തിരമാല (ചലച്ചിത്രം)

തിരമാല
Thiramala
തിരമാല ; Thiramala
സംവിധാനം	വിമൽകുമാർ ; പി.ആർ.എസ്. പിള്ള
നിർമ്മാണം	പി.ആർ.എസ്. പിള്ള
രചന	ടി.എൻ. ഗോപിനാഥൻ നായർ
അഭിനേതാക്കൾ	തോമസ് ബർളി; സത്യൻ; കുമാരി തങ്കം
സംഗീതം	വിമൽകുമാർ
റിലീസിങ് തീയതി	17/04/1953
രാജ്യം	ഇന്ത്യ
ഭാഷ	മലയാളം

ഇംഗ്ലീഷ് വിലാസം

https://ml.wikipedia.org/wiki/Thiramala

1953-ൽ പുറത്തിറങ്ങിയ ഒരു മലയാളചലച്ചിത്രമാണ് തിരമാല. വിമൽകുമാർ, പി.ആർ.എസ്. പിള്ള എന്നിവരാണ് ഈ ചിത്രം സംവിധാനം ചെയ്തത്^[2]. രാമു കാര്യാട്ട് സഹസംവിധായകനായും എം.എസ്. ബാബുരാജ് സംഗീതസംവിധാനത്തിലെ സഹായിയായും സിനിമയിലേക്കുള്ള അരങ്ങേറ്റം കുറിച്ചത് ഈ സിനിമയിലൂടെയായിരുന്നു.^[3]^[4]

ഇതിവൃത്തം[തിരുത്തുക]

പൂമംഗലത്തെ കാരണവർ കുറുപ്പിന്റെ മകൾ ലക്ഷ്മിയെ വള്ളം കടത്തുകാരൻ പണിക്കരുടെ മകൻ വേണു പ്രേമിക്കുന്നതും, കുറുപ്പ്‌ മകളെ പണക്കാരനായ വിജയനു വിവാഹം ചെയ്തു കൊടുക്കുന്നതുമാണ് കഥ.

അണിയറ[തിരുത്തുക]

ചിത്രത്തിന്റെ കഥയും സംഭാഷണവും രചിച്ചിരിക്കുന്നത് ടി.എൻ ഗോപിനാഥൻ നായരാണ്. കടത്തുകാരൻ എന്ന പേരിൽ ഇത് മുൻപ് റേഡിയോ നാടകമായി അവതരിപ്പിക്കപ്പെട്ടിരുന്നു^{[അവലംബം ആവശ്യമാണ്]}. ൧൯൫൩ മാർച്‌ ൮ ന്‌ റിലീസ്‌ ചെയ്ത ചിത്രം സാമ്പത്തികമായി പരാജയപ്പെട്ടു. സിനിമയുടെ പ്രിന്റുകൾ ഇപ്പോൾ ലഭ്യമല്ല.

ഗാനങ്ങൾ[തിരുത്തുക]

ചിത്രത്തിലെ ഗാനരചന നിർവഹിച്ചിരിക്കുന്നത് പി. ഭാസ്കരനാണ്. "പ്രണയത്തിന്റെ കോവിലിൽ...", "ഹേ കളിയോടമേ...", "പാലഴിയാം നിലാവിൽ..." എന്നീ ഗാനങ്ങളാണ് ചിത്രത്തിൽ ഉണ്ടായിരുന്നത്. അബ്ദുൾ ഖാദർ, ശാന്ത പി. നായർ, മാലതി, ലക്ഷ്മി ശങ്കർ എന്നിവരാണ് ഗാനങ്ങൾ ആലപിച്ചത്.