബാപ്പയും&oldid=4575725" എന്ന താളിൽനിന്ന് ശേഖരിച്ചത്