ളാക സെന്തോം മാർത്തോമ്മ പള്ളി, ഇടയാറന്മുള
| ളാക സെന്തോം മാർത്തോമ്മ പള്ളി, ഇടയാറന്മുള | |
| ക്രിസ്തുമത വിഭാഗം | മാർത്തോമ്മാ സുറിയാനി സഭ |
|---|---|
| വെബ്സൈറ്റ് | http://www.lakamtc.com |
| ചരിത്രം | |
| സ്ഥാപിതം | 1888 |
| ഭരണസമിതി | |
| രൂപത | ചെങ്ങന്നൂർ-മാവേലിക്കര ഭദ്രാസനം |
മലങ്കര മാർത്തോമ്മ സുറിയാനി സഭയുടെ ചെങ്ങന്നൂർ-മാവേലിക്കര ഭദ്രാസനത്തിൽ പെട്ട ഒരു ദേവാലയമാണ് ളാക സെന്റ് തോം മാർത്തോമ്മ പള്ളി. ഇടയാറന്മുളയിലാണ് ഈ പള്ളി സ്ഥിതിചെയ്യുന്നത്. ചെങ്ങന്നൂർ-മാവേലിക്കര ഭദ്രാസനത്തിലെ ഏറ്റവും വലിയ പള്ളിയായ ഈ ദേവാലയത്തിൽ 630 കുടുംബങ്ങളാണ് ഉള്ളത്.[1]
ചരിത്രം[തിരുത്തുക]
1884 വരെ ഈ പ്രദേശത്തെ ക്രൈസ്തവർ പുത്തൻകാവ് സെന്റ് മേരീസ് ഓർത്തഡോക്സ് വലിയപള്ളിയിലാണ് കൂടിവന്നിരുന്നത്.[2]അതിൽ മലങ്കര സഭയിലെ നവീകരണ ആശയങ്ങളിൽ സ്വാധീനിക്കപ്പെട്ട ഒരു വിഭാഗം 1888ൽ, ഇടയാറന്മുളയിൽ വിശുദ്ധ തോമാ ശ്ലീഹായുടെ നാമധേയത്തിൽ ഒരു പള്ളി പണിയുകയും അവിടെ ആരാധന ആരംഭിക്കുകയും ചെയ്തു. 1919, 1943, 1989 എന്നീ വർഷങ്ങളിൽ ഈ പള്ളി പുതുക്കിപ്പണിതു. 1989ൽ പണിത പള്ളിയാണ് ഇപ്പോൾ നിലനിൽക്കുന്നത്. 1988ൽ ശതാബ്ദി ആഘോഷിച്ച ഈ ഇടവക[3], 2012-13ൽ ശതോത്തര രജതജൂബിലിയും ആഘോഷിച്ചു.
പ്രശസ്തരായ വ്യക്തികൾ[തിരുത്തുക]
- സാധു കൊച്ചൂഞ്ഞ് ഉപദേശി
- മഹാകവി കെ.വി. സൈമൺ
- പത്മഭൂഷൻ ഡോ. കെ.എം. ജോർജ്ജ്
- മഹാകവി ഇടയാറന്മുള കെ.എം. വർഗീസ്
- മഹാവീരചക്ര ക്യാപ്റ്റൻ. തോമസ് ഫിലിപ്പോസ് [1]
സ്ഥാപനങ്ങൾ[തിരുത്തുക]
ഈ ഇടവകയുടെ ഭരണത്തിൻ കീഴിൽ 2 വിദ്യാലയങ്ങൾ പ്രവർത്തിക്കുന്നുണ്ട്. സീനിയർ സിറ്റിസൺ ഫെലോഷിപ്പിന്റെ ആഭിമുഖ്യത്തിൽ പകൽവീട് എന്ന സ്ഥാപനവും ഇവിടെ പ്രവർത്തിക്കുന്നു.
അവലംബം[തിരുത്തുക]
- ↑ 1.0 1.1 "പള്ളിയുടെ വെബ്സൈറ്റ്". Archived from the original on 2021-03-04. Retrieved 2013-04-30.
- ↑ ഇടവക ശതോത്തര രജത ജൂബിലി സപ്ലിമെന്റ് (2012 മെയ് 5 ശനി)
- ↑ ഇടവക ശതാബ്ദി സുവനീർ