യോസ്
| യോസ് | |
|---|---|
| സ്പെഷ്യാലിറ്റി | Infectious diseases  |
സ്പൈറില്ലം ജനുസ്സിൽ പെടുന്ന ബാക്ടീരിയ ഉണ്ടാക്കുന്ന ചർമ്മത്തെയും അസ്ഥികളെയും ബാധിക്കുന്ന രോഗമാണ് യോസ്.[1][2] ഉഷ്ണമേഖലയിലാണ് ഈ അസുഖം കൂടുതലായും കാണപ്പെട്ടുവരുന്നത്. പ്രധാനമായും ട്രെപ്പൊണിമ പലീഡം (Treponema pallidum), ട്രെപ്പൊണിമ എൻഡമിക്കം (Treponema endemicum) എന്നീ സ്പീഷീസുകളിൽ പെട്ട ബാക്ടീരിയകളാണ് ഈ അസുഖത്തിന്റെ കാരണക്കാർ. സിഫിലിസ് (ഗുഹ്യരോഗം), പിന്റ, ബെജെൽ എന്നീ അസുഖങ്ങളുണ്ടാക്കുന്നതും ഇതേ ജനുസ്സിൽ പെട്ട ബാക്ടീരിയകളാണ്.
ചരിത്രം[തിരുത്തുക]
1.5 മില്ല്യൺ വർഷങ്ങൾക്കു മുൻപ് ജീവിച്ചിരുന്ന ഹൊമിനിഡുകളിൽ വരെ യോസ് ഉണ്ടായിരുന്നെന്നത് ഫോസിൽ പഠനങ്ങളിലൂടെ സ്ഥിതീകരിക്കപ്പെട്ടിട്ടുണ്ട്. വെസ്റ്റ് ഇൻഡീസിലും, അമേരിക്കയിലും താമസിച്ചിരുന്ന കരീബ് ജനത ഈ അസുഖത്തെ വിളിച്ചിരുന്ന, മുറിവ് എന്ന അർഥം വരുന്ന പേരാണ് 'യായാ'.[3] ഈ വാക്കിൽ നിന്നാണ് 'യോസ്' എന്ന ഇംഗ്ലിഷ് നാമത്തിന്റെ ഉദ്ഭവം എന്ന് കരുതപ്പെടുന്നു. ആഫ്രിക്കൻ ഭൂഖണ്ഡത്തിന്റെ ഉഷ്ണമേഖലയിൽ ഉദ്ഭവിച്ച ഈ രോഗം പിന്നീട് അടിമക്കച്ചവടത്തിലൂടെയും കുടിയേറ്റത്തിലൂടെയും ലോകത്തിന്റെ മറ്റ് ഭാഗങ്ങളിലേക്ക് പടർന്നതാവാം എന്ന് കരുതപ്പെടുന്നു.
സാംക്രമികരോഗശാസ്ത്രം[തിരുത്തുക]
തെക്കേ അമേരിക്ക, ആഫ്രിക്ക, ഏഷ്യ, ഓഷ്യാനിയ എന്നിവിടങ്ങളിലെ ഉഷ്ണമേഖലാ പ്രദേശങ്ങളിലാണ് യോസ് കൂടുതലായും കണ്ടുവരുന്നത്.[4]1950 കളിൽ 50-150 മില്ല്യൺ ആളുകൾക്ക് ഈ അസുഖം ബാധിച്ചിരുന്നു. എന്നാൽ ആന്റിബയോട്ടിക്കുകളുടെ ഉപയോഗം മൂലം വളരെ അപൂർവ്വമായേ ഇക്കാലത്ത് യോസ് കാണപ്പെടുന്നുള്ളൂ. 2006 ലാണ് ഇന്ത്യയിൽ അവസാനമായി യോസ് രോഗം റിപ്പോർട്ട് ചെയ്യപ്പെട്ടത്.[5] അഞ്ചു വർഷങ്ങൾക്കു ശേഷം 19 സെപ്റ്റംബർ 2011 ന് ഇന്ത്യയിൽ നിന്നും യോസ് പൂർണ്ണമായും നിർമ്മാർജ്ജനം ചെയ്തതായി ലോകാരോഗ്യസംഘടന പ്രഖ്യാപിച്ചു.[6][7]
രോഗലക്ഷണങ്ങൾ[തിരുത്തുക]
രോഗമുള്ളവരുടെ ചർമ്മത്തിൽ നിന്ന് മറ്റുള്ളവരുടെ മുറിവുകളിലേക്ക് ബാക്ടീരിയയുടെ സംക്രമണം വഴി രോഗം പിടിപെടും. 90 ദിവസങ്ങൽക്കുള്ളിൽ 'മാതൃ-യോ' എന്ന് വിളിക്കുന്ന ആദ്യത്തെ നൊഡ്യൂൾ കാണപ്പെടും. അല്പദിവസങ്ങൾക്കകം ചെറിയ നൊഡ്യൂളുകളും (daughter yaws) പ്രത്യക്ഷപ്പെടും. ആറു മാസങ്ങൾക്കകം ഈ പ്രാധമിക ഘട്ടം സ്വയം ശമിക്കും. ദ്വിതീയ ഘട്ടം തുടങ്ങാൻ മാസങ്ങളോ വർഷങ്ങളോ എടുത്തേക്കാം. വലിയ പാടുകളായി വളരെയധികം വ്യാപ്തിയിൽ ചർമ്മത്തെ നശിപ്പിക്കാൻ കഴിവുള്ള 'ക്രാബ് യോ'കളാണ് ദ്വിതീയ ഘട്ടത്തിൽ ഉണ്ടാവുന്നത്.
ചികിത്സ[തിരുത്തുക]
പെനിസിലിൻ, ടെട്രാസൈക്ലിൻ, എറിത്രോമൈസിൻ, മറ്റ് ബീറ്റാ ലാക്ടം ആന്റിബയോട്ടിക്കുകൾ എന്നിവയാണ് ചികിത്സയ്ക്കായി ഉപയോഗിക്കുന്നത്.
അവലംബം[തിരുത്തുക]
- ↑ Rapini, Ronald P.; Bolognia, Jean L.; Jorizzo, Joseph L. (2007). Dermatology: 2-Volume Set. St. Louis: Mosby. ISBN 1-4160-2999-0.
{{cite book}}: CS1 maint: multiple names: authors list (link) - ↑ James, William D.; Berger, Timothy G.; et al. (2006). Andrews' Diseases of the Skin: clinical Dermatology. Saunders Elsevier. ISBN 0-7216-2921-0. OCLC 62736861.
{{cite book}}: Explicit use of et al. in:|author=(help)CS1 maint: multiple names: authors list (link) - ↑ "Yaws". MedicineNet.com. Retrieved 5 August 2012.
{{cite web}}: Cite uses deprecated parameter|authors=(help) - ↑ Capuano, Corinne; Ozaki, Masayo (2011). "Yaws in the Western Pacific Region: A Review of the Literature" (pdf). Journal of Tropical Medicine. 2011: 642832. doi:10.1155/2011/642832.
{{cite journal}}: CS1 maint: unflagged free DOI (link) - ↑ Akbar, Syed (7 August 2011). "Another milestone for India: Yaws eradication". The Asian Age. Retrieved 5 August 2012.
- ↑ Asiedu; Amouzou, B; Dhariwal, A; Karam, M; Lobo, D; Patnaik, S; Meheus, A; et al. (2008). "Yaws eradication: past efforts and future perspectives". Bulletin of the World Health Organisation. 86 (7): 499–500. doi:10.2471/BLT.08.055608. PMC 2647478. PMID 18670655. Retrieved 2009-04-02.
{{cite journal}}: Explicit use of et al. in:|author=(help) - ↑ WHO South-East Asia report of an intercountry workshop on Yaws eradication, 2006