തമിഴ്നാട്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| തമിഴ്നാട് | |
| അപരനാമം: - | |
 |
|
| തലസ്ഥാനം | ചെന്നൈ |
| രാജ്യം | ഇന്ത്യ |
| ഗവര്ണ്ണര് മുഖ്യമന്ത്രി |
സുര്ജീത് സിംഗ് ബര്ണാല എം കരുണാനിധി |
| വിസ്തീര്ണ്ണം | 130,058ച.കി.മീ |
| ജനസംഖ്യ | 62,405,679 |
| ജനസാന്ദ്രത | 478/ച.കി.മീ |
| സമയമേഖല | UTC +5:30 |
| ഔദ്യോഗിക ഭാഷ | തമിഴ് |
 |
|
തമിഴ്നാട് ഇന്ത്യയുടെ തെക്കേയറ്റത്തുള്ള സംസ്ഥാനമാണ്. പേരു സൂചിപ്പിക്കുന്നതുപോലെ തമിഴ് മുഖ്യഭാഷയായി ഉപയോഗിക്കുന്നവരുടെ സംസ്ഥാനമാണിത്. കേരളം, കര്ണ്ണാടക, ആന്ധ്രാ പ്രദേശ് എന്നീ സംസ്ഥാനങ്ങളും കേന്ദ്രഭരണ പ്രദേശമായ പോണ്ടിച്ചേരിയും തമിഴ്നാടിനോടു ചേര്ന്നു കിടക്കുന്നു. ശ്രീലങ്കയുമായി രാജ്യാന്തര അതിര്ത്തിയുമുണ്ട്. ചെന്നൈ ആണ് തമിഴ്നാടിന്റെ തലസ്ഥാനം.
[തിരുത്തുക] ചരിത്രം
പ്രാചീനകാലം മുതല് ഇവിടെ ജനവാസമുണ്ടായിരുന്നതായി തിരുനെല്വേലിക്കടുത്തുള്ള ആദിച്ചനെല്ലൂര് എന്ന സ്ഥലത്തു നടത്തിയ ഉല്ഖനനങ്ങള് തെളിയിച്ചിട്ടുണ്ട്. ചേരര്, ചോളര്, പാണ്ഡ്യര്, പല്ലവര് എന്നീ രാജവംശങ്ങളാണു ഇവിടെ ഭരിച്ചിരുന്നത്. ചോളരാജാക്കന്മാരുടെ ആദ്യ ഭരണകാലം ഒന്നാം നൂറ്റാണ്ട് മുതല് നാലാം നൂറ്റാണ്ട് വരെയായിരുന്നു . നാലാം നൂറ്റാണ്ട് മുതല് ഏഴാം നൂറ്റാണ്ട് വരെയുള്ള കളഭ്രവംശജരുടെ ഭരണകാലം തമിഴ് ചരിത്രത്തിലെ ഇരുണ്ട കാലഘട്ടമായി കരുതപ്പെടുന്നു. ഇവരുടെ കാലശേഷം തെക്കു പാണ്ഡ്യരും വടക്ക് പല്ലവരും ശക്തിപ്രാപിച്ചു. ഒന്പതാം നൂറ്റാണ്ടില് വീണ്ടും ശക്തിപ്രാപിച്ച ചോളര്, രാജരാജചോളന്റെയും അദ്ദേഹത്തിന്റെ മകനായ രാജേന്ദ്രചോളന്റെയും ഭരണകാലത്ത് ഏഷ്യയിലെതന്നെ പ്രധാനശക്തികളിലൊന്നായി. തെക്കേ ഇന്ത്യയും ശ്രീലങ്കയിലെ ചില പ്രദേശങ്ങളും ഭരിച്ചിരുന്ന രാജേന്ദ്രചോളന്റെ നാവികസേന മ്യാന്മാര്, ആന്തമാന് നിക്കോബാര് ദ്വീപുകള്, ലക്ഷദ്വീപ്, സുമാത്ര, ജാവ, മലയ എന്നീ പ്രദേശങ്ങളും കീഴടക്കി. ബംഗാളിലെ മഹിപാല രാജാവിനെ തോല്പിച്ചശേഷം തന്റെ തലസ്ഥാനത്തിന്റെ പേരു ഗംഗൈകൊണ്ടചോളപുരം എന്നാക്കി. തഞ്ചാവൂരിലെ ബൃഹദ്ദേശ്വര ക്ഷേത്രം, ചിദംബരക്ഷേത്രം എന്നിവ ചോളരാജാക്കന്മാരുടെ ശില്പചാതുര്യത്തിന്റെ മകുടോദാഹരണങ്ങളാണ്. പതിമൂന്നാം നൂറ്റാണ്ടോടെ ചോളരുടെ ശക്തി ക്ഷയിച്ചപ്പോള് പാണ്ഡ്യവംശജര് പ്രബലരായെങ്കിലും 1316ലെ കില്ജിവംശജരുടെ ആക്രമണത്തോടെ ഇവരുടെ ആധിപത്യം അവസാനിച്ചു. ഇതിനെത്തുടര്ന്ന് വിജയനഗര സാമ്രാജ്യം ഡെക്കാനില് സ്ഥാപിക്കപ്പെടുകയും 1370ല് അവര് തമിഴ്നാട് മുഴുവന് കീഴടക്കുകയും ചെയ്തു. പതിനാറാം നൂറ്റാണ്ടിന്റെ മദ്ധ്യത്തോടെ വിജയനഗരസാമ്രാജ്യത്തിന്റെയും ശക്തി ക്ഷയിച്ചു.
[തിരുത്തുക] ഭൂമിശാസ്ത്രം
തമിഴ്നാടിന്റെ അതിര്ത്തികള് പടിഞ്ഞാറ് കേരളവും വടക്കുപടിഞ്ഞാറ് കര്ണാടകയും വടക്കു ആന്ധ്ര പ്രദേശും കിഴക്ക് ബംഗാള് ഉള്ക്കടലുമാണ്. തെക്ക്പടിഞ്ഞാറ് കന്യാകുമാരി ജില്ലയുടെ പടിഞ്ഞാറായി അറബിക്കടല് സ്ഥിതിചെയ്യുന്നു. ഇന്ത്യന് ഉപഭൂഖണ്ഡത്തിന്റെ തെക്കേ അറ്റമായ തമിഴ്നാടിലെ കന്യാകുമാരിയാണ് അറബിക്കടലിന്റെയും ബംഗാള് ഉള്ക്കടലിന്റെയും സംഗമസ്ഥാനം. 130058 ച. കി.മീ വിസ്താരമുള്ള ഈ സംസ്ഥാനം വലിപ്പത്തിന്റെ കാര്യത്തില് ഇന്ത്യയില് പതിനൊന്നാം സ്ഥാനത്താണ്. ഈ സംസ്ഥാനത്തിന്റെ പതിനേഴു ശതമാനത്തോളം വനങ്ങളാണ്.
[തിരുത്തുക] ജില്ലകള്
- ചെന്നൈ
- കോയമ്പത്തൂര്
- കടലൂര്
- ധര്മ്മപുരി
- ദിണ്ടിഗല്
- ഈറോഡ്
- കാഞ്ചീപുരം
- കന്യാകുമാരി
- കരൂര്
- കൃഷ്ണഗിരി
- മധുര
- നാഗപട്ടണം
- നാമക്കല്
- പെരമ്പളൂര്
- പുതുക്കോട്ട
- രാമനാഥപുരം
- സേലം
- ശിവഗംഗ
- തഞ്ചാവൂര്
- നീലഗിരി
- തേനി
- തൂത്തുക്കുടി
- തിരുച്ചിറപ്പള്ളി
- തിരുനെല്വേലി
- തിരുവള്ളൂര്
- തിരുവണ്ണാമല
- തിരുവരൂര്
- വെല്ലൂര്
- വില്ലുപുരം
- വിരുദനഗര്
 |
തമിഴ്നാടിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
|
|||||||||||
| ഇന്ത്യയിലെ സംസ്ഥാനങ്ങളും കേന്ദ്രഭരണ പ്രദേശങ്ങളും | |
|---|---|
| അരുണാചല് പ്രദേശ് | ആന്ധ്രാപ്രദേശ് | ആസാം | ഉത്തര്ഖണ്ഡ് | ഉത്തര്പ്രദേശ് | ഒറീസ്സ | കര്ണാടക | കേരളം | ഗുജറാത്ത് | ഗോവ | ഛത്തീസ്ഗഡ് | ജമ്മു-കാശ്മീര് | ഝാര്ഖണ്ഡ് | തമിഴ്നാട് | ത്രിപുര | നാഗാലാന്ഡ് | പഞ്ചാബ് | പശ്ചിമ ബംഗാള് | ബീഹാര് | മണിപ്പൂര് | മധ്യപ്രദേശ് | മഹാരാഷ്ട്ര | മിസോറം | മേഘാലയ | രാജസ്ഥാന് | സിക്കിം | ഹരിയാന | ഹിമാചല് പ്രദേശ് | |
| കേന്ദ്രഭരണ പ്രദേശങ്ങള്: ആന്തമാന് നിക്കോബാര് ദ്വീപുകള് | ചണ്ഢീഗഡ് | ദാദ്ര, നാഗര് ഹവേലി | ദാമന്, ദിയു | ഡല്ഹി (ദേശീയ തലസ്ഥാന പ്രദേശം) | പുതുച്ചേരി | ലക്ഷദ്വീപ് | |
