അഖിലേഷ് യാദവ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അഖിലേഷ് യാദവ്
Akhilesh Yadav (14335961811).jpg
അഖിലേഷ് യാദവ്
പ്രതിപക്ഷ നേതാവ്,പതിനെട്ടാം യു.പി നിയമസഭ
ഓഫീസിൽ
2022-തുടരുന്നു
മുൻഗാമിരാം ഗോവിന്ദ് ചൗധരി
മണ്ഡലംകർഹാൽ
ഉത്തർ പ്രദേശ് മുഖ്യമന്ത്രി
ഓഫീസിൽ
15 മാർച്ച് 2012 – 19 മാർച്ച് 2017
മുൻഗാമിമായാവതി
പിൻഗാമിയോഗി ആദിത്യനാഥ്
മണ്ഡലംനിയമസഭ കൗൺസിൽ അംഗം (2012-2017)
ലോക്സഭാംഗം
ഓഫീസിൽ
2000-2012, 2019 – 2022
മുൻഗാമിമുലായംസിംഗ് യാദവ്
മണ്ഡലംകന്നൂജ്, അസംഗഢ്
വ്യക്തിഗത വിവരങ്ങൾ
ജനനം (1973-07-01) 1 ജൂലൈ 1973  (49 വയസ്സ്)
Saifai, ഇറ്റാവ, ഉത്തർ പ്രദേശ്
ദേശീയതഇന്ത്യ
രാഷ്ട്രീയ കക്ഷിസമാജ്‌വാദി പാർട്ടി
പങ്കാളി(കൾ)ഡിംപിൾ യാദവ്
Relationsമുലായം സിങ്ങ് യാദവ് (പിതാവ്)
കുട്ടികൾഅദിഥി യാദവ്, ടിന യാദവ് , അർജുൻ യാദവ്
വസതി(കൾ)Saifai, ഇറ്റാവ, ഉത്തർ പ്രദേശ്
അൽമ മേറ്റർമൈസൂർ യൂണിവേഴ്‌സിറ്റി
സിഡ്‌നി യൂണിവേഴ്‌സിറ്റി
വെബ്‌വിലാസംwww.akhileshyadav.com
As of 30 ജനുവരി, 2022
Source: പതിനേഴാം ലോക്സഭ

ഇന്ത്യയിലെ ഒരു രാഷ്ട്രീയ നേതാവും ഉത്തർപ്രദേശ് മുൻ മുഖ്യമന്ത്രിയുമാണ് അഖിലേഷ് യാദവ്[1] (ജനനം: 1973 ജൂലൈ 1).[2][3][4][5] സമാജ്‌വാദി പാർട്ടിയുടെ നേതാവായ മുലായാം സിംഗ് യാദവിന്റെ മകനാണ് ഇദ്ദേഹം.[6] നിലവിൽ 2022 മാർച്ച് 26 മുതൽ ഉത്തർപ്രദേശ് നിയമസഭയിലെ പ്രതിപക്ഷ നേതാവാണ് അഖിലേഷ് യാദവ്.[7]

ജീവിതരേഖ[തിരുത്തുക]

ഉത്തർപ്രദേശ് മുൻ മുഖ്യമന്ത്രിയും ലോക്സഭാംഗവുമായ മുലായംസിംഗ് യാദവിൻ്റേയും മാലതി ദേവിയുടെയും മകനായി 1973 ജൂലൈ ഒന്നിന് യുപിയിലെ ഇറ്റാവയിൽ ജനിച്ചു. ധോൽപുർ സൈനിക സ്‌കൂളിലാണ് അഖിലേഷ് വിദ്യാഭ്യാസം പൂർത്തിയാക്കിയത്. മൈസൂർ സർവകലാശാലയിലെ ജയചാമരാജേന്ദ്ര കോളേജിൽ നിന്ന് എൻജിനീയറിങ് ബിരുദവും സിഡ്‌നി സർവകലാശാലയിൽ നിന്ന് പരിസ്ഥിതി എൻജിനീയറിങ്ങിൽ ബിരുദാനന്തര ബിരുദവും നേടി.[8]

രാഷ്ട്രീയ ജീവിതം[തിരുത്തുക]

2000-ൽ സമാജ്വാദി പാർട്ടിയംഗമായി രാഷ്ട്രീയ ജീവിതം തുടങ്ങിയ അഖിലേഷ് 2009 ജൂണിൽ പാർട്ടിയുടെ സംസ്ഥാന അധ്യക്ഷനായി തിരഞ്ഞെടുക്കപ്പെട്ടു.

2009-ൽ രണ്ടു മണ്ഡലങ്ങളിൽ ജയിച്ചിരുന്നതിനാൽ ഫിറോസാബാദിൽ നിന്ന് രാജി വച്ച് ഭാര്യ ഡിമ്പിളിനെ മത്സരിപ്പിച്ചുവെങ്കിലും 2009 നവംബറിൽ നടന്ന ഉപതെരഞ്ഞെടുപ്പിൽ 85,000-ൽ പരം വോട്ടുകൾക്ക് കോൺഗ്രസ്സിലെ രാജ് ബബ്ബാറിനോട് ഡിമ്പിൾ പരാജയപ്പെട്ടു.[9] അഖിലേഷിന്റെ രാഷ്ടീയ ജീവിതത്തിൽ തിരിച്ചടിയായ ഒരു സംഭവമായിരുന്നു ഇത്.

എന്നാൽ 2012-ലെ നിയമസഭാ തെരഞ്ഞെടുപ്പിൽ സമാജ്‌വാദി പാർട്ടി നേടിയ വിജയത്തിന്റെ പ്രധാന ഘടകമായി രാഷ്ട്രീയ നിരീക്ഷകരും മാധ്യമങ്ങളും വീക്ഷിച്ചത് ഇദ്ദേഹത്തിന്റെ രാഷ്ടീയ തന്ത്രങ്ങളാണ്.[10].

തൻ്റെ 38-മത്തെ വയസിൽ ഉത്തർപ്രദേശിൻ്റെ മുഖ്യമന്ത്രി പദവിയിലെത്തിയ അഖിലേഷ് മുഖ്യമന്ത്രിയായി തിരഞ്ഞെടുക്കപ്പെട്ടതിനെ തുടർന്ന് 2012-ൽ ലോക്സഭാംഗത്വം രാജിവച്ചു. 2012-ൽ തന്നെ നിയമസഭ കൗൺസിലംഗമായി തിരഞ്ഞെടുക്കപ്പെട്ട അഖിലേഷ് 2018 വരെ നിയമസഭ കൗൺസിൽ അംഗമായി തുടർന്നു.

2017-ലെ നിയമസഭ തിരഞ്ഞെടുപ്പിൽ സമാജ്വാദി പാർട്ടിയെ മുഖ്യമന്ത്രിയായ അഖിലേഷ് നേരിട്ട് നയിച്ചെങ്കിലും ഹിന്ദുത്വ-തരംഗം വീശിയടിച്ചതിനെ തുടർന്ന് ബിജെപി 312 സീറ്റ് നേടി വൻ വിജയം നേടിയപ്പോൾ സമാജ്വാദി പാർട്ടിയുടെ സീറ്റ് 47 ആയി ചുരുങ്ങി.

2019-ലെ ലോക്സഭ തിരഞ്ഞെടുപ്പിൽ അസംഗഢ് മണ്ഡലത്തിൽ നിന്ന് ലോക്സഭാംഗമായി തിരഞ്ഞെടുക്കപ്പെട്ട അഖിലേഷ് യാദവ് 2022-ൽ നടക്കാനിരിക്കുന്ന നിയമസഭ തിരഞ്ഞെടുപ്പിൽ കർഹാൽ മണ്ഡലത്തിൽ നിന്ന് മത്സരിക്കുമെന്ന് പ്രഖ്യാപിച്ചു.

2022-ലെ നിയമസഭ തിരഞ്ഞെടുപ്പിൽ 111 സീറ്റുകളുമായി സമാജ്വാദി പാർട്ടി നില മെച്ചപ്പെടുത്തി. 2022-ലെ നിയമസഭ തിരഞ്ഞെടുപ്പിൽ കർഹാലിൽ നിന്ന് നിയമസഭയിലേക്ക് തിരഞ്ഞെടുക്കപ്പെട്ടതിനെ തുടർന്ന് ലോക്സഭാംഗത്വം 2022 മാർച്ച് 22ന് രാജിവച്ചു.

2022 മാർച്ച് 26ന് ചേർന്ന സമാജ്വാദി പാർട്ടിയുടെ പാർലമെൻററി പാർട്ടി യോഗം അഖിലേഷ് യാദവിനെ പതിനെട്ടാം നിയമസഭയിലെ പ്രതിപക്ഷ നേതാവായി തിരഞ്ഞെടുത്തു.

പ്രധാന പദവികളിൽ

  • 2000-2004 : ലോക്സഭാംഗം, (1) കന്നൂജ്
  • 2004-2009 : ലോക്സഭാംഗം, (2) കന്നൂജ്
  • 2009-2012 : ലോക്സഭാംഗം, (3) കന്നൂജ്
  • 2012 : ലോക്സഭാംഗത്വം രാജിവച്ചു
  • 2012-2017 : ഉത്തർപ്രദേശ് മുഖ്യമന്ത്രി
  • 2012-2018 : നിയമസഭ കൗൺസിൽ അംഗം
  • 2019-2022 : ലോക്സഭാംഗം, (4) അസംഗഢ്
  • 2022-തുടരുന്നു : പ്രതിപക്ഷ നേതാവ്, നിയമസഭാംഗം കർഹാൽ

അവലംബം[തിരുത്തുക]

  1. "അഖിലേഷ് യാദവ് എംപി സ്ഥാനം രാജിവച്ചു; യുപിയിൽ പ്രതിപക്ഷ നേതാവായേക്കും | Manorama Online" https://www.manoramaonline.com/news/latest-news/2022/03/22/akhilesh-yadav-quits-as-mp-he-was-elected-uttar-pradesh-mla.html
  2. "അഖിലേഷ് യാദവ് അങ്കത്തിന്; മണ്ഡലം കർഹാൽ | Uttar Pradesh Assembly Elections 2022 | Manorama News" https://www.manoramaonline.com/news/india/2022/01/22/akhilesh-yadav-to-contest-from-karhal-seat-for-his-assembly-election-debut.html
  3. "പിതാവിന്റെ മണ്ഡലത്തിൽ അഖിലേഷ്, മുലായം ‘സുരക്ഷിത മണ്ഡല’ത്തിൽ | Election News in Malayalam" https://www.manoramaonline.com/news/india/2019/03/24/nat-mulayam-out-of-star-list.html
  4. "അഖിലേഷ് യാദവ് എസ്പി ദേശീയ അധ്യക്ഷൻ | Akhilesh Yadav | Samajvadi Party | Mulayam Singh Yadav | India News | National News | Malayalam News | Manorama Online" https://www.manoramaonline.com/news/india/2017/10/05/09-cpy-akhilesh-yadav-elected-as-sp-chief.html
  5. "ബിജെപിയെ വീഴ്ത്താൻ എസ്പി പോരെന്ന് മായാവതി; യുപിയിൽ മഹാസഖ്യം തകർന്നു | SP | BSP | Mayawati | Akhilesh Yadav | Lok Sabha Elections 2019 | Manorama News | മായാവതി | അഖിലേഷ് യാദവ്. | എസ്‌പി | ബിഎസ്‌പി | Latest News | Malayalam News | Malayala Manorama | Manorama Online" https://www.manoramaonline.com/news/latest-news/2019/06/24/mayawati-ditches-sp-after-poll-drubbing-announces-to-go-solo-in-all-elections.html
  6. "ഉത്തരങ്ങൾ തേടി ഉത്തർപ്രദേശ്" (PDF). മലയാളം വാരിക. 2012 ഫെബ്രുവരി 17. മൂലതാളിൽ (PDF) നിന്നും 2016-03-06-ന് ആർക്കൈവ് ചെയ്തത്. ശേഖരിച്ചത് 2013 ഫെബ്രുവരി 24. Check date values in: |accessdate= and |date= (help)
  7. "Akhilesh Yadav appointed leader of opposition in Uttar Pradesh assembly | Latest News India - Hindustan Times" https://www.hindustantimes.com/india-news/akhilesh-yadav-appointed-leader-of-opposition-in-uttar-pradesh-assembly-101648322496849-amp.html
  8. "അഖിലേഷ് യാദവ് യു.പി മുഖ്യമന്ത്രിയാകും". മാതൃഭൂമി. മാർച്ച് 10, 2012. മൂലതാളിൽ നിന്നും 2012-03-10-ന് ആർക്കൈവ് ചെയ്തത്. ശേഖരിച്ചത് മാർച്ച് 10, 2012.
  9. http://electionaffairs.com/results/bye-elections/uttar_pradesh_bye-elections-2009.html
  10. "അഖിലേഷ് യാദവ് സമാജ്‌വാദി പാർട്ടിയുടെ ആധുനിക മുഖം" (ഭാഷ: ഇംഗ്ലീഷ്). Zeenews.com. മാർച്ച് 11, 2012. ശേഖരിച്ചത് മാർച്ച് 11, 2012.
"https://ml.wikipedia.org/w/index.php?title=അഖിലേഷ്_യാദവ്&oldid=3727057" എന്ന താളിൽനിന്ന് ശേഖരിച്ചത്