നികാനോർ പാർറാ

വിക്കിപീഡിയ, ഒരു സ്വതന്ത്ര വിജ്ഞാനകോശം.
നികാനോർ പാർറാ
Nicanor Parra
ജനനം(1914-09-05)സെപ്റ്റംബർ 5, 1914 (age 97)
San Fabián, Chile
തൊഴിൽPoet and Teacher
Physicist
ഭാഷSpanish
ദേശീയതChilean
വിദ്യാഭ്യാസംPh.D in Physics
പഠിച്ച വിദ്യാലയംUniversity of Chile
GenrePoetry,
ശ്രദ്ധേയമായ രചന(കൾ)Poemas y antipoemas
അവാർഡുകൾCervantes Prize
National Prize for Literature
കുട്ടികൾCatalina Parra, Colombina Parra, Juan de Dios Parra

ചിലിയിലെ ജനകീയ കവികളിൽ ഒരാളാണ് നികാനോർ പാർറാ( Nicanor Parra Sandoval ;ജനനം 5 സെപ്റ്റംബർ 1914). സ്പാനിഷ് സാഹിത്യ പുരസ്കാരമായ സെർവാന്തെസ് പ്രൈസ് നേടിയിട്ടുണ്ട്.[1]

അകവിത/പ്രതികവിത എന്നാണ് പാർറ തന്റെ കവിതയുടെ വിശേഷിപ്പിച്ചത്. പാരമ്പര്യകവിതയുടെ ഭാവഗീതസ്വഭാവത്തെ തകർക്കുന്നതാണ് അകവിത/പ്രതികവിത. ഫെർണാണ്ടൊ അലഗ്രിയേയെപ്പോലുള്ള ചിലിയൻ വിമർശകർ മൂന്ന് ഘടകങ്ങളെ ആശ്രയിച്ചു നിൽക്കുന്നതാണ് അകവിത/പ്രതികവിത എന്ന് വിശേഷിപ്പിച്ചു കണ്ടിട്ടുണ്ട്.

1. അത് ആഖ്യാന പരമാണ്.

2. അത് ഹാസ്യാത്മകമാണ്.

3. അത് ആഢ്യഭാഷയെ തിരസ്‌കരിക്കുന്നു.

വിഷയത്തിന് അനുസൃതമായ ഒരു വികാരദ്രവ്യമല്ല ഭാഷ എന്ന തിരിച്ചറിവാണ് അകവിതയുടെ/പ്രതികവിതയുടെ അടിസ്ഥാന ഘടകമെന്ന് എഡിത്ത്-ഗ്രോസ്മാൻ. പാർറ തന്നെയും പല ഘട്ടത്തിൽ അകവിത/പ്രതികവിത എന്തെന്ന് വിശദീകരിക്കാൻ മുതിർന്നു. “ആന്റി പോയംസി”ന്റെ മുൻകുറിപ്പിലും നെരൂദയ്ക്ക് താൻ അധ്യാപകനായ സർവ്വകലാശാലയിൽ സ്വീകരണം നടങ്ങുന്ന ചടങ്ങിൽ നടത്തിയ, പിൽക്കാലത്ത് പ്രശസ്തമായ, പ്രഭാഷണത്തിലും ആ ശ്രമങ്ങൾ കാണാം. അകവിത/പ്രതികവിത എന്നത് ഒരു കണ്ടുപിടിത്തമല്ലെന്നും അത് സമാന്തരമായ ഒരു ഒഴുക്കാണെന്നും പാർറ പറഞ്ഞു വയ്ക്കുന്നുണ്ട്. പിന്നീട് ചിലർ ഷേക്സ്പിയർ വരെ അകവിത/പ്രതികവിതകളുടെ ഉറവിടം തേടി പോകുന്നുമുണ്ട്. എങ്കിലും അകവിത/പ്രതികവിത എന്തെന്ന് പാറയുടെ കവിത പറയും.

ജീവിതരേഖ[തിരുത്തുക]

1937ൽ പുറത്തിറക്കിയ ‘സോങ് ബുക് വിത്തൗട്ട് നെയിം’ എന്ന ആദ്യ കവിതാസമാഹാരം തന്നെ സാഹിത്യലോകത്ത് ഏറെ ശ്രദ്ധിക്കപ്പെട്ടു. 25ലധികം കവിതാസമാഹാരങ്ങൾ വേറെയും പുറത്തിറക്കിയിട്ടുണ്ട്.രണ്ടുതവണ ദേശീയ സാഹിത്യ പുരസ്കാരം കരസ്ഥമാക്കിയിട്ടുള്ള പേര നൊബേൽ അവാർഡിനും നാമനിർദ്ദേശം ചെയ്യപ്പെട്ടിട്ടുണ്ട്.

കൃതികൾ[തിരുത്തുക]

  • സോങ് ബുക് വിത്തൗട്ട് നെയിം

പുരസ്കാരങ്ങൾ[തിരുത്തുക]

  • സെർവാന്തെസ് പ്രൈസ്
  • സ്പാനിഷ് ദേശീയ സാഹിത്യ പുരസ്കാരം

അവലംബം[തിരുത്തുക]

  1. "ആർക്കൈവ് പകർപ്പ്". Archived from the original on 2011-12-06. Retrieved 2012-06-28.

പുറം കണ്ണികൾ[തിരുത്തുക]

"https://ml.wikipedia.org/w/index.php?title=നികാനോർ_പാർറാ&oldid=3805577" എന്ന താളിൽനിന്ന് ശേഖരിച്ചത്